Среда, 19 Април 2017    PDF Печати Е-пошта
СЕМЕЈСТВОТО ВО ПРВ ПЛАН А ПОТОА ГЛУМЕЊЕТО

tanja
Повод: ТАТЈАНА НЕШКОВСКА

Во најновата престава „Неочекувана забава“ настапува Татјана Нешковска која на сцена за прв пат настапи минатата година во комедијата „Баба се мажи“. Татјана го привлече вниманието на гледачите со карактерот на Лидија и за истата улога минатата година ја доби наградата Александар Македонски за глума за најдобар дебитант. За да ја запознаеме публиката малку повеќе со Татјана, поведовме разговор.

. Повеќе години сте водител на Радио програмата „ Тавче Гравче“ во Волонгонг. Како се вроди љубовта во радиото?

Уште како мало дете имав желба да бидам на радио, но посебно сакав да бидам ТВ водителка, и често ги имитирав тв водителките од телевизијата. Исто така многу бев заљубена во македонските традиционални песни и фолклор. Кога дојдов во Австралија и кога ми се даде можност да земам учество во програмата „Тавче Гравче“ мислам дека ми се исполни тој сон да се дружам со македонската песна и оро, и преку етерот да се дружам со врвни уметници кои доаѓаат како гости на програмата како и да се дружам во заедницата за време концертите. Ми прави големо задоволство кога слушателите ќе ми се јават и го искажат задоволството што ме слушаат, а програмата се слуша не само во Австралија туку се слуша во Македонија и Европа. Со нетрпение очекувам да дојде недела и да се дружам со слушателите и ми прави задоволство што го негуваме македонскиот јазик и култура. Радиото е дел од мојот живот.

. Како се вроди љубовта во Театарот? Каков беше вашиот почеток?

Кога ја видов драмата „Куферот“ во изведба на АМТС бев воодушевена од професионализмот и темата што се обработуваше. Ми се врати од детството таа вродена желба да бидам на сцена и да играм различни карактери. Им пријдов на актерите и на авторот Душан Ристевски, со кои направив интервју за радио програмата и се понудив да глумам. Сите беа позитивни и ме прифатија. Ми понудија да земам учество во „Баба се мажи“, но како тие што не веруваа во мене така и јас самата не си верував дека така успешно ќе ја одиграм улогата, онака како авторот Душан и режисерот Васко го бараа тоа од мене. Значи со тоа и започна мојата „глумачка кариера“ ако можам така да ја наречам. Мојот сон се оствари, настапив на сцена прв пат и тоа ми врежа љубов сцената да ја сакам уште повеќе.

. Како што рековте прв пат на сцена настапивте минатата година и ја добивте наградата Александар Македонски за улогата на Лидија, како се чувствувавте по добивањето на ова престижна награда?

Се чувствувам прекрасно и никогаш не верував дека ќе бидам наградена, а конкуренцијата беше голема. Мислам дека се дадов од себе не со глумењето туку и со изгледот и костимографијата, сакав целосно да го „освојам“ ликот на Лидија, а и тој да ме освои мене. Жири комисијата сигурно го виде тоа. Но што е најважно уживав да го играм тој лик и уживав да бидам на сцена и да се дружам со целиот тим на оваа драма.

. Во „Неочекувана забава“ ја играте улогота на Зуклинда. Како ја сфаќате оваа улога и во што се состои?

Во оваа драма режисерот Стефо Нанцу ми ја довери улогата на Зуклинда, заболекарка. Многу е кратка но е доста интересна и верувам дека ќе им се допадне на гледачите, поготово што се крие тајност и неочекувана разврска на настаните кои сите нас не прават убаво да размислуваме за нашите секојдневни постапки. Значи ќе бидам заболекарка.

. Кои се вашите планови во блиска иднина?

Моите најважни планови во животот ми се да си ги одгледам, воспитувам и да им го покажам правиот пат на моите синови Тајсон и Томас. Моите сонови и желби се споредни но секако слободното време сакам да продолжам да го посветувам на радио програмата „Тавче Гравче“ и да продолжам да глумам за АМТС, во зависност какви улоги ќе ми понудат. Се надевам дека ќе имам доволно елан и ќе бидам во можност и понатаму да глумам, да ги негувам македонската изворна песна, јазик и култура.

Душан Ристевски

 

На прво место

News image

СОБИР ЗА ЗАЕДНИЧКА МАКЕДОНИЈА во Сиднеј-Австралија

Минатат недела во Сиднеј, на 23 април, успешно се одржа мировниот протест за заедничка и унитарна Ма...

Историја

News image

Допуштам да сме предадени, но верувам и дека е тоа случајно

Допуштам да сме предадени, но верувам и дека е тоа случајно. Ванчо излезе и беше убиен уште во 10 и ...

Иселеници

News image

ММДЧП се сретна со Департментот за дипломатски односи на Канада

ММДЧП се сретна со Департментот за дипломатски односи на К...

Култура и туризам

News image

ФИЛМОТ И ТЕАТАРОТ СЕ ДЕЛ ОД МОЈОТ ЖИВОТ

Зорaн Гулабоски е роден во Волонгонг (Нов Јужен Велс) и ја започна својата глумачка кариера во родни...

Фељтон

News image

Христијанството кај Македонците во светот во делото „Македонски иселенички меридијани“ (1)

По повеќегодишна макотрпна работа излезе од печат обемното дело „Македонски иселенич...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.