Среда, 24 Мај 2017    Печати
ОБЈАВЕНА Е ТРИНАЕСЕТТАТА ЕПИЗОДА ОД СЕРИЈАТА „АНТИЧКИТЕ МАКЕДОНЦИ НЕ БИЛЕ ГРЦИ“

Александар ДОНСКИ

Деновиве на Youtube е поставена тринаесеттата епизода од  документарната серија „АНТИЧКИТЕ МАКЕДОНЦИ НЕ БИЛЕ ГРЦИ“ (“THE ANCIENT MACEDONIANS WERE NOT GREEK”), чиј комплетен автор е Александар Донски. Серијата е во продукција на Lloyd Harrison Entertainment Group од Сиднеј, извршен продуцент на серијата е Џим Стефан, ко-продуцент е Горан Котев, а асоцијативен продуцент е Андрија Петревски, сите од Сиднеј. Текстот го читаат Бубе Донска  и Стефо Нанцу. Во серијата ќе бидат претставени сведоштва од над педесет антички автори според кои античките Македонци не биле никакви „Грци“ како што тврди денешната грчка пропаганда. Авторот на серијата Александар Донски очекува оваа серија да ги разниша темелите на грчката историографија и пропаганда кога е во прашање античка Македонија.

Тринаесеттата епизода е посветена на сведоштвата од Диодор Сицилиианецот и Дионисиј од Халикарнас.

Диодор Сицилијанецот е познат антички исто­ричар, кој исто така напишал Биографија за Алек­сандар Велики Македонски. Тој живеел во I век пред Христа. Бил роден во градот Агириум на Сицилија. Друго ништо не се знае за неговиот живот, но дел од неговите трудови останале зачувани. Тие се собрани под заеднички наслов „Исто­риска библиотека“ и поделени се во 40 книги. Првите шест книги ја опишуваат историјата, географијата и културата на антички Египет, Месопотамија, Индија, Скитија, Ара­бија, Северна Африка, Грција и Европа. Од седмата до седум­наесеттата книга опишана е историјата на светот, почнувајќи од Тројанската војна, па сѐ до периодот на Алек­сандар Велики Македонски.  Од осумнаесеттата до чети­рие­сеттата книга опишани се настаните од периодот кога владееле наследниците на Александар (главно Птолемеи и Селевкиди), па сè до времето на Гај Јулие Цезар (средина на  I век пред Христа).

На Биографијата за Александар што ја запишал Диодор како дел од својата Историја, нема поде­таљно да се задржуваме. Само ќе цитираме два извадока како најударни во однос на темата што ја обработуваме.

Едниот од нив се наоѓа во 17 книга и се однесува на соработката на Грците со Персија во времето по битката кај Гавгамела (Арбела). Во врска со ова Диодор Сицилијанецот пишува:

„Во оваа година (околу 330 пред Христа) во Грција стигнаа вестите за битката близу Арбела (Гавгамела) и многу грчки градови беа рас­тре­во­жени од расте­жот на македонската моќ, така што реши­ја да се борат за својата слобода сѐ додека случајот со Перси­јанците беше актуелен. Тие оче­куваа дека Дарие ќе им помогне, заради што му испратија голема сума пари. Тие се надеваа дека ќе ги спојат обете војски, така што Александар ќе требаше да ја раздели својата војска за да им се спротивстави. Од друга страна, до колку Грците останеа само како неми набљудувачи на пора­зот на Персијан­ците, тие тогаш ќе останеа осамени без никаква шанса да размислуваат за својата сло­бода... Лакадемонците (Спартан­ците) тогаш се по­бу­нија и упатија повик до Грците да се обединат во борбата за слобода.“ (Диодор, 17.62.1,  17.62.3 и 17.62.6).

Значи, еве уште едно диреткно античко све­доштво, од кое се гледа не само фактот дека тогашните Грци се чувствувале окупирани од Маке­дон­ци­те, туку и огромната омраза што тие ја чувству­вале кон нив. Грците биле под­готвени дури и да се спојат со своите веков­ни непријатели Персијанците, само за да  се ослободат од маке­дон­ската окупација. И тоа дури и во времето по битката кај Гавга­ме­ла по која Персиската војска дефинитивно била скршена.

Диодор пишува и за ранувањето на Алексан­дар Велики Македонски кога не се знаело дали тој ќе прежи­вее. Кога слушнале за ова Грците, кои биле оставени да живеат во средноазиските области Бак­трија и Согдијана, помислувајќи дека Александар е мртов, се побуниле против Македонците, сакајќи да се вратат назад во својата татковина. За ова Диодор (17.99.5 - 17.99.6) пишува:

„Со денови кралот лежеше беспомошен и под надзор. Грците, кои беа оставени во Бактрија и Согди­јана и кои беа несреќни и се досадуваа живееј­ќи помеѓу луѓе од друга раса, разбраа дека кралот умрел од здобиените пов­реди и се побунија против Македон­ци­те. Тие се собраа околу три илја­ди ма­­жи. На патот кон дома претр­пеа многу тегоби, а по смртта на Алек­сан­дар сите  беа масак­­рирани од Македонците.“

Диодор пишува и за бунтот во самите грчки градови против Александар, кој бил предводен од Леостен.

Од сите овие сведоштва (кои секако дека не се и единствени) јасно се гледа дека и за познатиот антички историчар Диодор Сицилијанецот, Македон­ците и Грците претставувале два засебни народа, кои најчесто негувале меѓусебно непријателство.

Дионисиј од Халикарнас (Dionysius of Halicar­nassus) се родил околу 60 година пред Христа, а починал некаде по 7 год. по Христа. Тој бил исто­ричар. Извесно време прес­­­­то­јувал во Рим каде го изучувал латинскиот јазик и ра­ботел на своите дела. Бил учител по реторика и се дру­жел со видни личности од своето време. Негово најпоз­нато дело е „Римски старини“ ("Roman Antiquites"), кое ја оп­фаќало историјата на Рим уште од најстарите времиња, па сè до почетокот на Првата пунска војна. Ова дело било поде­ле­но на 22 книги, од кои првите 9 се целосно зачу­вани, а од останатите се зачувани помали или поголеми фрагмен­ти.

Во Првата книга (3 дел) Дионисиј од Халикарнас ја спомнува Македонија како „најмоќна нација“ во тогашниот свет: 

„...Македонија, која до тогаш била сметана за најмоќна нација на светот, повеќе немала како ривал ниту една нација било барбарска или грчка.“      

Во Втората книга (17 дел) тој јасно пишува дека Македонците им ја одзеле слободата на Грците (Атињани и Тебанци), откако претходно ги поразиле во битката кај Херонеја: 

А Тебанците и Атињаните преку катаст­рофата што ја доживеале кај Херонеја биле отс­тра­нети од Маке­донците не само од водството над Грција, туку им била одземена и  слободата што ја имале наследено од своите предци.“

Со ова и Дионисиј од Халикарнас се вброил себеси во оние бројни антички автори кои сведочеле за посебноста на античките Македонци како народ.

Тринаесеттата епизода можете да ја погледнете на ликот:

https://www.youtube.com/watch?v=EsV2rWSETP4&feature=youtu.be

Останатите епизоди можете да ги погледнете на каналот на Јутуб:

https://www.youtube.com/channel/UCJnd4_NuUyQQZfbMqom64kQ

Повеќе детали околу финансирањето на овој проект можете да најдете на:  https://www.gofundme.com/aleksandardonski

Документарен филм со дел од дејноста на авторот Александар Донски можете да погледнете на:

https://www.youtube.com/watch?v=5S26QOz71gU&t=1535s

diodor
Диодор Сицилијанецот