Вторник, 25 Декември 2018    Печати
ВМРО-ДПМНЕ како партија била и ќе биде против договорот од Преспа
alt
Јанушев: За целосна амнестија не е разговарано!

Прислушувањето на судиите и обвинителите и сите нерачистени убиства, се што се случува на полето на криминалот, убиството на Саздо, на неделно ниво во државава се случува палење на автомобили, престрелки и убиства, сето тоа оди на контото на министерот за внатрешни работи, Оливер Спасовски, рече Игор Јанушев генерален секретар гостувајќи на телевизија 1ТВ.

Тој образложи и зошто ќе се расправа за интерпелација за министерот за надворешни работи, Никола Димитров, укажувајќи дека ВМРО-ДПМНЕ како партија била и ќе биде против договорот од Преспа.

-Ќе бидеме против договорот, прво од легален аспект не смееше да биде потпишан од лице кое не смее да потпишува вакви договори, второ, неговата суштина, што значи тоа за македонскиот народ, посочи Јанушев.

Во контекст на кандидатот што ќе го има ВМРО-ДПМНЕ за претседателските избори, генералниот секретар рече дека е рано да се зборува.

-Потаен кандидат немаме. На 11 јануари ќе го објавиме јавниот повик на кој ќе можат да се пријават сите оние кои ги исполнуваат условите за кандидат за претседател, потоа ќе има презентација пред делегатите на конвенцијата и потоа на конвенција ќе се одлучи кој ќе биде кандидат за изборите, објасни Јанушев. Тој истакна е дека рано да се зборува и претпоставува за програмата на претседатлскиот кандидат.

На прашањето можен ли е претседателски дуел меѓу Заев и Мицкоски, Јанушев вели „во политиката се е можно“, посочувајќи дека за тоа дали претседателот на ВМРО-ДПМНЕ ќе се кандидира вели „треба него да го прашате“.

Говорејќи за информациите за тоа кој контактира со претходниот претседател на партијата Никола Груевски, Јанушев посочува дека партијата сега има ново раководство.

-Груевски не е ниту е претседател, ниту премиер. Се уште се држи темата за него, а партијата има ново раководство кое води поразлична политика затоа сме убедени дека ќе извојуваме победа на следните избори. А за тоа ако некој комуницира со Груевски тоа не треба да се стави како етикета на ВМРО-ДПМНЕ со Груевски, категоричен е Јанушев.

На прашањето дали имало разговор Мицкоски-Заев за целосна амнестија, Јанушев вели „од Заев очекувам се, кога некој ќе му притреба на Заев тој го користи во своја полза, но за целосна амнестија не е разговарано“.