Сабота, 18 Јуни 2011    PDF Печати Е-пошта
ВМРО-ДПМНЕ ја одбележа 21-годишнината од постоењето

rodenden-1ВМРО-ДПМНЕ ја прослави 21-годишнината од своето постоење. По тој повод вчера во Музејот на современа уметност се одржа прослава чиј домаќин беше лидерот на партијата Никола Груевски.

Родендените се моменти кога одбележуваме, се потсетуваме, прославуваме. На некој чуден начин, Бог пред скоро секој роденден ја зголемува нашата радост со по една голема победа, рече Груевски, заблагодарувајќи им се сите граѓани, без разлика дали гласале за нив и не, што на изборите покажале висока свест и докажале дека се европски граѓани.

Народот, рече Груевски, ја испрати својата порака, ја одбра опцијата на која и верува и го даде својот мандат на оваа политичка гарнитура да продолжи со реформите и со создавањето на трајни дела кои му служат на народот, кои се видливи и мерливи и кои остануваат за идните генерации.

- Кој не ја сфатил, или пак не може да се помири со народната одлука, има проблем со кој ќе треба да се справи додека го осознае. Народот е секогаш во право, но не се согласувам дека народот греши, па и тогаш е во право, како што нашиот политички конкурент, не можејќи да ја совлада сопствената ароганција и да се осврне на сопствените грешки, изјави дека народот и кога греши е во право, истакна Груевски.

Тој додаде дека целта на ВМРО-ДПМНЕ не била да ги поразат конкурентите на изборите, туку да постигнат нови успеси за Македонија и најави дека продолжуваат со уште поголема одговорност да го исполнат она што го ветиле.

- Ја имаме историската одговорност како лидери уште поинтензивно да го продолжиме општонародното движење, да ја зголемиме нашата одговорност, да инклудираме што поголем број граѓани кои веруваат и се залагаат за силна, цврста и напредна Македонија. Од сите нации и вери, без разлика на убедувања, пол, социјален статус, имотна состојба, припадност. Движењето кое почна, кое го иницираше народот, мора и ќе продолжи и понатаму. Сите граѓани имаат право на подобар живот за себе и за своите семејства и ние со сите сили ќе се стремиме тоа и да го обезбедиме. Тоа е наша обврска и одговорност. Залагање за секој граѓанин. Зборот е даден, образот мора да остане чист, потенцира лидерот на ВМРО-ДПМНЕ.

Груевски вети нов економски циклус на развој, стапки на раст како пред економската криза, намалување на невработеноста, намалување на даноците, раст на индустријата и трговијата и зголемени инвестиции. Најави внесување на нова енергија во редовите и исполнување на Манифестот за реформи и развој, поголема отвореност кон народот, зголемени субвенции, плати и пензии, намалени придонеси, модерни болници, грижа за пациентите, квалитетно образование и развој на културата.

Тој соопшти дека на првата владина седница ќе биде намален данокот за фирмите кои имаат годишен приход до три милиони денари и ДДВ-то за туризам и сурово масло за јадење и оти ќе има поевтинување на зелениот картон, а оние што се лекуваат во странство дека нема да плаќаат повеќе од 200 евра партиципација. Најави дека ќе започнат и со подготвителните активности за да може од крајот на годината да му се овозможи на секој оној што сака да купи стан или куќа, а ги исполнува условите зацртани во Манифестот, да добие поволности  за половина средства за учеството во кредит и во првите пет години ратите да се плаќаат пола пола со државата.

- Во тој дух и во идниот период ќе продолжиме со уште многу други мерки, со исполнување на 1.200 проекти кои се содржани во Манифестот, кои ќе го подобрат животот на секој граѓанин, ќе продолжиме со реформите, модернизацијата, напредокот и развојот. Желбата за реформи победи, го порази минатото, ги победи политичарите од транзицијата и даде дополнителна сила на Македонија да напредува. Ќе продолжиме со работата, со уште посилно темпо, без олабавување, без задршка, посветено, чесно и достоинствено. Има уште многу да се сработи за да може да кажеме дека конечно реформите победија, нагласи Груевски.

Своето обраќање лидерот на ВМРО-ДПМНЕ го започна во спортски дух нагласувајќи дека најдобриот фудбалер во Европа Лионел Меси има само 23 години, а зад себе три победи по ред во шампионската лига. - ВМРО-ДПМНЕ освои убедливо мнозинство во Собранието и ги победува своите конкуретни шест пати по ред на изборите во Република Македонија, а денес прославува 21 година од своето постоење, рече Груевски.

ВМРО-ДПМНЕ е формирана на денешен ден во 1990 година, а основната причина за нејзиното основање е борбата за самостојна Македонија и стекнувањето на независност во деведесеттите години на 20. век.

За нејзин прв претседател е избран Љубчо Георгиевски. По изборот на првата политичка влада во 1992 година преминува во опозиција, сè до парламентарните избори во 1998 година кога победува и формира влада во коалиција со Демократската алтернатива и со Демократската партија на Албанците. На парламентарните избори во 2002 година ВМРО-ДПМНЕ настапува во коалиција со Либерална партија, но ги губи изборите и преминала во опозиција.

Актуелниот претседател на партијата Никола Груевски за лидер на ВМРО-ДПМНЕ беше избран на конгресот што се одржа во мај 2003 година во Охрид. Партијата победи на парламентарните избори во 2006, на предвремените во 2008, како и на локалните и претседателските избори во 2009 година. Со 438.138 гласа и освоени 56 пратеници победи и на последните предвремени парламентарни избори што се одржаа на 5 јуни годинава.
 

На прво место

News image

Централниот комитет на ВМРО-ДПМНЕ ги усвои победничките листи за парламентарните избори

  Муцунски: Централниот комитет на ВМРО-ДПМНЕ ги усвои победничките листи за парламентарните...

Историја

News image

Гоце Делчев неприкосновен лидер на македонската револуционерна борба

Општонародниот водач на македонската ослободителна борба Гоце Делчев е роден на 4 февруари 1872 годи...

Иселеници

News image

НАЈГОЛЕМО ПРИЗНАНИЕ ЗА АНСАМБЛОТ „Томов“ И ЗА ГЕОРГИ (ЏОРЏ) ТОМОВ (19)

ДЕЛ ОД МОНОГРАФИЈАТА „ТОМОВ“  НА СЛАВЕ КАТИН

Култура и туризам

News image

Велигденски пост

Првичната цел на предвелигденскиот пост била насочена кон огласените, кои се припремале да бидат крс...

Фељтон

News image

АКТИВНОСТИ НА ФОНДАЦИЈАТА ПО СМРТТА НА АТАНАС БЛИЗНАКОВ – (ДЕЛ II) (25)

ДЕЛ ОД ЖИВОТОТ НА АТАНАС БЛИЗНАЈОВ ВО МОНОГРАФИИТЕ НА СЛАВЕ КАТИН

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.