ЈАВЕН ПОВИК ЗА ПРОЕКТНИ АПЛИКАЦИИ  НАМЕНЕТ  ЗА ПРАВНИ И ФИЗИЧКИ ЛИЦА ОД РЕДОВИТЕ НА МАКЕДОНСКОТО НАЦИОНАЛНО МАЛЦИНСТВО ОД БАЛКАНСКИОТ ПОЛУОСТРОВ И ДИЈАСПОРАТА ОД МАКЕДОНИЈА

Министерство за надворешни работи ги повикува сите заинтересирани организации, здруженија, поединци кои потекнуваат од редовите на Македонското национално малцинство од Балканскиот полуостров и дијаспората од Република Македонија, да поднесат проектни пријави кои опфаќаат идеи и иницијативи од интерес на двете, гореспоменати категории. Притоа потенцираме дека утврдениот рок за аплицирање трае до 15 декември 2012 година и воедно предлог-проектите пристигнати по овој датум нема да се разгледуваат. Истите се доставуваат до Министерството за надворешни работи - Сектор за следење на национални приоритети и тоа преку амбасадите и конзулатите на Република Македонија во странство, или директно преку електронска пошта на следните адреси:

Оваа е-пошта е заштитена од spambots, треба да вклучите JavaScript за да ја видите
Оваа е-пошта е заштитена од spambots, треба да вклучите JavaScript за да ја видите
Оваа е-пошта е заштитена од spambots, треба да вклучите JavaScript за да ја видите

Ве информираме дека согласно внатрешниот Правилник на Министерството за надворешни работи за "утврдување на постапката за доделување на проектни средства, наменети за потребите на Македонското национално малцинство и македонската дијаспора" кој стапи на сила на 15 мај 2012 година, од страна на Министерот за надворешни работи ќе биде формирана специјална Комисија. Истата ќе изготви решение за распределба на проектните средства за следната 2013 година и тоа до 15 јануари 2013 година. При одлуката за избор на проекти и начин на финансирање, споменатата Комисија ќе се води од Приоритетите во однос на финансиската поддршка на иницијативите на МНМ и дијаспората, на Министерството за надворешни работи, а најголемо внимание ќе биде свртено на пријави кои се однесуваат меѓу другото на:
организирање на курсеви по македонски јазик, издавање на весници и други информативни гласила на македонски јазик, подготовка на ТВ и радио емисии, отварање на културни центри.

Конечниот избор за одобрени и поддржани проекти ќе биде објавен од страна на надлежното ДКП како и од страна на Министерството за надворешни работи. Подносителите на предлог-проектите за кои нема да бидат одобрени средства од страна на Комисијата, имаат право да поднесат приговор до Министерството за надворешни работи и тоа во рок од 8 дена од официјалното известување.

Форматот на проектната пријава, како и Приоритетите во однос на финансиската подршка на иницијативите на МНМ и дијаспората се поставени и можат да се преземат од интернет страната на Министерството за надворешни работи:

www.mfa.gov.mk,

мени: надворешна политика, подкатегорија: дијаспора, или директно преку следниот линк:
http://mfa.gov.mk/sites/default/files/Dijaspora-dokumenti/Proektna-prijava.doc