Среда, 25 Јануари 2017   
Во Квимбијан - СВЕЧЕНО ОТВОРАЊЕ НА ЛИТЕРАТУРНОТО ДРУШТВО „ВАНЧО НИКОЛЕСКИ“

Иван Трпоски

На 14 јануари 2017 година во просториите на црковната сала Св. Пророк Илија, во населбата Квимбијан, која е сместена веднаш до австралиската престолнина Канбера, се одржа свеченото отворање на Македонското литературно друштво и библиотеката кои го носи името на македонскиот детски песник и раскажувач Ванчо Николески. Уште во почетокот убаво е да напоменеме дека иницијатори за отворање на ова друштво се господата Наум Трајчески и Наум Пауноски, кои потекнуваат од охридските села Издеглавје и Куратица.

blagodarnica-bibl-vanco-nikoleski
Благодарници за учесниците на отворањето на Македонското литературно друштво и библиотека „Ванчо Николески“ во Квимбиан 14.1.2017 год.

На свеченото отворање, најпрво добре дојде им посака претседателот на друштвото Наум Трајчески, кој во кратки црти ги запозна нив со идеата и формирањето на новото друштво кое има 32 членови и симболичен број на книжевен фонд. На отворањето присуствуваа неколку стотини посетители, меѓу кои имаше истакнати активисти од македонската заедница како поети, артисти, музиканти, фолклористи итн. а најмаркантна личност беше присуството на амбасадорот на РМ во Канбера г-динот Веле Трпевски кој го изврши и свеченото отворање на Македонското литературно друштво „Ванчо Николески“ и неговата истоимена библиотека. На програмата свои песни и песни од македонски автори прочитаа поетите Иван Трпоски и Душан Ристевски гости од Литературното друштво „Григор Прличев“ од Сиднеј и локалните поети: Роза Начевска, Наум Трајчески, Билјана Попоска, Велика Гоцик, Наум Пауноски и други. Како пример за добра соработка колекција книги од македонски автори преведени на англиски јазикм, а во име на амбасадата на РМ,  книгите им ги подари амбасадорот Веле Трпевски, а колекција на книги од австралиско-македонски автори, членови на Македонското литературно друштво „Григор Прличев“ од Сиднеј, а во име на друштвото, книгите им ги подарија поетите Иван Трпоски и Душан Ристевски. Домаќините во знак на благодарност на повеќе црковни, хуманитарни, спортски, музички и други друштва и организации им доделија благодарници.

Пријатно освежување на посетителите им приредија фолклористите од КУД „Разиграна Македонија“ кои се претставија со сплетови на македонски ора од сите делови на Македонија.

Во вториот дел од вечерашната програма беше настапот на Австралиско-македонскиот театар од Сиднеј со драмското дело на Душан Ристевски „Баба се мажи“. Оваа драма е рекордна по посетеност, па покрај настапите во Сиднеј, Волонгонг, Њукастел и Квимбијан, се планира да се прикаже и во другите градови на Австралија, а по можност, артистите сакаат таа да биде приказана ова лето и во Макеедонија

Последниот дел од вечерашната програма и беше отстапен на црковната општина, која по повод верскиот празник Василица имаше организирано музички концерт кој траеше се до раните утрински часови.

biljana-poposka
Билјана Попоска

vele-trpeski
Веле Трпевски

velika-gecik
Велика Гецик

dusan-ristevski
Душан Ристевски

ivan-trpovski
Иван Трпоски

naum-paunoski
Наум Пауноски

naum-trajceski
Квимбиан – Наум Трајчески чита своја песна 2017 год.

roza-nocevska
Роза Ночевска

 

На прво место

News image

Национална ПЛАТФОРМА НА ДВИЖЕЊЕТО „НАЦИОНАЛНА ЗОРА“

ПЛАТФОРМА НА ДВИЖЕЊЕТО „НАЦИОНАЛНА ЗОРА“ Ние како како крајно десничарско движење „НАЦИОНАЛНА ...

Историја

News image

Скриениот Попис: сите тетовски жртви 1941-1945

За прв пат го објавувам точниот број на жртвите во Тетовско од војната 1941-1945. Точно 546 жртви на...

Иселеници

News image

Гласила на Македонската обединета општина на Западна Австралија (21)

Гласилото „Наш  свет“ започна да се печати во септе...

Култура и туризам

News image

Мистериите на планината Кожуф

Планината Кожуф е полна со мистерии. Треба ли веднаш да се каже дека рудникот Алшар, на планината Ко...

Фељтон

News image

1100 – Годишнината од смртта на свети Кирил Солунски (869-1969) (15)

Свети Кирил и свети Методиј Солунски се родени браќа од градот...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.