Среда, 31 Јули 2019   
Со нелеганиот Преспански договор, на Македонците од Егејска Македонија е забрането да постојат

921

Со нелеганиот Преспански договор, на Македонците од Егејска Македонија (анектирани од Грција во 1913 година) им е забрането да постојат

Соединетите Американски Држави, Европската Унија и западните држави ја принудија Република Македонија да си го смени името во „Северна Македонија“, а сите Македонци ги тераат да си го сменат идентитетот во „Северномакедонци“. Во тек е принудно менување на македонската историја – вклучително и печатење на нови учебници и наставни програми – сето тоа со цел да и се задоволат барањата на Грција. Промените на нашата историја мора да бидат „одобрени“ од Грција, земја во која отворено се слави бришењето на Македонците. Сето тоа во рамките на анти-македонскиот, про-западен „Преспански договор“.

Македонците ученици веќе нема да учат дека македонските херои биле Македонци. Ќе им биде кажано дека тие се „бугарски“. Ќе бидат учени дека древните Македонци биле „Грци“. Двете тврдења се и смешни и трагични. Нема да смее да се учи за поделбата на македонската територија во 1913 година меѓу Србија, Бугарија. Грција, а подоцна и Албанија. Сите овие земји вршеа кампањи за етничко чистење на оригиналното македонско население. Името Македонија се негираше и брутално се бришеше. Особено во Грција, која го забрануваше името Македонија, и дури од неодамна отпочна кампања со која инсистира дека името е нивно. 

Но зошто? Грчките водачи признаваат дека овој шокантен пресврт во нивната пропаганда беше организиран за полесно да се негира вистината за систематското прогонување на македонското малцинство на грчка територија. Идејата е дека, ако угнетувачот го контролира името на угнетуваниот, може да го негира угнетувањето. А Западот безгласно го прифаќа овој план.

Кој е интересот на Западот што го овозможува културолошкиот геноцид што го врши Грција? Грција најави дека ќе го блокира приемот на Македонија во НАТО се додека не го смениме името. Западот одбра да ги следи своите империјалистички интереси и да го прошири НАТО, а со тоа да го дозволи грчкиот културолошки геноцид – на сметка на една цела етничка група – на Македонците.

Погледнете го ова видео (https://youtu.be/x9qIxNc5ANY). Ова е македонскиот илинденски фестивал во Овчарани, Егејска Македонија, каде илјадници Македонци се собираат секоја година да ја прославуваат својата македонска култура и историја. Но, според членот 7(2) од илегалниот „Преспански договор“, на овие Македонци не им е дозволено да постојат, додека изразите „Македонија“ и „Македонци“ стануваат сопственост на Грција. Македонците претрпеа повеќе од еден век угнетување од страна на Грција, само затоа што се Македонци, и според грчките закони им е забрането да се декларираат како Македонци. Сега, со „Преспанскиот договор“, кој беше наметнат од Западот, грчкиот анти-македонски расизам беше официјализиран. 

Понатаму, Западот ја игнорира следната ужасна иронија – Грција, по анектирањето на Егејска Македонија, ги смени имињата на сите македонски жители, на македонските села и градови, и ги преименува во грчки. Но, ако Македонија навистина „отсекогаш била грчка“, тогаш и овие имиња бездруго веќе ќе беа грчки. До 1913 година целата Македонија беше под петвековното сурово турско ропство, но сепак сите македонски имиња си останаа МАКЕДОНСКИ. 

Но, Западот го прифати грчкиот аргумент дека нивното право врз Македонија е „старо“ додека македонското право на МАКЕДОНИЈА е „ново“. Со тоа ја видовме целосната дволичност на Западот.

Ве прашуваме, сите вас на Западот, што ќе сторевте ако ова истото се случуваше со вашата етничка заедница? Македонците БАРААТ поддршка од вас за да ставиме крај на анти-македонските обиди за менување на нашето име и идентитет. Ако молчите, поддржувате расизам и геноцид врз една цела култура. 

Ве повикуваме и вас, Македонците. Реагирајте веднаш. Немојте само да го критикувате преименувањето. БАРАЈТЕ тоа да се поништи. БАРАЈТЕ поддршка насекаде. Контактирајте со ММДЧП и ДЕЈСТВУВАЈТЕ ВЕДНАШ - http://mhrmi.org/act-now 

Помогнете ни да го спречиме менувањето на името и поддржете ги нашите безбројни проекти за заштита на човековите права во сите делови на распарчената Македонија - http://mhrmi.org/donations 

НАШЕТО ИМЕ Е МАКЕДОНИЈА. Да го одбраниме.

 

На прво место

News image

Зоран Заев наместо на државата своето владеење го посвети на семејството Заев

СДСМ со своето владеење ја загрози европската иднина на државата

Иселеници

News image

КРЕАТИВНОСТА МИ ЈА ПОЛНИ ДУШАТА

Разговор со Лара Мабеи која ја игра главната улога во „Баб...

Култура и туризам

News image

ИЗРАЕЛ - ВЕТЕНАТА БИБЛИСКА ЗЕМЈА (12)

ЕРУСАЛИМ - ГРАДОТ НА ВЕЧНОСТА

Фељтон

News image

ОД ПАНОНИЈА ДО ЕГЕЈ (31) I ДЕЛ

МИТОЛОШКА И ТЕОНИМСКА ОНОМАСТИКА НА ПАНОНИЈА

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.