Иселеници и Регион
Среда, 10 Април 2013 03:01   
Вонземјани во исчезнатиот гроб

Gordana_Dimovska_-_KopieГордана Димовска

Артефакти на вонземјани пронајдени во гробот на Александар Македонски

Информациите од Северна Америка ја заинтригираа светската јавност како никогаш досега. Како што е познато пронаоѓањето на артефакти креира повеќе прашања отколку што дава одговори.  Хари Хабард излегува со теза за пронајдени артефакти на вонземајни и тоа во “изгубениот гроб на Александар Македонски“.

За она што го претставува вели дека е дел од античката историја кој долго време е игнориран и изгубен а се потпира на класични извори. Тој смета дека пронајдените артефакти се важно поглавје и за историјата на Северна Америка. За првпат во јавноста се презентирани стотици антички артефакти на вонземјани, животни, птици а спрема презентерот на видео материјалот, пронајдени се во  изгубениот гроб на Александар Македонски. Сето ова се базира на пронајдените плочки во пештерите во Илинои, Северна Америка.

vonzemjani1

Сите овие податоци се документирани и за нив направени голем број видеа и фотографии. А како се откриени овие вредни артефакти? Во пролетта 1925 година, , Орвил Лори (жител на локалното населено место) со неговите две ќерки одстранувал камења и некои остатоци од местото определено за градина. Неговата шестгодишна ќерка, Ферн, случајно заприметила дупка на голем камен и го повикала татко и да провери. Од тој ден, Орвил предано работел на тоа да доведе професионални истражувачи и да го испитаат теренот. Во почетокот наишол на одбивност и неверување дека нешто античко постои во Илинои. Фрустриран од незаинтересираноста за пронајдокот, тој го продава својот имот и се сели во планината Вернон. Единствено што успеал било да објави натпис во локално списание. И се било тивко се до 1961 година кога еден угледен писател, Пол Хенсан прочитал за артефактите во списанието Салем. Така тој започнал да објавува натписи во продолженија а многу други го копирале и искривувале неговиот труд. Артефактите се официјално откриени дури во  1994-1995 година, и за нив се објавило во 1998 година. Видеото е снимено во Чикаго на Конференцијата на Довсер асоцијацијата. Приказната е нешто повеќе од самиот наслов и започнува со раскажување за вселенски брод а потоа за модерната наука за диносаурусите, податоци за подземјето и античката историја. Информациите за античката историја не се досега најдени во ниту еден англиски текст.

Тука се истакнуваат паралелите меѓу Стариот свет и Новиот свет, контактите со вонземјаните од пред 2000 години и се придржува кон одредени теми на прецизно опишани податоци на средновековни  гравури.

vonzemjani2Пронајдени се вкупно 275 од кои 95% се означени, испишани на задната страна од нив. На најдолниот десен агол на изгравираната човечка глава било испишано името Хелиос. Пронајдени се  4 обрачи, 29 монети. 3 фалкони, 6 тркалезни медаљони на слон ,9 мали четвртасти и 2 триаголни парчиња и многу други значајни артефакти. Многумина се прашуваат како е можно гробот на Александар Македонски , најголемиот војсководец, двигател на светот, да се најде во Северна Америка. Во видето се вели дека гробот на Александар бил пренесен во Северна Америка од страна на Александар Хелиос, син на кралицата Клеопатра.Предавачот Хари Хабард е убеден дека во ова видео ништо не е измислено, напротив, зборува за значајни податоци на кои никој не може да му противречи.

Толку од Америка, британскиот историчар Ендру Чаг пак излегува со друга теорија според која Александар Македонски се наоѓа во Венеција. Тој смета дека во гробот на евангелистот Свети Марко во Венеција се наоѓаат посмртните останки на нашиот војсководец Александар.

Оваа негова теорија го дели академскиот свет и предизвикува бес меѓу побожните католици кои сакаат да направат генетско тестирање на останките за да се докаже неговата теорија.

Според историските податоци Александар умира на 32 годишна возраст и е погребан во египетскиот град Александрија кој е основан од него. Сепак од четвртиот век пред н.е, тој исчезнува. Г-динот Чаг е автор на неколку книги за Александар и верува дека телото на Александар било преправено како да е Свети Марко, со цел да се заштити од уништување на христијанското востание. Тој вели: “двете тела се мумифицирани во ленени платна и кога едното тело изчезнува, во исто време се појавува другото – во речиси исто време и исто место, на крстосницата на Александрија. Постои голема можност да некој во црковната хиреархија го смислил планот да остатоците на Александар се прикажат како да се оние на Свети Марко. Ако е ова точно тогаш тоа се останките на Александар кои беа украдени од страна на венецијански трговци и однесени во нивниот роден град, четири века подоцна. А три рано христијански извори тврдат дека телото на Свети Марко е изгорено веднаш по неговата смрт.

Оваа теорија на историчарот Чаг е елаборирана во книгата “Изгубениот гроб на Александар Македонски“, (The Lost Tomb of Alexander the Great). Грчкиот професор по историја на Кембриџ, Пол Картлиџ, (Paul Cartledge) вели: “постои можност ова да е вистина, бидејќи навистина постои празнина во историјата која треба да се дополни. Сите ние сакаме да дознаеме зошто овој случај се занемари кон крајот на 4-тиот век. Во овој случај, христијанството триумфира и никој нема глас да каже каде е погребан овој историски херој."

vonzemjani3

Биографот Пол Доерти изјавува: “Александар беше божествен лик, и ќе дојдеме до неговото тело преку днк тестови и со тоа ќе изнајдеме зошто толку брзо умре. Останките на неговиот татко се пронајдени во Грчка Македонија во 1970 година, па спрема тоа не постои пречка да не го најдеме и Александар. Тој е таму некаде, најверојатно во Александрија.“

И покрај напредокот во науката на истражување и континуирани ископувања, тајната за гробот на Александар претставува најголем предизвик и речиси невозможна мисија за археолозите.  Од сето ова може да се увиди дека Александар Македонски, најславниот војсководец на сите времиња, секогаш одново ја пробудува светската јавност, и не престанува да ја импресионира човековата имагинација. И покрај изнесените странски теории за тоа каде е неговиот гроб, најреално е да кажеме и веруваме дека тој се наоѓа на македонска територија.

 
Среда, 03 Април 2013 04:04   
Официјалниот вебсајт за четврта годишна глобална конференција (ОМД GC2013)

umdgc2013-240Обединетата македонска дијаспора (ОМД) со задоволство го објавува официјалниот вебсајт за четврта годишна глобална конференција (ОМД GC2013) која ќе се одржи од 24 јули - 2 Август, 2013 година во нашата татковина – Македонија.

Повеќе...
 
Среда, 03 Април 2013 04:03   
„Од по жица“ од Жаклина Михајлова

zaklina-mihajlova-240На 22 нарт Литературното друштво „Григор Прличев“ од Сиднеј во прекрасната просторија на Civic Theatre во Хрствил, предградие на Сиднеј, ја промовира дебитанстската збирка поезија „Од по жица“ од Жаклина Михајлова, позната во македонската заедница како Жаклина Михајлова - Учителката. На промоцијата присуствуваа повеќе од 150 љубители на поетската реч.

Повеќе...
 
Среда, 03 Април 2013 04:02   
Одржани изборни конференции на Општинските комитети на Преспа и Требиште, Голо Брдо на Македонска алијанса за европска интеграција

trebiste240Во функција на престојниот Втор Конгрес на партијата, Македонска алијанса за европска интеграција, МАЕИ, продолжува со  изборот на органите и телата на Општинските комитети. По Подградец и Елбасан се одржаа изборни конференции во Мала Преспа и Голо Брдо.

Повеќе...
 
Среда, 03 Април 2013 04:01   
35 години македонска литература во Сиднеј

prlicevci240Во една од најбројно населените населби со Македонци во Рогдаел, Сиднеј, група ентузијасти предводени од полетниот доселеник Душан Ристески решиле да формираат Македонско литературно друштво во кое ќе ги искажуваат своите стремежи за ширење и негување на македонскиот литературен јазик на ова далечно светско поднебје. Тоа се случило на 31 март 1978 година.

Повеќе...
 
Вторник, 02 Април 2013 11:55   
Mакедонскиот јазик да стане официјален во Грција

nova_zoraВо сите образовни институции (основни училишта и гимназии) во општината Мелити (Овчарани) да се учи на македонски јазик.

Повеќе...
 
Сабота, 30 Март 2013 17:54   
Булќиза им одговори на Македонците од Голо Брдо на нивното барање за изучување на македонскиот јазик

MOST-2Канцеларијата за образование во Булќиза им одговори на Македонците од Голо Брдо на нивното барање за изучување на македонскиот јазик

Повеќе...
 
Среда, 27 Март 2013 03:32   
Македонци во австралискиот Парламент

australian-parliament

Денес во светот  има околу 190 милиони имигранти кои заминуваат во поразвиените земји за подобри можности за вработување, економска и социјална сигурност.

Во 2005 година бројот на имигранти во Австралија рапидно се зголеми од 30 000 на 123.424 за во 2006 да достигне бројка од 144.000 Познато е и тоа дека голем број Македонци живеат и работаат надвор од својата татковина.  Некои заминале  како деца бегалци од родните огништа во Беломорска Македонија а многумина како печалбари од економски причини. Без разлика од кои причини ги напуштиле родните огништа, иселениците трагаат по нов идентитет , се учат на нови култури, законски норми, јазик и се што доаѓа како последица на прилагодувањето. Поминуваат низ фаза на “културен шок“  за после тоа да сфатат дека сето тоа е нормално и мора да се издржи. Новодојдените се познати како луѓе со силна работна етика, со богато културно наследство кое им помага да постанат клучен фактор во градењето на мултиетнички соживот и интегрирање во општеството.

Тоа се Македонците во Австралија кои со работната етика и активност, многу допринесуваат за развојот на економијата не само во Австралија туку и во Македонија. Освен активности во Македонската заедница тие се повеќе се вклучуваат и во политичкиот живот на Австралија. Таков еден пример е и Џим Биволтсис во Западна Австралија. Член на Либералната партија повеќе од 30 години, директор на Ngarluma и Yindjibarndi Фондацијата, долги години претседател и на осигурителната асоцијација во Западна Австралија, оженет со три деца и горд на своето македонско потекло.

Во изборната трка за пратеник неговите главни цели биле да се подобрат здравствените услуги во заедницата како и подобра сообраќајна мрежа во регионот. Иако не успеа да добие пратеничко место во Парламентот, сепак докажа дека има интерес,храброст  да се кандидира за пратеник и јаки организациони способности да води силна кампања.

И нешто за родното место на Џим. Тој е роден во село Полипотамо (Нерет), Северна Грција. Дошол во Австралија како мало дете со неговите родители Ристо и Фанија и бил прв од фамилијата кој се образовал на универзитет. Дипломира уметност на  Универзитет во Западна Австралија и долги години работи со видни финансиски институции во Австралија.

Отвора и свој бизнис (OceanWest) за финансиско работење, планирање и услуги.

Тој  добро зборува македонски јазик, и никогаш не ги заборавил своите корени. Така во неговите рани 50 години, за првпат се враќа во своето родно место и купува куќа каде сега е редовен посетител и стекнува многу пријатели. Џим како личност е умерен, конзервативен и на контраверзното прашање за односите меѓу грчката и македонската заедница  вели дека треба да се најде умерено решение со многу меѓусебно разбирање и градење на пријателски односи. Исто така размислува повторно  да се кандидира за пратеник во австралискиот Парламент а дотогаш сака да види позитивна комуникација и  дружење меѓу двете заедници.

Џим е уште еден од многуте примери како луѓето од македонско потекло живеат и творат во Австралија а сепак ги задржуваат своите македонски корени.

Податоците за Џим Биволтсис се преведени од прилогот на Виктор Бивел, “ Community Leader Stands for Parliament“ (извор: www.pollitecon.com)

Преведе: Гордана Димовска
 
Петок, 22 Март 2013 10:25   
ВКУСОТ НА МАКЕДОНИЈА ВО СТОКХОЛМ

stokholm_2Во присуство на градоначалникот на Стокхолм, претставникот на Европската Комисија, дипломатскиот кор, пратеници од Шведскиот Парламент, бројни шведски бизнисмени и новинари од специјализирани списанија за храна и вино, во шведската престолнина беа промовирани и дегустирани македонските производи од овошје и зеленчук и македонското вино. На  приемот “Taste of Macedonia”, чиј домаќин беше амбасадорот Кире Илиоски, македонските производители членки на МАП и винарската визба Бовин успеаа да го доловат вкусот на македонската храна и вино пред присутните во познатиот хотел Хелстен во Стокхолм.

- Не случајно го избравме хотелот Хелстен за презентирање на ,,Вкусот на Македонија;,Станува збор за препознатлив хотел чиј ентериер е уникатен и претставува комбинација на модерното и традиционалното. Токму таква е и македонската храна и вино, уникатни производи, произведени на современ начин со модерна технологија, но истовремено производи со долгогодишна традиција и препознатливост-истакна во своето обраќање амбасадорот Кире Илиоски и ги покани присутните да го почувствуваат вкусот на Македонија преку македонската традиционална храна и вино.

 
Среда, 20 Март 2013 04:04   
СМК се приклучува на повикот на Светскиот Еврејски Конгрес за забрана на нео-фашистичката Златна Зора во Грција!

smkСветскиот Македонски Конгрес (СМК) се приклучува кон повикот на претседателот на Светскиот Еврејски Конгрес Роналд Лаудер, грчкиот Парламент да ги забрани активностите на нео-фашистичката партија Златна Зора и ја прогласи за незаконска.

Повеќе...
 


JPAGE_CURRENT_OF_TOTAL

На прво место

Историја

News image

Како братот на Манданата, Мито, бил избркан од Бугарите во 1941

Како братот на Манданата, Мито, бил избркан од Бугарите во 1941: Што си дошол, ти си се борел за М...

Иселеници

News image

Одржана свечената Академија за Браќата Свети Кирил и Методи во Сиднеј

Одржана свечената Академија за Браќата Свети Кирил и Метод...

Култура и туризам

News image

ВО ЧЕТВРТОК НА 28 МАЈ Е ГОЛЕМИОТ ГОСПОДОВ ПРАЗНИК СПАСОВДЕН. ЗА МНОГУ ГОДИНИ

ВО ЧЕТВРТОК НА 28 МАЈ Е ГОЛЕМИОТ ГОСПОДОВ ПРАЗНИК СПАСОВДЕН. ЗА МНОГУ ГОДИНИ.

Фељтон

News image

БАЛКАНОТ И МАКЕДОНИЈА (22)

ФЛЕГИЈЦИТЕ НА БЕОТИЈА И НА ТЕСАЛИЈА – ДЕЛ II

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.