Среда, 07 Февруари 2018   
Бригите на територијата на Р. Македонија

brigiУште во текот на раната антика, со пишани податоци е потврдено присаството на Бригите на територијата на Р. Македонија. Освен пишаните извори неминовно е да се вклучат и археолошките податоци за да се добие појасна слика за присаството на Бригите на оваа територија, иако прашањето за присаството на Бригите на територијата на Р. Македонија е едно од најтешките прашања за конкретен одговор.

Сеуште е недоволно јасно утврдено нивното мигрирање, населување на територијата на Македонија, а исто така и нивната поврзаност со Фригијците и Фригијската држава. Исто така недоволно се истражени и односите со Пајонците како и другите кои во тоа време ја населувале Македонија.

Пишани податоци за Фригите наоѓаме уште кај Страбон и Херодот. Херодот вели дека: ”додека тие живееле во Европа и биле соседи на Македонците, се викале Бриги, а кога се преселиле во Азија си го промениле истовремено и родниот крај и името и се именувале како Фрижани.

Арменците биле наоружани исто како Фрижаните, бидејќи биле потомци на Фрижаните. Двата овие народи ги предводел Артохмо, кој бил оженет со ќерката на Дарије.”

Постојат различни толкувања за Бригите во Македонија кои се движат во крајности од нивното постоење па до нивно отселување во Мала Азија и формирање на Фригијското кралство, па сé до толкување дека сî е само митолошка приказна.

Несомнено е дека во античките пишани извори ги има Бригите на територијата на Р. Македонија и несомнено е дека мора да се бараат некои релации. Псеудо Скимнос ги споменува и вели дека живееле позади Епидамнос до Кераунските планини и вели дека над нив живееле Енхелејците.

Од пишаните извори може да се заклучи дека тие не населувале некоја огромна територија целосно, туку биле распоредени во помали групи на територијата на Р. Македонија помеѓу Хераклеа и Лихнид, потоа по горното течение на Црна и долината на реката Вардар, а исто така биле распоредени и по Јадранското крајбрежје. Нивното присаство тука е забележано и во историските времиња, но секако не како во Мала Азија каде доживуваат подем.

Во Мала Азија, во почеток на железното време, Фригијците го формирале Фригијското кралство. Гордион е градот престолнина на ова кралство. Ова кралство опстоило сé до наездата на Кимеријците во 680 г.п.н.е.

Што се однесува на Бригите кои ја населувале територијата на Р. Македонија, ќе кажеме дека најверојатно се населиле уште во митските времиња после Тројанската војна.

Хомер забележал дека Мигдон бил Фригијски херој, а Страбон пак вели дека Мигдоните биле фригијско племе кое ја напуштило Европа, а Мигдонија била областа меѓу долен Вардар и Струма.
Можеме да забележиме и тоа дека, Плиние вели дека Мигдоните биле од пајонски род, според генеалогијата на Аполодор каде Мигдон е син на Пајон.

Од сите овие пишани податоци и од археолошките истражувања на терен може да се дојде до некој заклучок, според кој би кажале дека Бригите биле присатни на територијата на Македонија во преодниот период и раното железно време во Македонија.

Од археолошка гледна точка тоа би се потврдило со начинот на погребување. Имаме спалени покојници во урни кои би се поврзале со Бригите. Носители на овој начин на погребување во Македонија биле дојденци, најверојатно од север кои имаат и поинаква материјална култура. Вакви остатоци можат да се сретнат во Повардарјето, посебно во Долното Повардарје каде што Бригите се задржале најдолго.

 

На прво место

News image

6.000 партиски војници на товар на државниот буџет

Скандал од невидени размери е што владата вработува 6.000 партиски војници на товар на државниот б...

Историја

News image

До 1860 година не само овде во Србија туку и меЃу самите Бугари не било познато дека во Македонија има Словени!

“...До 1860 година не само овде во Србија туку и меѓу самите Бугари не било познато дека во Македони...

Иселеници

Култура и туризам

News image

Брајчинските иселенички средби

Се одржаа 23-те „Брајчинските иселенички средби“

Фељтон

News image

Александар Македонски (45)

Александар Македонски штотуку го освои Источен Иран, пред да го започне големиот пох...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.