Среда, 18 Јули 2018   
Македонскиот народ ќе и додели шут карта на оваа власт

svekrva-nova
Свекрва

Обична појава стана оваа власт да ги фалсификува и најочигледните вистини. Во земјата и во странство, на очиглед на општествената јавност, се шират невистини дека Македонците се за промена на уставното име за да влезат во ЕУ и НАТО, односно дека ќе има позитивен исход на евентуалниот референдум за промена на името. Основната тенденција на овие лаги се насочени против идејата за обнова на македонското заедништво кое е против промена на уставното име и идентитетот на македонскиот народ.

Во последните години актуелната власт успеа да го подели македонскиот народ. Таа ги преставува  т.н. федералисти кои сакаат воведување на двојазичност во земјата, кантонизација и промена на уставното име во Република Северна Македонија, наводно со цел да влезат во ЕУ и НАТО и унитаристи кои предводени од опозицијата се зачувување на унитарниот карактер и уставното име на земјата. Со оглед дека унитаристите се помногубројни, актуелната власт се служи со секакви инструменти за да го промени јавното мислење.

Имено, власта со потпишувањето на спогодбата со Грција, со која се согласува да го промени уставното име на земјата во Република Северна Македонија за севкупна употреба го ископа политичкиот гроб за Македонија. Се чека уште референдумот за да власта и официјално ја погреба Република Македонија и македонскиот народот, а нејзиното место потоа да го замени нова вештачка творба Република Северна Македонија, во која ќе живеат „Северинци“.

Меѓутоа, на ваквата одлука на власта јасно и гласно им се спротивстави македонскиот народ во земјата и дијаспората, поради што беше подложен на заплашување и уцени. Дури, од гласноговорниците на  власта можеа да се слушнат мислења дека доколку народот одбие да се преименува и земјата ја изгуби влезницата за ЕУ и НАТО, тогаш државата може да биде цел на аспирациите на соседните држави. Исто така, дека тогаш можеби ќе се појават спорови меѓу самото население на земјата. Едни ќе влечат кон една страна, други кон друга страна, и т.н., а сите ќе изнесуваат аргументи во корист на една или друга опција.

Сепак, факт е дека најголем дел од Македонците не сакаат промена на името под услов Македонија да стане членка на ЕУ и НАТО и се цврсто определени против секаква надворешна власт во нивната земја. Дека ниту апелите, ниту заплашувањата на „Северњаците“ можат да го поколебаат македонскиот народ покажа последната демонстрација на власта која за време на викендот во 15 македонски градови организираше прослава за условниот повик на Брисел, Скопје да му се приклучи на НАТО.

Да се слави со музика влез во воена алијанса, каде се лее крв и солзи, е надвор од паметот, а уште е пострашно ако пак го славиш влезот во Алијансата која како услов за членство ти наметнува промена на уставно име и идентитет.

Тоа е однос на господар кон својот слуга, така што ни еден слободољубив и суверен народ не смее да прифати. Но, тоа што е ненормално и невозможно да се помисли и да се направи во некоја друга држава, за нашите политичираи од власта е сосема нормално. Очигледно одамна забегале од реалноста, од која сега за нив нема враќање.

За разлика од актуелната македонска власт и малиот број поддржувачи, мнозинскиот македонски народ, не размислува така. Концертите кои ги организираше власта низ македонските градови не ги исполнија нивните очекувања. Тие беа бојкотирани и од пејачите и од народот, така што владата непотребно расфрли големи буџетски пари, за кои толку многу му замеруваше на претходната власт.

Ако ова беше само една мала проба пред референдумот за промена на името кој се планира да се оддржи есенва, тогаш Македонците со сигурност може да се каже дека имаат кичма и нема да дозволат промена на името само за да влезат во ЕУ и НАТО.

Свесни за ваквото расположение меѓу народот, актуелната власт ќе се обиде по секоја цена да ги испорача нарачките на центрите на моќ, па дури ако треба да фалсификува или пак да го ескивира референдумот.

Меѓутоа, она што оваа власт нема да може да го избегне е одговорноста за она што досега му го направи на својот народ.

Доаѓа време кога македонскиот народ ќе и додели шут карта на оваа власт и политички ќе ја закопа заедно со Северна Македонија, зошто Македонија е на Македонците!

 

 

На прво место

News image

Нивното достоинство имало цена - на Република Македонија ѝ турија пепел

Северна – зашто нивното достоинство имало цена (ФОТО) Владанка Авировиќ, Емилија Александрова, Љу...

Историја

News image

140 години од МАКЕДОНСКОТО ВОСТАНИЕ во Кресна, Пиринска Македонија!

Печатот на Главниот штаб на МАКЕДОНСКОТО востание, на кој убаво се чита им...

Иселеници

News image

Ѓорѓија Џорџ Атанасоски - најголемиот инвеститор од македонското иселеништво (15)

Семејното дрво на Атанасовски е интересно со своите личнос...

Култура и туризам

News image

Манастирот „Св. Мала Богородица“ во Сливница – Преспа (13)

ВОВЕДУВАЊЕ НА ПРЕСВЕТА БОГОРОДИЦА ВО ХРАМОТ

Фељтон

News image

Александар Македонски (54)

Овде, во Опис, на најблиската точка до Вавилон и на линијата за комуницирање со Запа...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.