Среда, 03 Октомври 2018   
Зоран Заев го потценува македонскиот народ и си ја бара бељата

svekrva1Свекрва

Зоран Заев го потценува македонскиот народ и си ја бара бељата

На референдумот одржан на 30-ти септември македонскиот народ му кажа Не на спогодбата со Грција за промена на уставното име. Повеќе од 63 проценти го бојкотираа референдумот и покажаа дека се против промената на уставното име на земјата. Меѓутоа, и покрај слабата излезност од 36 проценти, од кои над 90 проценти гласаа за, актуелната власт се обидува ова да го прикаже како воља на македонскиот народ и како дозвола да го спроведе договорот со Грција низ институциите на системот. Односно да изврши измена на Уставот во Собранието на Македонија.

Од околу 1.800.000 гласачи, скоро 1.200.000 го бојкотираа референдумот на кој требаше да се одговори на референдумското прашање „Дали сте за членство во ЕУ и НАТО со прифаќање на Договорот за промена на името меѓу Република Македонија и Република Грција“.

Референдумот беше неуспешен, а референдумското НЕ не беше против западот или за истокот. Едноставно македонскиот народ е против промената на името и идентитетот и му покажа на светот дека постои, дека нема намера да се откаже од своето културно наследство.

Сепак, иако резултатот од референдумот се реалност, тоа никако да ја отрезни актуелната влада предводена од Зорам Заев, како и неговите поддржувачи од центрите на моќ.

ЕУ, НАТО и САД, упорно говорат за успешен референдум и му даваат за право на Заев да продолжи да ги спроведува активностите за промена на името. Во соопштенијата кои доаѓаат од САД, ЕУ и НАТО, или во изјавите на нивните претставници, видливо е дека го потценуваат македонскиот народ и ја игнорираат вољата на Македонците.

Ваквата политика на ЕУ, САД и НАТО е безобразна и контрапродуктивна. Надвор од правото и законите на земјата таа може да има трајни негативни последици како по македонскиот народ, така и по самите нивни интереси на големите сили на овие простори.

Имено, ако некогаш за ЕУ и НАТО беа над 80 проценти од населението во Македонија, сега на референдумот за евроатланските интеграции само 30 проценти го дадоа својот глас. Тоа значи, дека ЕУ, САД и НАТО мора да ја преиспитаат својата политика, доколку го сакаат македонскиот народ на своја страна, односно да биде таму каде што му е и местото.

ЕУ, САД и НАТО вршат притисок врз македонските власти да го спроведе договореното од Преспанската спогодба од 17 јуни помеѓу Македонија и Грција која воопшто не е добра за Македонците.

Поради тоа, и покрај пропаднатиот референдум, што според законот би значело отфрлање на спогодбата, во наредните десетина дена во Собранието на Македонија се очекува вистинска трка по гласови од опозицијата за да власта се стекне со двотретинска поддршка (80+1).

Во овој период голем број пратеници на ВМРО ДПМНЕ ќе бидат изложени на уцени, закани, ќе им бидат нудени пари и позиции само да прифатат измени на Уставот и вметнување во него на договорените одредби со Грција, по што би дошло до ратификација и во грчкиот парламент.

Со оглед дека ВМРО ДПМНЕ е против промената на уставното име кој се содржи во договорот со Грција, социјалдемократите тешко е дека ќе обезбедат доволен број гласови од опозицијата. Исто така, СДСМ ќе треба да обезбедат и гласови од албанскиот блок, кои ќе ги зголемат своите побарувања кои тешко ќе можат да се исполнат. Сепак, поединци под притисок можеби ќе ја попуштат, но сосема е сигурно дека ќе биде многу тешкоСДСМ да обезбеди гласови од 81 пратеник.

Актуелниот премиер Зоран Заев во пресрет на референдумот најавуваше дека доколку референдумот биде неуспешен тој ќе поднесе оставка. Но, како и досега, рече и одрече. Тој продолжува да ја манипулира јавноста. Така, сега за него е успех излезноста од 36 проценти и спротивно на законот за референдум смета дека има мандат да продолжи да работи за уставни измени, за смена на името и идентитетот на македонскиот народ.

Според изјавите за медиумите, Заев е решен, доколку не му успее да обезбеди доволен број на гласови во Собранието, да оди на предвремени избори и тоа што е можно побрзо. Доколку се случат овие вонредни избори тие би биле во ноември. Без оглед на искуството со референдумот, тој се надева дека ќе успее да донесе нов устав на Македонија, ново име и дека земјата ќе стане 30 членка на НАТО, а потоа и на ЕУ.

Меѓутоа, Заев навистина има еден голем проблем за да успее. Тој заборави дека македонскиот народ на референдумот кажа НЕ за промена на името.

Тоа значи дека Зоран Заев го потценува македонскиот народ и си ја бара бељата. Засега референдумот беше тивок бојкот, а утре може да биде громогласен шепот на милион и двеста илјади души кои власта сака да ги игнорира.

 

На прво место

News image

Во Европа државата се бори против криминалот, само во Македонија криминалот и криминалците се држава

Протест на ВМРО-ДПМНЕ во Кочани: „Мора да ги избркаме од Владата криминалците ако сакаме во Евро...

Историја

News image

Во есента на 1943 година се формира Иницијативен одбор за свикување на Првото заседание на АСНОМ

Воените и политичките успеси во 1943 година го забрзаа развитокот на органите на народната власт, та...

Иселеници

News image

НОВ ПАТ КОН АФИРМАЦИЈА НА МАКЕДОНСКАТА ЛИТЕРАТУРА

“МОЈАТА ОМИЛЕНА ПРИКАЗНА” И ОД “БУКВА ДО БУКВА АЗБУКА” Н...

Култура и туризам

News image

Манастирот „Св. Мала Богородица“ во Сливница – Преспа (20)

Манастирот „Св. Мала Богородица“ во Сливница – Преспа (20) МОЛИТВЕНИ ТЕКСТОВИ – МОЛИТВА КОН СВЕТА...

Фељтон

News image

Александар Македонски (61)

Александар Македонски (61) КОВАНИТЕ ПАРИ НА АЛЕКСАНДАР ВО АНТИЧКАТА МАКЕДОНСКА ИМПЕ...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.