Четврток, 18 Октомври 2018   
Оставката на Коцијас, дил меѓу Ципрас и Каменос за Преспанскиот договор?!
ПРОГРАМАТА 3-6-9 И ДОГОВОРОТ ОД ПРЕСПА ЗАВРШИЈА СО 36,9 НА РЕФЕРЕДУМОТ…

Велат договор куќа гради, или со слога татковината јакне! Но, каква куќа и татковина, кога за пуста пара и слава, ем ум се губи ем глава. Македонија е пред голем предизвик и искушение, притисоци и заканите се евидентни… Има ли излез од овој ќорсокак? Џафери не му даде збор на лидерот на ВМРО-ДПМНЕ Мицкоски да се обрати од собраниската говорница на народот. Македонскиот парламент беше дом на демократијата? И храм на законот?

За жал, наместо во Парламентот да се чуе гласот на народот и вистината за македонската судбина, има сили кои бегаат од народот, забегаа од народот. Таман пред финалето, дали поради стравот кој лозјето го чува, или страв од “свилен гајтан“ премиерот се одважи со помирување и простување како уцена за ослободување на уставобранителите од 27 април 2017 година во Собранието. После се’ и покрај се’, во светската историја на државите и народите, Македонија и Македонците ќе останат впишани како експеримент на големите сили во кој нивната намера да прекројуваат граници, пишуваат нови истории за територии, менуваат име на народ , држава и јазик не им успеа.

Македонците, после Трамп и Брекзит, удрија печат на почетокот на крајот на “новиот светски поредок“ на корпоративниот глобализам. Македонците сами против светот, ја победија финансовата олигархија олицетворена во Сорос против правата и слободите на државите и народите. И почнува нов свет во кој се втемеливме и како народ и како држава, Македонија и Македонците! Има Македонија и во Бугарија и во Грција и во Србија и во Албанија, ама ние сме државата Македонија! И тоа е тоа! Ние сме Македонците! На географската карта и глобусот на светот има една и единствена ДРЖАВА Македонија! Тоа сме ние! Ни стигнуваа многу протоколи, нон пејпери, на крај преточени во октроирани договори, стокмени преку барата и преку езерото, со иста цел и содржина, со единствена насока, да се избрише мемориската карта на еден народ кој себеси си се нарекува, спознава и самоидентификува за Македонски. Има ли во тоа нешто грешно, спорно или еретички? Да се наречеш, да се викаш и се одзиваш Македонски! Зарем тоа поткрева во светските центри на моќта, ако ти е од Бога дадено? Да се потсетиме и на двата октроирани документи кои ни беа дадени на тацна или на сила стокмени на нашата макдонска трпеза, по секоја цена да ги вкусиме.

Првиот беше наречен “кардиналска сенаса“, а потоа по езерските убавици, охридски и потоа преспански договор. Во нив се’ исто, со ист ракопис и исти архитекти од исти центри. Ни пристигнаа и некои програми, наречени европски и перспективни, под шифра 3-6-9. Вториот постамент, документот Преспанска спогодба создаде бура од реакции и негодувања. Зошто? Едноставно, затоа што е донесен на шверцерски начин и тоа со истиот метод на мигрантите кои сакаат да се сокријат во секакви можни простори и прилики и тоа преку ноќ. Никој да не знае, никој да не чуе. Само еден два или тројца кои од сето тоа дебело ќе се офајдат. Велат една лага повторена десетпати станува вистина. А, вистината за Македонија никој да не ја слушне од самите Македонци: Македонците не сакаат туѓо и немакедонско, освен од Господа даденото. Македонците сакаат и барат да бидат прифатени како факт и како вистина. Но, тоа не може да биде како што “граѓаните“ сакаат, а не народот Македонски сака, туку ајде на референдум. И би референдум и тоа не обврзувачки што создава во старт забуна и негодувања, од плеада експерти, аналитичари и познавачи на правото. Но и натаму инаетот си е инает. Ајде сите и тоа е за уши на референдум. Ѓомити сега ќе видите, ќе дојдат најсилните, тешкашите Меј, Меркел, Курц, Столтенберг и кој се’ не од моќниците на светот, да ни речат, ако сакате да бидете дел од најсилните или најбогатите држави во светот излезете и гласајте на референдумот или со еден збор “самоизбришете се“!

И преку ноќ ќе станете наши парнери. Македонија нагости многу добронамерници, па и најголемите озогласени наши душмани, со единствена цел: да ги избришат Македонија и Македонскиот народ од глобусот на светот и картата на народите. Народот го кажа своето НЕ! За штетен договор наречен Преспански или Спогодбата Димитров-Коѕиас од Нивици, место каде се случила голема трагедија за Македонците кои живееле на тие простори. Кој парадокс, која хипокризија? Оваа Согодба ја пукна тиквата и во самата Грција и меѓу самите Грци, кои на еден недостоен и некултурен начин ја наметнаа со големи закани и потценувања. Пукна тиквата меѓу авторите и архитектите Каменос, Ципрас и Коѕиас. Спогодбата треба да поврзува и обединува, а не да брише мемориски код и мемориска картичка на еден народ. Спогодбата треба да биде јасна, а тоа е да биде сигурна во делот на гаранцијата на нешто што е најсвето – името, идентитетот, јазикот и нацоналното културно наследство. Затоа, оваа спогодба народот на 30 септември или на референдумот јасно ја оцени како Спогодба со ѓаволот кој си го покажа своето лице и бројка 666.748. Самата бројка е бројка на нечестивиот, и секако наспроти најсилното перо на Создателот кој го создаде овој народ Македонски и го спомнува во соето дело познато како Свето писмо Македонија и Македонци, во 16 глава 9 стих.Тоа, ден денес се уште постои и не може никој да го избрише или фалсификува. Да, на 30 септеври 2018 година се слушна Гласот на народот или гласот Божји! Сатаната 666.748 заедно со владината програма 3-6-9 и процентот на “излезеност“ на референдумот 36,9%, преку играта на бројките го запечати почетокот на крајот на таканаречениот “нов светски поредок“ за да завладее основниот принцип на меѓународното право на еднаква сувереност меѓу малите и големите, на еднаквите! Македонија – лидерот на тој нов свет на културен глобализам, како шпто великанот на македонското револуционерно движење велеше “Светот како поле за културен натпревар меѓу народите“, не само како негова лична импресија, туку како експресија на генетскиот код на една стара цивилизација – на Македонската!

Финале: Дали оставката на Коцијас, ќе биде зелената карта за Каменос да застене целосно зад Преспанскиот договор за подршка на Ципрас .Останува да се види…

 

На прво место

News image

Никола Груевски на еден или на друг начин си завзема место во поновата Македонска Историја

На западот реално не му одговараше економски стабилна и независна Македонија

Историја

News image

Привремена влада на Македонија – Единство создадена 1880 г.

Привремената влада на Македонија - Единство е политичка институција на народот во Македонија. Владат...

Иселеници

News image

ВОЛИНЦИ ЈА ОДРЖАА ХУМАНИТАРНАТА ВЕЧЕР

Во саботата, на 10-ти ноември, во прекрасните простории од...

Култура и туризам

News image

ИМПРЕСИВНИ ЦРТЕЖИ НА КАРПАТА „ЦРВЕНИЦА“ КАЈ СЕЛОТО ЛОПАТИЦА, ПРИЛЕПСКО

На околу 1 км западно од селото Лопатица, Прилепско, во подножјето на Селечка Планина, јужно од врво...

Фељтон

News image

Александар Македонски (58)

Во наредните продолженија ќе се обидеме преку порталот „Македонска нација“ да го п...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.