Среда, 30 Декември 2020   
Марија Емилија Кукубајска: ЗА НОВИ, ЗА СТАРИ ГОДИНИ-НИЕ СО ЛЕБ, ТИЕ СО КАМЕН

105a Марија Емилија Кукубајска

Илјади милениуми леб и памет сееме, во светски песок и камен,

По патишта на свили, минерали, мирудии... А вештери врколаци, 

Лилјаци слепи стаорци ...  народ ни цицаат, земја Божја силуваат,

Садници ни’ корнат, огнови Балкански хранат со живи деца, мајки...

Но, ако знаеш, и веруваш дека си свој, во свое гнездо и јато познато,

И по секое премрежие –и сила и слава ти ќе браниш, ќе дочуваш. Ти

Си роден слободен, да не те купуваат како препариран сноб, и уште

Твоја земја, и тебе со неа, да продаваат – нивни новодобски роб, и да 

Те обвинат што уште си останал здрав и жив во јадро историско.

Продолжуваме, здрав леб изнесуваме, без демонски машавини, иако

Тие по нас со отровни карпи гаѓаат, арсенали на нови богови со рогови.

  

Ние со Љубов и Бог, со Лу и Бо, луѓе Божји сме, човечност на свет камен

Запишавме. Продолжи, верувај - и ќе одиш и по вода и по небо ќе леташ,

дете наше! Другарите ти и сега, но по туѓи сокаци, жални, силни песни пеат

за Гоце, Александар, Миле, Кузман, Сирма, Фросина, Вера, Естреја, Елпида...

Нашите деца, од дом и од гроб ни’ ги крадат, нашите жртви да се нивни херои.

Сепак, верувај, чувај се, твое право и долг е, соочи се, пред очи твои и светски

кога те лажат, пизмат, кодошат олошите, лукавите. Ти, и гулаб и змија биди!

 

Не сонувај да влезеш во глутница што однапред ти го одзема правото на себе.

Не давај да те закачи ветерна мелница вртена на ала-Минхаузен идеологии,

Оти без храна за мислата и телото ќе останеш. Сеуште неодроден, неоттуѓен 

Сине, верувај, дел си од целото од кога те посади вселената, дел си од светот

Човеков, не си мајмун Дарвинов, и не проститут, актер од Холивуд институт,

та да влезеш во чигра-игра братоубиствена, во сенки на вештерска пешТера.

 

Последните верни знаат - договори со мајстори на маскенбали и масакри

Не важат во вселената, во темни сали ги потпишаа расипани сили, против

Се’ што си бил и си, против тебе, сине - телепортирање во прав и пепел. Ти

Славен а скромен, на питачки стап да те стават, пред скитачи арамии да клечиш,

тие да ти ломат, грабаат твои деца, мајка, татко - до заборав - се’ до века и амина?

Но ќе мине и оваа луда сила. Ќе откопаш секој доказ што ти сокрила, ускратила.

И кога тоа анти-животно животно те исмева и брка да се губиш, ве-ру-вај,

Имаш право да се раѓаш со своите RNA, DNA, и да дишеш, да се потпишеш

Oна што си, Македонец со своја трајност во времето, со снага и спокој, и радост...

 

Опстојувај за идните ери, дело твое мери спрема законот и делото Господово,

Никогаш спрема неделото непријателско, Луциферово. Твое пра-право е

Слободата да ти биде бистар вир, вечна вода за Водачи живи (а не жичени),

за раст и развој на срца органски, умови неизбушени, неметализирани. Иако

И тогаш, циници ироничари и јаничари, пра-родителски завет ќе ти исмеваат,

За нив тој веќе бил изветвен лексикон, стар вокабулар, надминат наратив...

 

Продолжи, не им верувај, за нив логосот-дискурс е курс профитен, а не Пат,

Светлина, Вистина. Одвој расипано од здраво овошје, не мисли дека грешиш

Во очи на безочните, за нив нема ни морал ни крал на вселената. Тие, корпус

Корпорации против нации - смислија цела земја логор да е, гасна комора да е

Од вируси виросана, за да биде исчистена - без луѓе, оти народот бил стока.

Ти сепак, сакај го и бедниот и средниот, па и лажно елитниот, зашто крај има

се’, но не и љубовта во тебе вградена од Господарот на се’, а не од тие нелуѓе.

 

Ако и натаму простуваш удари ниски и лаги највисоко постирани, регрутирани

Од драконско беззаконие и закани - немој да се каеш. Од милениуми знаеш:

Потомок на сонцето си ти. Ќе можеш да кружиш и низ Млечен пат, и да дружиш

Твој радосен род во величествен од, а твоето мреење ќе е влез во вечноста. И небо

И татковина ќе се твои, надвор од дупки на дивината, одметници полна и тогаш.

Ти питом потомок мој си, низ сите времиња зачуван со Мојсиеви и Павлови писма

Вдахновени од Создавачот на законот – Љубов космичка. Генетски немодифициран,

неинфициран од криминалнии и баханалии на подземја-надземја луто залутан свет.

Дете мое сакано, чувај се, и - среќно ново броење 2021во, на календар овосветски.     

 

На прво место

News image

Централниот комитет на ВМРО-ДПМНЕ ги усвои победничките листи за парламентарните избори

  Муцунски: Централниот комитет на ВМРО-ДПМНЕ ги усвои победничките листи за парламентарните...

Историја

News image

Гоце Делчев неприкосновен лидер на македонската револуционерна борба

Општонародниот водач на македонската ослободителна борба Гоце Делчев е роден на 4 февруари 1872 годи...

Иселеници

News image

НАЈГОЛЕМО ПРИЗНАНИЕ ЗА АНСАМБЛОТ „Томов“ И ЗА ГЕОРГИ (ЏОРЏ) ТОМОВ (19)

ДЕЛ ОД МОНОГРАФИЈАТА „ТОМОВ“  НА СЛАВЕ КАТИН

Култура и туризам

News image

Велигденски пост

Првичната цел на предвелигденскиот пост била насочена кон огласените, кои се припремале да бидат крс...

Фељтон

News image

АКТИВНОСТИ НА ФОНДАЦИЈАТА ПО СМРТТА НА АТАНАС БЛИЗНАКОВ – (ДЕЛ II) (25)

ДЕЛ ОД ЖИВОТОТ НА АТАНАС БЛИЗНАЈОВ ВО МОНОГРАФИИТЕ НА СЛАВЕ КАТИН

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.