Култура и туризам
Среда, 07 Ноември 2012 04:04    PDF Печати Е-пошта
Тетовско кале

tetovsko-kale-240Тетовското кале или Исарот е тврдина и значаен археолошки локалитет која се наоѓа на врвот на Балтепе, веднаш над Тетово на 2 km од градскиоот центар. Самиот локалитет од археолошка страна претставува утврдена градска населба од доцноантичкото време и средниот век. Локацијата му е на помала карпеста височинка со стрмни страни што се издига над десниот брег на реката Пена.

Повеќе...
 
Среда, 07 Ноември 2012 04:03    PDF Печати Е-пошта
Орашко Кале

orasko-kale-240Реконструкција на тврдината Собри, Орашје, доцноантичка рударска и гранична тврдина, обновена и во доцниот среден век

Повеќе...
 
Среда, 07 Ноември 2012 04:02    PDF Печати Е-пошта
Китино Кале

Kitino_kale-240Китино Кале е археолошки локалитет во Кичево. Локалитето претставува утврдена населба од бронзеното и железното време и средниот век. Се наоѓа на висок рид со две платоа, кој претставува најдоминантна точка во средишниот дел на градот, каде се гледаат остатоци од темели од бедем и кули. По површината има фрагменти од керамички садови и градежен материјал. Најдени се и монети Македонија.

Повеќе...
 
Среда, 07 Ноември 2012 04:01    PDF Печати Е-пошта
Француски извори за национално - културните права на македонците во егејскиот дел на Македонија (1949 год.)

egejci„Пред војната ( се однесува на ИИ Светска Војна, н.б.) Македонците не беа третирани  рамноправно  од Грците… Им се забрануваше нивниот јазик, нивната историја, школување. Грч-ките империјалисти со нивните идеи за голема Грција настојуваа да ги денацонализираат Македонците. За кусо време од владеењето на ЕАМ, по војната, Македонците ги имаа сите на-ционални права. Тие основаа македонски училишта на сопствен македонски јазик, манифестирајќи ја нивната национална  свест  во секој поглед…”

Повеќе...
 
Среда, 31 Октомври 2012 03:04    PDF Печати Е-пошта
Чалгија

chalgiaЗборот чалгија буквално значи музика, свирка. Сепак, во македонската музичка традиција чалгијата се врзува за конкретен состав од музичари со специфичен инструментариум, кој исполнувал староградски традиционални музички творби.

Повеќе...
 
Среда, 31 Октомври 2012 03:03    PDF Печати Е-пошта
Стибера

stibera-240

Градот Стибера се наоѓал на ритчето "Бедем" кај Чепигово, во централниот дел на Пелагонија. Познат е уште во времето на Римско - македонските војни како база од која што тргнувал македонскиот крал Персеј во походите на пенестинските градови.

Неговата лоцираност на релативно нискиот рид, каде што Дијагоналниот пат од Хераклеја кон Стоби се составувал со патот што доаѓал по течението на Еригон од рудоносниот Демир Хисар, во римскиот период овозможила израснување на значајна градска агломерација.

Особено активна била работата на градскиот гимназион. Ископаниот храм посветен на градската заштитничка Тихе бил делумно "приватизиран" од страна на донаторите, кои го обновиле во 127 година и платиле 5000 сребрени римски денари на градскиот совет за исполнување на нивниот завет. Тоа биле: Антестија Фуска со браќата Трофим и Христ, потоа Тит Флавиј Орест со синот Филоксен, Марко Ветиј и Гај Јулиј Капитон. На тој начин, бистите на Орест и Филоксен биле поставени во самиот храм, додека Анастасија Фуска избрала мошне интересен начин да го надживее своето физичко исчезнување.

Стибера не успеала да одолее на нападите на Готите во 268 г., така што речиси сите матерјални траги откриени во неа прекинуваат со егзистенција во оваа година. По ова, градот воопшто не бил обновен, на што упатува речиси негибнатата состојба на наодите од археолошките ископувања. Бројни мермерни статуи се откриени во онаа позиција во која ги оставиле Готите по уривањето на градот. Поради ваквата недопреност на урнатините, Стибера денес се нарекува Македонска Помпеја, бидејќи и таму благодарение на лавата се е како што скаменила жешката маса.

stibera

 
Среда, 31 Октомври 2012 03:02    PDF Печати Е-пошта
Охридски митрополитски кодекс

sveti-naum-240Во 1871 година на 16 октомври рано во понеделникот од неделата се случи првиот пожар, којшто ги претвори во пепел одаите што се наоѓаат на исток, чардаците, убавата одаја и особено таа што се наоѓаше над езерото висок квоск, така викана по турски, или виканата убава одаја или „Одајата на Џеладин-бег“, некогашниот владател на Охрид од 1809 до 1830 година.

Повеќе...
 
Среда, 31 Октомври 2012 03:01    PDF Печати Е-пошта
Приказна за канон

prikazniКанон не е само црковен закон. Канон постоел како обичај и бил уште посилен од напишаните закони во правото во државата и се применувал во сите активности во животот на народот. Канонот во Македонија постои и се применува од најстари времиња. Не е пишуван, а сите го знаат и го применуваат. Канонот е ритуал проследен со песни, ора и благослов. Се пие вино за добре дојде и се каснува лепче со сол за ситост и бериќет. Кога се гради куќа, кога се сади расад, кога се заранува дете, кога се завршува жетва и почнува гроздобер, кога се жени синот, крштевките, славите, веселбите, кога е крчма и во било која работа и настани тука се роднините пријателите, соседите во сите случувања за среќа и радост присутен е македонскиот канон длабоко вкоренет кај народот.

Повеќе...
 
Петок, 26 Октомври 2012 22:15    PDF Печати Е-пошта
Преподобна Мајка Параскева (Петковден) 27/14.X.

svetapetka2

Преподобна мајка и Чудотворка Параскева

Именден празнуваат: Петко, Петкана, Параскева, Пенка...

Светата православна црква празнува три личности со исто име Параскева-Петка поради што кај народот често се мешаат и се мисли дека се работи за иста личност. Најчесто трите се идентификуваат со Св. Петка Епиватска позната и како Трновска, чиј спомен се одбележува на 27/14 октомври. Името го добиле поради тоа што се родени во петок, а петокот како ден пред сабота,  бил ден за подготовки за празникот. Во претхристијанскиот период кај Евреите саботата бил празник, а не неделата. Оттука, Параскева значи подготовка.

Најпозната е Параскева-Петка позната како Св. Петка Епиватска или Трновска. Нејзиното житие вели дека е родена во Епиват во Тракија меѓу Силиврија и Цариград, на брегот на Средоземното Море, кон крајот на Х век. Родителите и биле побожни, а така ги воспитувале и своите деца. Имала брат по име Ефтимие кој подоцна станал епископ Мадитски. И Параскева уште од млади години  покажувала интерес за монашкиот живот.

Кога и умреле родителите Параскева заминала во Јорданската пустина каде што долго живеела во молитви, пост и плач. Се хранела со пустинска растителна храна, само еднаш во денот, и тоа навечер. Долго време ѓаволот се обидувал да ја одврати од приврзаноста кон Бога. Се преправал во разни форми па и како ѕвер ја напаѓал, но таа не се поколебала.

Кога остарела ангелот божји и соопштил дека треба да се врати во родното место зашто е дојден часот кога треба душата да му ја предаде на Бога. „Остави ја пустината и врати се во својата татковина, бидејќи таму треба да го оставиш телото на земјата, а со душата да преминеш кај Господа”. Параскева набргу се вратила во родното место и никому не кажувала која е. Набргу умрела, а бидејќи жителите на нејзиното родно место не ја познавале ја погребале не на селските гробишта туку одделно како странец. Била погребана близу до морскиот брег, а во близината имало еден столб и на него седел некој столпник. По извесно време морските бранови исфрлиле тело на некој патник кој умрел на брод, а морнарите го фрлиле во морето. Тоа тело набргу почнало да се распаѓа од што засмрдела целата околина, така што тука не се минувало. Тогаш столпникот слегол од столбот и замолил некои луѓе да го закопаат мртвото тело во земјата за да не смрди. Тие почнале да копаат во близината на брегот и за нивно изненадување нашле тело на жена, но не му посветиле поголемо внимание, зашто како што си мислеле ако било на некоја светица Господ порано со некои чуда ќе укажел на него. Телото на жената света Петка го закопале, а врз него и телото на патникот, што го исфрлило морето.

Ноќта на еден од тие луѓе по име Ѓорѓија му се сонила царица на светол престол со многу светли војници. Ѓорѓија тогаш паднал, а еден од војниците му пришол, го подигнал и го прекорил што телото на света Петка го погребале заедно со смрденото тело на патникот. „Георгие, зошто го презревте телото на преподобната Параскева и заедно со неа го сохранивте смрдливото тело? Веднаш земете го телото на преподобната и положете го на достојно место зашто Бог сакаше да ја прослави на земјата рабата своја”. Тогаш и царицата му рекла: „Побрзај да ги земеш моите мошти и да ги положиш на достојно место, бидејќи не можам повеќе да ја трпам смрдеата од тој труп. Оти и јас сум жена и мојата родбина е Епиват, каде сега и вие живеете”. Таа ноќ истото и се сонило и на некоја жена. Утрото и двајцата ги раскажале соновите по што со голема свеченост телото на Света Петка било откопано и погребано во црквата на Светите апостоли Петар и Павле во Епиват.

Подоцна телото на преподобна Параскева било повеќепати пренесувано од едно место на друго. Најпрвин бугарскиот цар Јован Асен 1238 година измолил телото на Преподобна Параскева Петка да биде пренесено во Трново поради што таа се вика Трновска. Но кога Турците го зазеле Трново моштите на Света Петка биле пренесени во Влашко, а кога и Влашко паднало под турска власт во 1396 година кнегињата Милица го измолила султанот да и дозволи да ги пренесе во Србија. Тогаш биле погребани во Белград. Но кога и Белград го освоиле Турците во 1521 година светите мошти биле однесени во Цариград каде што се прославиле не само меѓу христијаните туку и меѓу муслиманите. Но и тука во патријаршиската црква каде што биле погребани не останале за секогаш. Во 1641 година молдавскиот војвода Василија Лупул го измолил цариградскиот патријарх Партениј да му ги даде моштите на Света Петка и ги пренесол во црквата „Три светци” во светиот град Јаш каде што и денес почиваат.

Во спомен на маченицата и чудотворка Преподобната Параскева Петка Трновска, светата православна црква го востановила празникот што се празнува секоја година на 27/14 октомври и што во народот е познат како Петковден. Во народот Петковден се смета за почеток на зимските празници што следуваат и што се проследени со домашни служби како што се Митровден, Св. Ѓорѓија, Аранѓел, Св. Никола и др.

Во Гевгелиско денот на Света Петка не се сметал за голем празник освен во с. Прдејци каде што имало селска служба и каде што се собирал мноштво народ од соседните села. Овде Света Петка се сметала за сестра на Света Недела. Во Радовиш овој празник бил ден на овчарите. Тогаш за овчарите се правел добар ручек, им се исплатувало тоа што не им било доисплатено во текот на момокувањето и се пазареле за наредниот период. Е. Спространов пишува дека се правело разлика меѓу Петковден и Света Петка од 26 јули според стариот односно на 8 август по новиот календар.

Особено култот кон Света Петка бил раширен во Мариово. како што стои во записите на Крсто Бинев.  Во овој крај петокот се празнува повеќе од неделата онака како што Евреите ја празнувале саботата. Тоа празнување вели запишувачот не е во чест на воспеаната од светата ни црква светица Петка која се празнува еднаш во годината, имено на 14 октомври која селаните ја разликуваат од нивната Св. Петка, ами по некој стар обичај останат којзнае од кога и којзнае зошто. Населението за Света Петка верува дека е заштитничка на луѓето, нивни застапник пред Бога, ги чува од суша, помор, неплодност, грмење и воопшто од многу зла и напасти. Како празник Света Петка повеќе го празнуваат жените. Во Мариово на овој ден мажите можеле да берат дрва, да копаат, да прават рало, само не смееле да ораат. Жените уште од вечерта спроти петокот не работеле никаква работа дури до петокот навечер, како што тоа го правеле Евреите во саботата. Неделата не ја празнувале толку колку петокот вели запишувачот на овие верувања.

Култот кон Света Петка кај нашиот народ е многу раширен. Таа се смета за заштитничка од разни несреќи, но и од многу болести поради што народот на нарекува уште и мајка Параскева. Многу лековити извори се поврзани со нејзиното име и се наречени петочни води.

Света Петка низ рај шета

Света Петка низ рај шета,

ми ги фати двете раце,

света Петка по рај шета,

ми ги фати двете нозе.

Света Петка по рај шета,

ми ги ослепе двете очи.

Па ме фати за десна рака,

ме одведе посветена црква,

ми ги пушти мене двете раци.

Ме одведе посветен манастир

ми ги пушти двете нози.

Ме одведе на посветен камен,

Ми ја пушти мојата сила.

Ме одведе посветена вода,

Ми ги изми двете очи.

Народна песна

Од книгата „Македонски празници“ од Марко Китевски, Скопје 2001.

(Подготви Марко Китевски)

 
Среда, 24 Октомври 2012 03:04    PDF Печати Е-пошта
Македонци во Индија

indiaФалангата крстареше по светот пред двеилјади триста триесет и три години. Александар гологлав ги предводеше Македонците во сите победи. Зад него застануваа сите умни луѓе од Македонија: научници, филозофи, архитекти, уметници и сите си ја вршеа својата работа пред отворените порти на многу народи на исток каде што Александар се движеше по патот на сонцето обединувајки го светот со својата космополитска идеја.

Повеќе...
 


JPAGE_CURRENT_OF_TOTAL

На прво место

News image

Мицкоски: Референдумот нема да успее

Мицкоски: Референдумот нема да успее

Историја

News image

Едмонд Бушие де Бел напишал книга под наслов: „La Macedoine et Les Macedoniens", (Раriѕ 1922, 80, IV. 303)

Едмонд Бушие де Бел, роден на 23 август 1878 година во Везиње, Франција. Завршил класична гимназија ...

Иселеници

News image

Ѓорѓија Џорџ Атанасоски - најголемиот инвеститор од македонското иселеништво (11)

По осамостојувањето на Република Македонија, господинот Ат...

Култура и туризам

News image

Македонски литературен кружок во Софија

Македонскиот литературен кружок беше формиран во август 1936 година, при редакцијата на весникот „Ма...

Фељтон

News image

Александар Македонски (50)

И овој пат ќе нагласиме дека во изминатите, а и во наредните продолженија ќе се обид...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.