Среда, 15 Мај 2019    Печати
МАКЕДОНСКАТА ИСТОРИЈА

Makedonska nacijaСаво Костадиновски

МАКЕДОНСКАТА ИСТОРИЈА

Востанијата на денот

и ропствата на ноќта

ја создаваа македонската историја.

Затоа

во неа гледаме

светлина и мрак -

па колку и да ја колваат

црни птици -

за вечен непокор ќе зборува

древниот јазик

на македонската историја.

Била

и ќе остане

за пример таа

зашто не била

празна чаура

неиспукана

туку со светлозрачни истрели

на многу славни датуми.

Можеби затоа

македонската историја

со светот може

да разменува воиствени светлини -

со мрачни

но и со светли судбини.