Четврток, 15 Април 2021    Печати
Мицкоски: Колку избирачки списоци со двојни матични броеви потпишал Спасовски?

Аферата „Мафија“ има и втор дел, објави денеска претседателот на ВМРО-ДПМНЕ Христијан Мицкоски на брифинг со новинарите.

Мицкоски објасни како двојните матични броеви се кроистеле за гласање.

-Го најдовме братот на Седат Пекер, односно Џадин Адемовски. Неговиот брат е Џеладин Адемовски, кој исто како и Џадин има двоен матичен број. Тој гласа во училиштето „Имри Елези“ во Чаир, односно „Дитурија“ во Сарај, рече Мицкоски.

Мицкоски се осврна и на интервјуто на Спасовски, кој вчера рече дека двојни матични броеви биле издавани од 1981 година и дека МВР работи на нивно чистење.

-Оливер Спасовски е веќе шеста година министер за внатрешни работи. Истовремено избирачкиот список и лицата со двојни матични броеви беа прочистувани пред изборите во 2016 година, кога повторно министер за внатрепни работи беше Спасовски. И ако тогаш опозицијата и власта СДСМ-ВМРО-ДПМНЕ коснтатираа дека избирачкиот список е прочстен, односно избришани се двојните матични броеви, тогаш како денес постои сомнеж за околу 20.000 двојни матични броеви и како тоа на директорот на управата за водење матични книги, која е под Правда, му недостасуваат 100.000 обрасци. Сето ова дава сомнеж дека нешто се случувало изминатите 4 години, рече Мицокски.

https://vesti.mk/read/article/https%3A%2F%2Fnetpress.com.mk%2Fmickoski-kolku-izbirachki-spisoci-so-dvo-ni-matichni-broevi-potpishal-spasovski%2F