Среда, 23 Август 2023   
МАКЕДОНСКИ ОРГАНИЗАЦИИ, ДРУШТВА И АСОЦИЈАЦИИ ВО КАНАДА (31)

1feli1

ДЕЛ ОД ПУБЛИКАЦИЈАТА „МАКЕДОНЦИТЕ ВО СВЕТОТ(ТРЕТ ДЕЛ) НА СЛАВЕ КАТИН 

Етничките организации во новите средини на Македонците во Канада ги зачувуваат своите национални вредности, а во исто време го збогатуваат мозаикот на мултинационалните култури во новите средини во иселеништвото

4. САМОСТОЈНИ АСОЦИЈАЦИИ ВО ТОРОНТО

МАКЕДОНСКО-КАНАДСКИ ПЕНЗИОНЕРСКИ КЛУБ. Во минатото, маке­дон­­­ските пензионери, главно, се собирале по разни македонски ресторани и тр­­говски центри. Денес идентичен е случајот со средните генерации, кои не­кол­ку пати во неделата се собираат во “кафе шоповите”. Таму тие другаруваат, играат шах, карти и дискутираат за политичките настани во Македонија. Оми­лено место на нивните средби бил трговскиот центар (плаза) во Торнклиф Парк. Тука потекнала и идејата за формирање на македонски клуб на пен­зио­нерите. Идејата била прифатена од голем број пензионери и во 1975 година бил формиран “Македонско-канадскиот пензионерски клуб”.

Клубот бил отворен во простории на трговскиот центар во Торнклиф Паркот, а со помош на Канада бил опремен. Во клубот се служело кафе и разни други пијалоци и тој станал собирно место на многу пензионери, а и на по­млади доселеници, кои времето го поминувале во една македонска про­сторија и средина.

Пензионерскиот клуб во просториите на Торнклиф Парк останал три години. Со изградбата на Македонско-канадскиот старски дом во 1978 година, клубот добил простор во овој дом, каде што работи до денешно време.

Во своето постоење, Македонско-канадскиот пензионерски клуб бил из­да­вач на монографија поврзана со историјата на македонското иселеништво во Канада. На­словот на монографијата гласи “Македонските доселеници во Ка­нада и нивните корени”, издадена во 1980 година, а финансирана од државните канадски власти.

ФОЛКЛОРНАТА ГРУПА “СЕЉАНИ” била основана во 1969 го­­дина, во рам­ки­те на Македонско-бугарската православна црква Св. Кирил и Ме­тодиј во То­­ронто. Во тоа вре­ме родителите на членовите на оваа група, цркву­вале во таа општина. Во склопот на оваа црк­ва, групата останала с# до 1971 година, ко­га поради недо­раз­бирање со неј­зи­ната управа, ја напушти­ла црква­та. Од са­­мото формирање, групата ја негува маке­дон­ската извор­на на­родна пес­­на и оро.

По напуштањето на црквата Св. Кирил и Методиј, групата “Сељани” своите проби ги одржувала во други простории, а потоа во просториите на “Јорк универзитетот”. Во групата членувале неколку студенти кои студирале на овој универзитет, на кои салата им била давана на бесплатно користење.

Првиот јавен настап македонската групата “Сељани” го одржала во годината на нејзиното основање, во 1969 година, за време на деновите на етничкиот фестивал “Караван”. Потоа имала бројни настапи, за подоцна, во 1976 година, да замине за Монтреал каде настапила на Олимпијадата, како канадски претставник.

Исто така, македонската групата “Сељани” учествувала и на Светска­­та етному­зи­ко­лошка конференција, што се одржала во Торонто во 1975 го­дина. Потоа, групата повеќе пати настапила и во Музејот на нациите во То­ронто, како и на фестивалот “Пофалба на рацете”. Во 1977 година групата “Сељани” настапила на меѓународниот фолклорен фестивал во Ленпуел, Велс - Велика Британија, а неколку пати била гостин и во Република Македонија.

Во 1982 и 1983 година групата “Сељани” била организатор на фестивал. Во рамките на фестивалите била организирана изложба на македонски стари народни носии, што биле сопственост на групата.

Групата “Сељани” настапила на многубројните приредби што се одр­жу­вале во македонската православна црква Св. Климент Охридски, на фе­сти­валот “Караванот на нациите”, што се одр­жува секоја година во Торонто,  на приредбата “Оро македонско” и други манифестации. Главната цел на гру­пата “Сељани” била да настапува пред канадската публика со цел да ја запознае со македонското фолклорно и културно богатство. Групата “Сељани” издала и своја книга на англиски јазик под наслов “Македонија“ избор на статии за историјата и културата на Македонија”.

ЗДРУЖЕНИЕ НА ДЕЦАТА БЕГАЛЦИ ОД ЕГЕЈСКИОТ ДЕЛ НА МА­КЕ­ДО­­НИ­ЈА. Кон крајот на седумдесетите години кај група млади и образовани лица, во меѓусебното комуницирање, се родила идејата за создавање организација во која ќе членуваат луѓе кои ја преживеале трагедијата на Граѓанската војна во Грција и егзодусот низ повеќе земји во светот. Таа група ја сочинувале деца бегалци кои во Канада се населиле главно од Полска, а некои од нив дошле и преку Република Македонија.

             1feli11

Сеќавање на децата прогонети од Егејска Македонија

Голема заслуга во ширењето на целите и задачите на Здружението одиграла редакцијата на весникот “Македонски глас”, кој на своите страници ја ширел вистината за судбината на децата бегалци од егејскиот дел на Маке­донија и го развивал чувството за заедништво. Со залагање на редакцијата на весникот “Македонски глас”, во Торонто, во 1978 година била ор­га­низирана првата средба. Всушност на оваа средба била поттикната идејата за ор­га­ни­зирањето на Светска средба на децата бегалци.

Здружението на децата бегалци од Торонто е многу активен субјект во општествениот живот на македонското иселеништво во Канада. Во зависност од настаните кои се одигрувале околу Ма­кедонија, Здружението секогаш навреме реагирало со разни петиции и писма до меѓународните институции, во прв ред од областа на заштитата на чо­ве­ко­вите права на Македонците, посебно на оние од Егејска Македонија. Исто така, тоа станало еден од носи­те­лите на дејностите на доселениците сврзани со признавањето на Македонија.

Инаку, Здружението на децата бегалци било регистрирано како добротворно здружение, кое во своите редови ги обединува децата бегалци од Егејскиот дел на Македонија и нивните потомци.

МАКЕДОНСКО-КАНАДСКАТА АКАДЕМСКА АСОЦИЈАЦИЈА била основана во 1975 година. Во своите редови таа ги собира македонските интелектуалци во Торонто. Главна цел на асоцијацијата е да одржува врски со научни работници од Македонија и пошироко, како и да организира разни предавања од областа на македонската историја и наука.

МАКЕДОНСКОТО ДРУШТВО НА БОРЦИТЕ било основано во 1983 година. Тоа ги вклучиле борците од времето на Втората свет­ска војна и е во состав на Кралските канадски легиони, секција 617.

За жал, во 1989 година дошло до расцеп во боречкото друштво и се формирало второ македонско друштво на борците од Македонија во Канада.

Новоформираното друштво на борците постои како самостојно маке­донско друштво, но и тоа е во склопот на Канадската лига на ветераните. Тоа е регистрирано и има свој правилник за работа.

Прололжува

1SlaveK2 Пишува: СЛАВЕ КАТИН

 

На прво место

News image

Традиционална средба на Унија на Ветерани на ВМРО-ДПМНЕ во Манастиро Пеленица во Драчево

  МАНАСТИРСКИОТ КОМПЛЕКС „ПЕЛЕНИЦА“ ВО ДРАЧЕВО ДЕСТ ГОДИНИ ПО РЕД ШИРОКО ГИ ОТВОРИ П...

Историја

News image

Дали светите браќа Кирил и Методиј биле потомци на античките македонци?

Во овој текст ќе спомнеме неколку размислувања во врска со етничкото потекло на светите браќа Кирил ...

Иселеници

News image

АКТИВНОСТИТЕ НА ГЕОРГИ (ЏОРЏ) ТОМОВ ВО МАКЕДОНСКАТА ЗАЕДНИЦА (27)

ДЕЛ ОД МОНОГРАФИЈАТА „ТОМОВ“  НА СЛАВЕ КАТИН

Култура и туризам

News image

Свети рамноапостолни Кирил и Методиј Солунски 24/11 мај

Светите браќа Кирил и Методиј се основоположници на словенската писменост и литература и се заслужни...

Фељтон

News image

ФОТО ТОМЕВ – ПОЗНАТ ЛИКОВЕН УМЕТНИК ВО КАНАДА (2)

ПОЗНАТИ МАКЕДОНСКИ ЛИЧНОСТИ ВО КАНАДА

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.