Мирјана Николов  е родена во 1989 година во Штип, но од својот втор роденден живее и работи во Германија, поточно во Баварија.

По струка е медицинар, но нејзина голема љубов е сликарството.

За себе вели дека уметноста  и духовните теми ја интересираат уште од најрана возраст, а со текот на времето почнала и посериозно да се занимава со сликарство.

Главно работи со акрилни бои, а нејзиното сликарство, кое се карактеризира со богат колорит и складно оформени елементи,  опфаќа широк дијапазон од апстрактни мотиви понекогаш умешно направени инсталации во кохабитација со суви цвеќиња, па се до мотиви поврзани со природата.

Има работено и портрети (главно цртежи), а веќе има продадено и свои слики во Германија.

Од сликарите најомилен и е сликарот Боб Рос.

 Пишува: Александар ДОНСКИ