Саво КОСТАДИНОВСКИ

Ништо во нас не е минато

затоа што не одиме

по патот на годините

туку по патот на совеста -

на патот кон себеси

кон Илинденските идеи

кон Илинден

кон најголемата вертикала

на македонскиот народ

со историјата

за македонската државност.

Затоа никогаш не сме биле

толку блиску до татковината

штом и најаве и насон

одиме со мапата

по атласот на неправдите.

Но постои ли на светов

бог на неправдите?

Ако постои -

тој е само над македонското небо

и треба ли тогаш

да си прогласиме

и наш светски ден на неправдите?!

И што треба уште

Неправдите во народот да отсонуваат

кога веќе во неправдите кон Македонија

изградиле и татковински дом?!

Превземено од: ПОВОД–СПИСАНИЕ НА МЛД „ГРИГОР ПРЛИЧЕВ“ ОД СИДНЕЈ