На прво место

Димитар Димовски: На 30-ти септември, НЕ ГЛАСАМ

На 30-ти септември, НЕ ГЛАСАМ

Пред речиси четири месеци, обраќајќи му се јавно на Зоран Заев, преку колумна, му порачав:

„На крај, претседателе на Владата, ќе се обидам да ти се обратам пријателски, на лесно разбирлив јазик, како некој што лично го познаваш, некој што порано многу пати ти подал рака и си го почитувал. Зоки, другарче, немој. Врати се чекор назад. Раскини го договорот со душманите. Нѐ не носи сите во провалијата од која нема да излеземе повеќе на површина. Од живата кал во економијата во која не внесувате, од лагите и од осиромашувањето, ќе излеземе некако, со многу труд, со работа, со желба, со чесност. И белата чума ќе ја искорениме. Но, ако сега ја турнеш Република Македонија во провалијата на обезличувањето и обезкоренувањето, нема никогаш повеќе да можеме да ја повратиме. Не постои начин. Ќе направиш од нашиот народ крпа за бришење. Ќе ни го сотреш семето и ќе ни ги уништиш поколенијата. И моето, и на моите блиски, но и твоето и на твоите блиски. Не ги прави да бидат луѓе без корен, без огниште, без свој дом. Не ги обезличувај нашите поколенија. Остави ги да бидат тоа што се – Македонци!“

Кога му го порачав ова, човечки и искрено од моја страна, се надевав дека можеби останало нешто човечно, нешто Македонско и во него. За жал, не останало.

Денеска, кога се наближува 30-ти Септември, денот на кој Македонскиот народ треба да одлучи за своето постоење, за своето минато и својата иднина, се обраќам јавно до секој Македонец, до секој родољуб, патриот, до секој чесен и честит домаќин, земјоделец, работник, до секој млад кој се родил во слободна и независна Република Македонија.

Јас, Димитар Димовски, член на Извршниот Комитет на ВМРО-ДПМНЕ; родум од Берово, Република Македонија, НАШАТА МАКЕДОНИЈА; сопруг и горд родител на две деца Македонски, кои ги љубам повеќе од себе си; син на мајка и татко Македонци, чесни работници; внук на дедо Љубомир, носител на одликувања од НОБ; правнук на дедо Давитко, носител на Илинденска споменица; НЕМА ДА ИЗЛЕЗАМ ДА ГЛАСАМ НА ПРЕТСТОЈНИОТ РЕФЕРЕНДУМ.

Нема да излезам да гласам за укинување на нашата историја, нашата култура, нашиот идентитет. Нема да излезам да гласам за да не им се превртуваат коските на моите претци во гробовите.

Нема да излезам да гласам, за моите деца и нивните идни потомци, но и Вашите деца и нивните идни поколенија, да не бидат обезличени, да не бидат дрво без корен.

Нема да излезам да гласам, бидејќи не се гласа ниту за НАТО, ниту за Европска Македонија, како што лажат јавно, туку ќе се гласа за Северна Македонија, за создавање на нов, вештачки народ, за уништување на Македонскиот народ и за ништо друго.

Нема да излезам да гласам, за да не им дадам легитимитет на велепредавството и лагите на Зоран Заев и останатата армадила домашни душмани на Македонија. Нема да бидам соучесник во овој нај капитулантски и кукавички чин кој и го прават на Македонија.

Секој од Вас, нека се погледне во душата и во срцето и нека си најде своја причина за да покаже дека е Македонски непокор, Македонски пиреј, дека со право се нарекува Горд Македонец. Секој од Вас, нека се одважи и нека не дозволи да бидеме никој, ништо и од нигде. Нека се одважи да ја сочува Република Македонија и Македонскиот народ.

На 30-ти Септември, јас како православен христијанин, ќе го празнувам големиот христијански празник „Вера, Љубов и Надеж“, со голема верба во македонскиот народ и неговата мудрост, со љубов кон ближните и мајка Македонија и со надеж дека Македонскиот пркос ќе биде по силен од кога и да ѐ до сега.

Димитар Димовски

Член на ИК на ВМРО-ДПМНЕ

https://kurir.mk/kolumni/na-30-ti-septemvri-ne-glasam/

Најново од: На прво место

На 13 ноември се одбележуваат 82 години од ослободувањето на Скопје

Во текот на Втората Светска Војна, за ослободувањето на Скопје, животите ги положија 4.654 негови граѓани, од кои 956 загинати во битките и 3.698 граѓани како жртви на фашистичкиот терор. Скопје го одбележува 13 ноември, денот кога во 1944 година борците од Дванесеттата, Третата, Осмата и Шеснаесетата македонска бригада го ослободија градот од фашистичката окупација. […]

Мицкоски со факти ја разобличи хистеријата на Филипче

АЛТА банка на Мацура ја носи Владата на СДС и ДУИ   Владата на СДС и ДУИ уште во 2023 година дала насока за влегување во деловни односи со АЛТА банка од Србија, посочи премиерот Христијан Мицкоски на надзорната расправа во Собранието, покажувајќи извадок од нацрт-записник од владина седница одржана на 24 октомври 2023 година. […]

Филипче и Заев да одговорат дали знаеле за сомнителните трансакции од 110 милиони евра од Венецуела преку Еуростандард банка

Филипче и Заев да одговорат дали знаеле за сомнителните трансакции од 110 милиони евра од Венецуела преку Еуростандард банка СДС и Венко Филипче што со демагогии, лаги, манипулации и хистерија сакаат да предизвикаат страв и несигурност кај граѓаните, на македонската јавност им должат одговори за пропаста на Еуростабдард банка и за можноста за „перење“ пари. […]

Апел за донации: да ја зачуваме црквата „Св. Марена“ – „Св. Огнена Марина“ во Зубовце

Црковниот одбор на црквата „Св. Марена“ – „Св. Огнена Марина“ во село Зубовце упатува апел до сите добронамерни луѓе, фирми, институции и иселеници да помогнат во стабилизацијата и конструктивното зацврстување на храмот.  Црквата „Св. Марена“, стара речиси два века, во последните години претрпува оштетувања поради движење на земјиштето. За да се спречи нејзиното понатамошно оштетување […]

Скопје го разубавува своето лице во пресрет на 2028 година

Еден од најпрепознатливите симболи на Скопје доби ново декоративно и архитектонско осветлување, кое ја истакнува убавината на камените сводови над Вардар. Камениот мост во Скопје на 6 ноември 2026 година блесна со ново осветлување. Свечено го пуштија во употреба градоначалникот на Град Скопје, Орце Ѓорѓиевски, и градоначалникот на турската општина Есенлер, Мехмет Тевфик Гоксу. Проектот […]

Латас: Не е само Дубаи – се отвораат скриени подруми и архиви

Ај, нека помине малку време, Мицкоски да го реши ова со Алта банка и сите да ги имаат своите пари на слободно располагање, па ќе се свртиме кон еден друг случај: Како Зоран Заев, со асистенција на неговиот советник Зоран Башановиќ, кој под притисок од Вучиќ се повлече од Србија и стана десна рака на […]

Пропаѓањето на Еуростандард банка во време на СДС покажува каков е нивниот однос кон парите на граѓаните

Соопштение на ВМРО-ДПМНЕ – реакција на ставовите на Венко Филипче Нервозата и хистеријата кај Венко Филипче се сѐ поочигледни и тој не може да ги скрие, се наведува во реакцијата на ВМРО-ДПМНЕ. „Филипче, очигледно, не сака што се најде решение за случајот со Алта банка и што државата и надлежните институции ги преземаат сите неопходни […]

Скопје во знакот на боксот: јубилеен 55. „Златен гонг“ во салата „Расадник“

Од 13 до 15 ноември 2026 година, во спортската сала „Расадник“ во Кисела Вода, ќе се одржи јубилејното 55. издание на Меѓународниот боксерски турнир „Златен гонг“, во организација на Македонската боксерска федерација. На годинашното издание се очекува учество на боксери и боксерки од 17 држави. Покрај македонските претставници, најавени се учесници од Албанија, Австрија, Белгија, […]

To top