На прво место

Зубовчани на Марена не работат, празнуваат

zubovce-marena

zubovce-marena

Пред многу векови, според преданијата, во екот на жетвата во зубовското поле, на житните култури, избил пожар и целиот принос на житото изгорел

Киро Кипроски

На 30 јули, најтоплиот ден во годината, на празникот на Света великомаченичка Марина (Огнена Марија), пред многу векови, според преданијата, во екот на жетвата во зубовското поле на житните култури, избил пожар и целиот принос на житариците изгорел .За да се заштитат од пожарите, светицата Огнена Марија ја одбрале за патрон на гостиварското село Зубовце и традицијата на празнување продолжува, никогаш не била прекината

Денот посветен на Света великомаченичка Марина (Огнена Марија), познат меѓу народот како Марена, патронен ден и селска слава на Зубовци, 30 јули, зубовчани величенствено го празнуваа, со што ја продолжуваат вековната традицијата. Неколку стотина гости од гостиварските села, од Гостивар, Тетово, Кичево, Скопје присуствуваа на годинешната прослава и беа задоволни што вековната традиција и обичаите се негуваат и почитуваат.

egej

– Марена беше и остана голем празник за наш зубовчаните – ни вели Сандре Димитриески, кој одамна ја минал осмата деценија од животот. Присетувајќи се на младоста, за дамнешните времиња, за празнувањето и веселбите, ќе рече:

„Неколку денови се подготвувавме за Марена. Ги чистевме дворовите, селските патеки, подготвувавме богата трпеза за гостите кои ни доаѓаа од повеќе места. Празнувањето започнуваше со боженствена литургија во црквата „Св. великомаченица Марина“. Потоа пред олтарот своето судбоносно „ДА“ го кажуваа младоженците. Печалбарите доаѓаа да се оженат со својата сакана или пак да учествуваат на одбележување на празникот и на свадбарските свечености. Марена беше ден за свадби за зубовчани, како што во Галичник Петровден беше ден за свадби за галичани.

Веле Андриески, роден зубовчанец, на 17-годишна возраст заминал на печалба во данскиот град Хелсингер, но никогаш не ги заборавил традициите и обичаите, речиси постојано, со мали прекини, за празникот Марена е меѓу своите и задоволствата никогаш не може да ги заборави.

vladika

„Уште како дете, со дедо ми Славе Андриески, секое утро ги палевме кандилата на црквата Св.Марена, ја чистевме црквата и ја подготвувавме за богослужба. Тоа го работев со години, така бев воспитан да ја почитувам нашата вера христијанска. Тоа воспитување ми помогна и во далечина, далеку од татковото огниште, од роднините, да ме одржува, да ми дава сила да истрајам, да не го заборавам македонскиот јазик, идентитет, македонските обичаи и традиции, и никогаш да не се одродам“, со задоволство ни говореше 61-годишниот Веле Андреески, кој со сопругата Рада, заедно со своите блиски, се веселеа и играа на македонските ора и песни.

„Имав голема желба да бидам кум на Марена. Неколку години чекав и пред три години желбата ми се оствари. Јас, сопругата Рада и децата бевме пресреќни што ни се укажа можност да бидеме кумови на нашата селска слава.“

Годинава на храмовиот празник „Св. великомаченичка Марина“, боженствена литургија отслужи митрополитот г. Јосиф, надлежен архијереј на Тетовско-гостиварската православна епархија на МПЦ – ОА, а потоа го прережа кумскиот колач и ги освети придружните простории (летниковци) на црковниот комплекс „Св. Марена“ во Зубовце. Обраќајќи им се на зубовчани потенцира дека првпат е меѓу нив и е воодушевен, црквата Св. Марена, иако е изградена во 1850 година, одлично се одржува, а со изградбата на додатните простории, летниковците, зеленилото, хортикултурното уредување претставува прекрасен духовен центар.

„Зубовце е прекрасно место, чувајте го и негувајте ги традициите и обичаите, како што ги чинете и досега. Кој совршен уметник може да нацрта толку многу убавини, освен Божјата премудрост. Затоа, да продолжиме да опстојуваме на овие простори“, рече во кусата беседа митрополитот Јосиф.

Денот на света Марена е 30 јули и се смета дека е најтоплиот ден во годината. Како што ни вели нашиот соговорник Мане Јаковлески, празникот е поврзан со големи горештини и поради тоа има непишани правила и обичаи, кои зубовчани внимаваат и ги почитуваат: На овој ден не се работи, ниту дома, ниту во поле. И летово жетвата започна со задоцнување и на овој ден беше прекината. Се смета доколку се работи може да избие пожар и да се уништи летнината.

„Годинешното празнување на св Марена беше величествено. Два дена се празнуваше. Прославата започна со вечерен концерт на македонски народни песни и ора спроти празникот. Црковните обичаи продолжија на денот, а потоа се одржа голем црковно-народен собир. Секој гостин, присутен на прославата, беше нагостен со посно гравче и риба, салати и студени безалкохолни и алкохолни пијалаци“, ни вели Сашко Страшески, потпретседател на Црковниот одбор на с. Зубовце.

Во организацијата покрај членовите на Црковниот одбор учествуваа и многу зубовчани. Традицијата на Св. Марена ќе продолжи и наредните години. Исто така, ги негуваме и обичаите и традициите за Бадник, Божик, Водици, Св. Трифун, Велигден, Петковден и на другите верски празници.

Превземено од Утрински весник:

http://www.utrinski.mk/?ItemID=3F3193C85F62C44087223455078266D0

Mane-Kire 21

Mane-Kire 41

Најново од: На прво место

35 ГОДИНИ ОД ПРВИОТ УСТАВ: ТОДОР ПЕТРОВ ГО КРЕНА ПРВОТО ДРЖАВНО ЗНАМЕ СО ШЕСНАЕСЕТЗРАЧНОТО СОНЦЕ ОД КУТЛЕШ

35 ГОДИНИ ОД ПРВИОТ УСТАВ: ТОДОР ПЕТРОВ ГО КРЕНА ПРВОТО ДРЖАВНО ЗНАМЕ СО ШЕСНАЕСЕТЗРАЧНОТО СОНЦЕ ОД КУТЛЕШ Свечена седница, историски сведоштва и изложба во Собранието на Македонија по повод 35-годишнината од донесувањето на првиот Устав на суверена и самостојна држава Македонија.** **СКОПЈЕ, 17 ноември 2026 година** – Со свечена седница во Собранието на Македонија беа […]

18 ноември 1944 – Ослободен е Гостивар

На 18 ноември 1944 година, во попладневните часови, Петнаесеттата македонска бригада на 48. дивизија прва влегла во Гостивар. Градот бил ослободен истиот ден, во завршните операции на Народноослободителната војска на Македонија во западниот дел на земјата. На ослободувањето на Гостивар му претходеле тридневни борби во Кичевско. Од 15 до 17 ноември, на потегот од Кичево […]

35 години од првиот Устав на независна Македонија

На 17 ноември 1991 година, Собранието го усвоил првиот Устав на независна Република Македонија со 92 гласа „за“ и 22 „против“. Со Уставот, донесен по референдумот за независност од 8 септември 1991 година, биле утврдени државното уредување, основните права и слободи на граѓаните и поделбата на власта на законодавна, извршна и судска. Референдумската одлука за […]

Амбасадорите на Вишеградската група со порака од Скопје: Македонија има сојузници на патот кон ЕУ

Во заедничкиот текст по повод 17 ноември, амбасадорите на Словачка, Чешка, Полска и Унгарија ја поврзуваат 35-годишнината од донесувањето на Уставот на независна Македонија со демократските промени во Централна Европа во 1989 година. Словачка, Чешка, Полска и Унгарија остануваат поддржувачи на европската интеграција на Македонија и застапници на нејзиното членство во Европската Унија. Ова е […]

ВМРО-ДПМНЕ бара одговори од Филипче и СДС за влезот на Алта банка

Филипче и СДС се во политички ќорсокак, фактите и документите за Алта Банка ги демаскираа лагите затоа сега се кријат и бегаат од одговори Кога фактите и документите за Алта банка излегоа на површина Филипче и СДС се кријат и бегаат од одговорност. Откако со месеци ја користеа Алта банка за ширење политичка паника, Филипче […]

Вајц ја гледа Македонија меѓу предводниците во преговорите со ЕУ

Во обраќањето пред Собранието, европратеникот ја нагласи важноста на доследната примена на законите за привлекување инвестиции и на изборот на стручни кадри за враќање на довербата во институциите. Томас Вајц, Македонија, Европска Унија, пристапни преговори, блокади од Бугарија, владеење на правото, парламентарен надзор, борба против корупцијата, избор на раководни кадри, доверба во институциите Македонија, со […]

Мицкоски од Брисел – проширувањето на ЕУ мора да се темели на заслуги, реформи и резултати

Премиерот Христијан Мицкоски денеска во Брисел порача дека проширувањето на Европската Унија треба да се темели на заслугите на земјите кандидати, на спроведените реформи и на конкретните резултати. Тој се обрати на Форумот за проширување на ЕУ („EU Enlargement Forum 2026“), во организација на Европската комисија. Мицкоски истакна дека Македонија е посветена на спроведувањето на […]

До кога ќе бидат исклучени микрофоните на Бихаќка?

На Бихаќка, по неколку месеци силен тон за Алта банка, микрофоните одеднаш стивнаа. Штета, токму кога публиката почна да поставува прашања. А првото беше сосема едноставно. Кој прв ја отворил вратата за Давор Мацура да купи акции во Македонија? Според Манасиевски од ВМРО-ДПМНЕ, одговорот води до времето кога СДС беше на власт. Ако е така, […]

To top