Секоја од опозициските партии – СДС, Левица и ДУИ – изнесува различни изговори за блокирањето на Изборниот законик, но мотивот кај сите е ист: нискиот рејтинг, намалената поддршка од граѓаните и стравот од изборен пораз.
Јавноста е сведок дека секоја од овие партии настапува со различни тези, барања и образложенија, како намерно да се обидуваат да создадат конфузија и збунетост кај граѓаните.
СДС не сака на македонската дијаспора да ѝ се овозможи полесно остварување на уставно загарантираното право на глас. Левица најнапред прифати зголемување на средствата за политичките партии, а потоа се откажа од намерата да го поддржи Изборниот законик.
ДУИ, пак, поставува нови услови во однос на начинот на носење одлуки во Државната изборна комисија.
Сите настапуваат со различни барања и изговори, до тој степен што јавноста повеќе не може да им го фати крајот на нивните политички калкулации.
Ваквите различни образложенија не се случајни. Тие имаат иста цел – да не биде донесен нов, реформски Изборен законик и на тој начин опозициските партии однапред да создадат алиби за сè поизвесниот пораз на следните избори.
Зад ваквото однесување на опозицијата стојат теснопартиски интереси и обид да се прикрие стравот од соочување со граѓаните. Тоа станува сè поочигледно и не може да биде прикриено со ниту едно соопштение, реакција или јавен настап.
ВМРО-ДПМНЕ уште еднаш потенцира дека останува доследна на својот став и дека е подготвена да ги прифати барањата на опозицијата, под услов да бидат почитувани препораките на ОБСЕ/ОДИХР и да се олесни и прошири можноста за гласање на македонската дијаспора.
