Коментари

Соросовата фондација деструктивно делува во земјава

Tihomir Karanfilov-001

Tihomir Karanfilov-001
Тихомир Каранфилов

Обидот на лидерот на СДСМ, Зоран Заев, за дестабилизација на земјата и рушење на легално избраната Влада која ја предводи премиерот Никола Груевски, неминовно го отвори прашањето на делувањето на Соросовата Фондација отворено општество во Македонија (ФООМ). Повикот на нејзините спонзорирани медиуми за насилно рушење на власта, лажно известување што може да поттикне меѓуетнички конфликти го доведува во прашање нејзиното понатамошно делување.

Според неделникот Њу Стејтсман, во текот на 90 години на минатиот век, Џорџ Сорос кого го сметаат за некрунисан крал на земјите од Југоисточна Европа, заради своите лични интереси го дестабилизирал Балканот. Дел од своето богатство тој со години го вложувал во развојот на либералните политички уредувања и основал организации преку кои го финансирал развојот на цивилното општество и негова демократизација.

Во 1992 година е основана Фондација отворено општество – Македонија (ФООМ), со цел да промовира отворено општество во Македонија. Таа е дел од Соросовата мрежа во централна и источна Европа и доделува грантови, заеми и други видови финансиска поддршка на физички и правни лица со цел да се спроведуваат активности во согласност со нивната мисија.

Според својата програма таа дејствува во повеќе области како што се: образование, право, јавна администрација и локална самоуправа, граѓанско општество, јавно здравство, информации, медиуми и економски реформи. Покрај тоа, ФООМ соработува и со невладини организации, меѓународни институции и донатори во насока на преземање акции кои негуваат одржлива демократија итн.

Меѓутоа, преку овие институции и нивните програми, Сорос го промовира клиентелизмот, кој генерално претставува неоправдано влијание врз структурата, процесот или резултатот на процесот со цел да постигне лични цели. Исто така со финансиска поддршка на медиумите, како и во други области од општествениот живот тој стекнува политичка потпора за остварувањето на овие цели.

Инаку, експертите политичкиот клиентелизам го опишуваат како распределба на одбрани предности на поединци или јасно дефинирана група во замена за политичка потпора. Клиентелизмот, иако е феномен сам по себе, претставува една од најпознатите малигни форми на корупција, бидејќи клиентелистичката пракса не е забранета или казнива, а често не се смета ни за неправедна.

Може да се каже дека клучна цел на клиентелистичката политика во пракса е стекнување моќ и влијание. Според тоа, цел на клиентелистичката пракса се демократските институции како законодавната, судската, извршната, политичката и општествената моќ. Со оглед дека секое демократско општество развива механизми за одговорност кои би требало да го заштитат јавниот интерес, откривањето на клиентелистички практики во политиката, јавната администрација или судството е предизвик, но не и невозможен, што покажа и дејствувањето на Соросовите структури.

Во минатото, во услови на транзиција земјата и нарушен Институт за јавна одговорност, се остави простор за дејствување и заробување на државата во интерес на Сорос.

Свесен дека моќта и силата на медиумите, т.н. седмата сила, никогаш не исчезна, туку се прилагоди на современите општества, Соросовата клиентелистичка стратегија ги постави медиумите за примарна мета на своите настојувања. Речиси да немаше локален или национален, печатен или електронски медиум кој немаше добиено грант од Сорос. Инволвирана во сите пори на општествениот живот, Соросовата фондација преку медиумите долго време ги контролираше опшптествените текови во земјата.

Воспоставената спрега меѓу ФООМ и СДСМ овозможи долго време според иста матрица Сорос и ЦИА да го креираат политичкиот и цивилниот амбиент во земјата, адекватен за општества во Африка од раните педесети години на минатиот век. Инаку долгогодишниот извршен директор на ФООМ, Владимир Милчин, беше и поранешен член на претседателството на СДСМ. Токму тоа заемно дејствување во минатото предизвика многу зла во земјата. Секогаш кога невладиниот сектор под режија на Милчин спроведуваа одреден проект, Македонија и нејзините граѓани беа губитници.

Меѓутоа, во моментот кога механизми за одговорност за заштита на јавниот интерес во институциите се воспоставија со доаѓањето на власт на ВМРО-ДПМНЕ, што беше спротивно на интересите на Соросовите инсталации, тогаш тие реагираат со целосниот капицитет, ставајќи се отворено на страната на СДСМ како нејзин партнер.

Така е и денес, кога без да се води сметка за интересите на македонскиот народ и неговата држава, фондацијата отворено застана на страната на Заев во неговите активности за рушење на актуелната влада. Нејзините спонзорирани медиуми отворено поттикнуваа меѓуетнички конфликт, насилен преврат на власта и дестабилизацијата на земјата, што не ја амнестира фондацијата од одговорност.

Ваквото деструктивно однесување, не е само за осуда, туку и за одлука за забрана за нејзино делување на терироријата на земјата. Секако дека Македонија не зависи од средствата кои Сорос ги дава за нејзино делување, како и средства за невладиниот сектор во земјата. Многу покорисно би било кога би се забранило нејзиното делување на земјата, а невладините организации кои зависеле од средствата на Сорос, треба да бидат финансирани од македонски буџет. Така овие организации би се вратиле кон вистинските цели и своите целни групи, за кои всушност и се формирани.

Најново од: Коментари

Европа без место на масата – поука од Букурешт 1913

Во 1913 година, во Букуреш, се одлучуваше за судбината на Македонија. Македонците немаа место на преговарачката маса, немаа сопствена меѓународно призната држава и немаа сила да ја спречат поделбата на својата татковина. Македонија се бореше за слобода и самостојност, но интересите на соседните држави и тогашните големи сили надвладеаја над стремежите на македонскиот народ. Сто […]

Што предвидела Баба Ванѓа за еконимски напредок на Македонија?

Баба Ванѓа (Ванѓелија Гуштерова), позната како „балканскиот Нострадамус“, е родена во Струмица во 1911 година, но поголемиот дел од својот живот го поминала во Петрич, каде што стекнала светска слава. Според едно раскажување што ѝ се припишува на Баба Ванѓа, Македонија ќе има финансиски тешкотии сè додека повторно не проработи рудникот „Алшар“ на планината Кожуф. […]

Непокорниот дух на Македонците – до кога ќе ги трпиме неправдите?

Македонија преживеала војни, поделби и туѓи владеења. Низ сите тие премрежија, Македонците го зачувале својот јазик и култура и изградиле своја држава. Секогаш кога ќе се спомене таа издржливост, се наметнува едно прашање. До кога од нас ќе се очекува да трпиме неправди и да правиме отстапки за прашања што го засегаат нашиот идентитет? Еден […]

Името Македонија од античките записи до уставните измени

Сребрена тетрадрахма од Амфипол со натпис „ΜΑΚΕΔΟΝΩΝ“ („на Македонците“), 158–150 година пред нашата ера. Музеј на уметност во Кливленд.   Името Македонија е запишано уште во V век пред нашата ера. Од Херодот и библискиот повик до апостол Павле, преку старите карти и делото на Мисирков, до Уставот од 17 ноември 1991 година. Меѓу најстарите […]

Пресказание на Голем Александр (Александар Македонски)

Во Венеција во 1845 година јеромонахот Атанас Македонец го објавил „Пресказание на Голем Александр“ (Александар Македонски), пренесувајќи старо претскажување што, според прологот на книгата, било пронајдено при ископување во Вавилон, во златна кутија, а потоа преведувано на повеќе јазици. Возбудливо видение што му се припишува на Александар Македонски. Текстот е подолг, но вреди да се […]

Уште колку ЕУ ќе нè тапка по рамо?

Европската идеја има смисла ако ги зближува народите и го почитува нивното достоинство. Македонија заслужува јасен и праведен пат до членство, по кој ќе оди со реформи и со зачуван македонски идентитет. За идеите во минатото се гинело, а за нив се гине и денес. Тие ги движат луѓето, ги обединуваат народите и го менуваат […]

Филипче, рејтингот на СДС не се крева со сирена за тревога

Дали Филипче навистина мисли дека патот до повисок рејтинг води преку повисок притисок кај граѓаните? Дека секоја вознемирена фамилија е потенцијален глас, секој исплашен пензионер — политичка добивка, а секој загрижен штедач — публика за следниот настап? СДС на чело со Филипче остава впечаток дека отвори дежурна служба за најавување пропаст. Телефонот постојано ѕвони, сирената […]

За овој настан Македонија нема да бара од Бугарија заедничко историско чествување

На 11 септември 1995 година, на аеродромот кај Штрклево, близу Русе, се собрале околу 3.000 илјади луѓе за да пречекаат вонземјани.  Според архивскиот весникарски напис, околу 3.000 луѓе пристигнале од Варна, Разград, Русе и околните села. Поводот бил најавата дека точно во 11 часот ќе слетаат посетители од наводната планета Криси за да и помогнат […]

To top