Ципрас: И на Гугл ќе треба да ја бараат Северна Македонија, договорот ќе помине во Грција
140 земји ги нарекуваат Македонија, сега ќе ги нарекуваат Северна Македонија. За да ја најдете земјата , на Гугл ќе треба да напишетее Северна Македонија, кога договорот ќе помине. А тој со право ќе помине, затоа што и последниот граѓанин – ги почитувам чувствителноста, реакциите, несогласувањата – започнува да сфаќа дека и покрај тешкотиите и покрај проблемите, овој договор е во корист на земјата, ја надградува, ѝ дава динамика, а особено нашите сограѓани од Северна Грција, сфаќаат дека не може Македонија, Солун да стане економска престолнина на Балканот кога со грб е свртена кон соседите.
Ципрас верува дека во одлучувачкиот момент во грчкото собрание дури и остриот противник на договорот Каменос ќе биде во дилема како да гласа бидејќи спогодбата е во интерес на државата. Според него, мнозинството би било уште поголемо доколку лидерот на Нова демократија Мицотакис ќе им дозволи на своите пратеници да гласаат .
Во интервјуто Ципрас вели дека не загрижен поради водството на опозицијата во последните анкети. Напротив тој очекува убедлива победа на Сириза на изборите за европскиот парламент во мај, но и на општите избори во Грција, кои како што истакна ќе се одржат во октомври 2019 година.
