На прво место

Македонија денес е завиена во црно бидејќи се чувствува продадена, погазена и уништена

3 минути за читање

Македонија денес е завиена во црно бидејќи се чувствува продадена, погазена и уништена

Интегрален текст од прес конференција за медиуми на Наум Стоилковски, Портпарол на ВМРО-ДПМНЕ

Само владата за една намена, заглавена во криминогени делувања може да се радува на промена на Устав со цел промена на уставното име Република Македонија, македонскиот идентитет, македонската историја, посебноста на својот народ.

Само влада која има сериозни хипотеки, може да посегне и да го згази достоинството на народот, на пратениците, на собранието, на судскиот и обвинителскиот систем, само и само да ја исполни својата единствена цел на своето постоење- промена на Уставот со цел промена на уставното име на Македонија. И потоа да се фали со тоа!

Само Зоран Заев и неговите однародени ликови во власта може да се гордеат со лагите и со бруталноста и со теророт врз волјата на народот, врз јасно изразената волја на граѓаните на референдумот од 8 септември 1991 година и потврден на 30 септември 2018 година.

Македонија денес е завиена во црно бидејќи се чувствува продадена, погазена и уништена. Останува запишано дека 81 човек во Парламентот го променија името и идентитетот, а не народот, не граѓаните на оваа држава!

ВМРО-ДПМНЕ и мнозинството на македонскиот народ и мнозинството на граѓаните на Македонија не го подржаа овој договор. ВМРО-ДПМНЕ ќе направи се што е во негова моќ да се исправи неправдата во иднина.

Почитувани, ништо не направија освен предавство и кариеризам!

Зоран Заев и оваа влада октроирана за едно прашање, ја заврши целта на постоењето со национална катастрофа, преку промена на име, идентитет, јазик, историја, култура, образование, промена на се што е македонско. И оваа влада тука завршува. Залудни се ветувањата, тие не го покриваат срамот со промена на името и идентитетот.

Лажната еуфорија ниту донела ниту ќе донесе подобро утре. Ниту можат, ниту знаат, ниту пак сакаат. Подобро утре бара работа, бара волја, бара почит, бара реформи. Подобро утре нема со згазен правосуден систем, со згазен парламент, со криминогена и коруптивна влада.

Македонија е фрлена на колена, народот е излажан и обесчестен. Економија на нула, уништеното здравство, неквалитетното образование, земјоделието скапува на нивите. Во две години власт, освен продажба на националните и државни интереси, сведочевме за криминогени тендери, партиска полиција, мафијашки престрелки на улици, нерасветлени убиства, уништено здравство, колапс во земјоделството. Не можат, не умеат, не сакаат и секој ден со нив ќе биде полошо.

Заев и вие од осрамениот СДСМ – не бегајте од одговорност. Немојте да се криете зад партиските одлуки. Излезете на избори! Тоа се избори каде што ќе победи народот, каде што ќе победи ВМРО-ДПМНЕ, за да победи достоинствена и горда Република Македонија.

Да живее достоинствена и горда Република Македонија!

ВМРО-ДПМНЕ

Најново од: На прво место

Софија Станкова освои злато во Софија – нов успех за македонскиот женски бокс

Младата боксерка од клубот „Аперкат“ се закити со златен медал на натпревар во Бугарија, продолжувајќи ја низата успешни меѓународни настапи. Македонскиот женски бокс бележи уште еден значаен успех на меѓународната сцена. Младата македонска боксерка Софија Станкова освои златен медал на натпревар во Софија, Бугарија. Станкова, која е членка на боксерскиот клуб „Аперкат“, на рингот покажа […]

31 година од атентатот врз Киро Глигоров – сведоштва и прашања што бараат одговор

На 3 октомври 1995 година, експлозија во центарот на Скопје го загрози животот на првиот претседател на независна Република Македонија. Нападот однесе два човечки живота. Триесет и една година подоцна, прашањата за неговите организатори и извршители остануваат без судски утврден одговор. На 3 октомври 1995 година, во 9:50 часот, на улицата „Македонија“, пред хотелот „Бристол“ […]

Сиљановска-Давкова до фон дер Лајен: Македонија да напредува според европските критериуми, без билатерални блокади

Наметнатиот билатерален спор не смее да има примат пред Копенхашките критериуми Македонија заслужува напредок според реформите и подготвеноста за членство. Фон дер Лајен оценила дека досегашните реформи се импресивни и порачала дека местото на Македонија е во Европската Унија. Претседателката на Република Македонија, Гордана Сиљановска-Давкова, на денешната средба со претседателката на Европската комисија, Урсула фон […]

Мицкоски по средбата со фон дер Лајен: Реформите треба да носат напредок, без нови билатерални условувања

Македонија очекува фер и предвидлив европски процес, со јасни правила и поголема вклученост на Европската Унија во надминувањето на пречките на патот кон членството. Премиерот на Република Македонија, Христијан Мицкоски, денеска одржал средба со претседателката на Европската комисија, Урсула фон дер Лајен. Според неговата изјава, на средбата отворено разговарале за европската иднина на Македонија, реформскиот […]

Од Заевото „живи луѓе ќе јадеме“ до Филипчевото „ќе ги згазам како шлепер жаба“

Се повторува една лоша појава: политичката решителност да се покажува со речник на заплашување. Иако Заев тогаш се бранеше дека неговите зборови биле извадени од контекст, споредбата се наметнува поради самите употребени изјави. Филипче имаше можност да покаже поинаков начин на водење на СДС — со аргументи, самокритика и отворена расправа. Наместо тоа, со ваквиот […]

Годишнина од Гавгамела: Решавачката битка што го отвори патот кон Александаровото Царство

На 1 октомври 331 година пред нашата ера, Александар Велики ја победил војската на персискиот цар Дариј III кај Гавгамела. Победата претставувала решавачки пресврт во освојувањето на Персиското Царство и во создавањето на неговата огромна империја. Битката кај Гавгамела останала запаметена како една од најзначајните воени победи во античката историја. Соочен со побројна противничка војска, […]

Од сонот на ВМРО-СДРМА до политиката на Мицкоски: Македонија со силен американски сојузник

Она што младите македонски патриоти го барале во текот на летото 1947 година како американско покровителство, денес добива современ израз преку продлабочување на стратешкото партнерство со САД. Целта останува силна, самостојна и достоинствена Македонија. Постојат идеи што времето не ги брише. Се менуваат околностите, државните уредувања и средствата на политичката борба, но останува стремежот Македонија […]

Филипче и СДС: За развојот се против, а за отстапките кон Софија се подготвени

Македонија заслужува опозиција што нуди решенија за подобар живот и бара гаранции за државните интереси. Европската иднина не смее да биде алиби за бескрајни отстапки. Венко Филипче сè повеќе остава впечаток дека политиката ја свел на една задача: да биде против власта, дури и кога е потребна сериозна расправа за инвестициите, индустријата и економскиот развој […]
Сите вести од На прво место

Најнови вести

To top