Македонска Нација
Роден Македонец, умрел Македонец за Македонија.
Ѓорѓија Мијаков Пулевски е роден во 1817 година во селото Галичник, во мијачкиот крај на Македонија.
На неговиот надгробен споменик во Софија е запишано:
„Роден Македонец, умрел Македонец за Македонија.“
1817 – 13 февруари 1895 (78 години) е периодот на животот на Ѓорѓија Пулевски.
Кратко за Пулевски:
Пулевски е еден од првите македонски дејци што јасно ја истакнува посебноста на македонскиот народ и македонскиот јазик.
Во песната „Македонцим ув прилог“Пулевски постојано се навраќа на славното македонско минато, потсетувајќи ги своите сонародници на времето на македонските владетели Филип Македонски и Александар Македонски.
За Пулевски, Македонија е древна кралевина и татковина на Македонците, а Александар Македонски е „наш цар македонски“, чие име е познато низ целиот свет.
Песната е создадена во период кога македонскиот народ сè уште се наоѓал под османлиска власт. Во неа јасно се чувствува разочараноста од одлуките на Берлинскиот конгрес од 1878 година, со кои Македонија останала надвор од процесите на ослободување на балканските народи и била оставена под турско ропство.
Пулевски затоа упатува апел до европските христијани да ја разберат судбината на Македонците, кои, како што вели, ја посакуваат својата „домовина“.
Но, неговата главна порака е насочена кон самите Македонци. Тој ги повикува да се обединат, да покажат слога и храброст и да се борат како нивните предци во времето на Александар Македонски.
„Македонцим ув прилог“ претставува значајно сведоштво за националната мисла на Ѓорѓија Пулевски и за неговото настојување преку поезијата да ја разбуди свеста кај Македонците за нивната историја, идентитет и право на сопствена татковина.
Македонцим ув прилог
