На прво место

Антимакедонски хушкачи

Главна слика е по избор на мн.мк
Симптоматично, ама истава оваа екипа во пауза oд лаење по прославата на независноста ќе ја видите како ги оправдува небулозните и садистички решенија за прекин на мега-аферите Мазут и Модуларната болница, та ќе ги чуете како оваа Власт била антиевропска и изолирана, па нема-нема ќе дадат некој инфантилен комплимент за Заев Трети викан Филипче, та ќе лажат дека водата била отровна, па ќе прогласат Апокалипса и дека комарците ќе не изедат живи, за да финишираат со пофални слова за вистинскиот гуру и водач, за оној недоквакан и самоцрпнат од нивата…
Љупчо Цветановски

Ве зачуди ли офанзивата на една оркестрирана банда антимакедонски хушкачи, кои како сурија стрвинари се ничкоса и во низок лет се нафрли врз чествувањето на 35-годишнината од незавиноста? Лешинарчиња, кои во отуство на чувства кон Македонија, тотално оперирани од каква и да е сетилна дразба кон татковината удрија со камења по иницијатива што месец  дена го воспеваше 3,5-децениското раѓање на нашата независна држава?

Секако, дека не не’ изненади, та ќе беше чудно да беше поинаку, ќе мораше да одиме на бајачка доколку северџанските демагози кажеа некој убав збор за чествувањето на овој датум. За Македонија.

И повторно, така „случајно“ симултано со источните ни соседи, ѓоамити во еден глас. А, случајноста да ти била она кога на сцената не се гледале конците на оној кој одозгора ги движи марионетите по сцената. А тука, се гледаат од авион. Море, од Марс. Трисекундната меморија на златнa рипка одамна е исклучена и добро се сеќаваме дека оваа демек „македонска“ банда е експерт во давање на задник под кирија и има 3,5 децениска кариера во коленичарење и субмисивно антимакедонско дејствување, се’ и се’ за да дојде на власт или, поретко, и за да остане на неа. И е експерт за копање црни гробови за пусти, туѓи бели дворови. За награда. За власт. За полнење џебови…

Сетете се и што се’ истите не кажаа за Скопје 2014, како изгледаше главниот град пред тоа и како го гушкаа ГТЦ, трговски во кој сега дел од дуќаните се издаваат бесплатно, само платете струја и вода. Благодарение на СДС..

Туку, каде беше оваа оркестрирана банда, сега толку загрижена за Македонија, кога Заевци ни го сменија насила името? Кога ајваните беа на власт и со сиот ум го утнаа знамето на главното лого за прославувањето на 30-годишнината на независноста? Башка, што суртуците славеа 3 децении некава си северна?! Кога го утнаа знамето на Хрватска и така зевзечки и’ честитаа претседателство со ЕУ со Павелиќева, усташка држава на поштенска марка? На сегашните хушкачи и тогаш „солено“ и здраво ухлебените копуци по државните институции се’ им беше таман. А сега, е сега болело, немало пари во државата, та сиромаштијата навасала, се сетија и на земјоделците дека се живи, та за што ли не паѓаат во несвест и сечат вени по соц-мрежи, портали и телевизии. Оти, мислат на и за себе. Точно е, има помалку пари и грижа на државата, ама за нив, северни душички напатени од две години пост, сега во шок откако здраво си го наплатија северџанството…

Туку, „пута 2“, абе лош збор не кажаа за Груби и Перпарим кои буквално „стопија“ 10-на милиони евра од истата таа Лотарија која сега беше генерален покровител на нешто грамадно, нешто што го будеше македонскиот дух по целата ни држава и тоа десетици денови. Арно ама, таму не смеат да чепкаат, за да Артан не се налути и не каже некоја арамиска вистина за оној црпнатиот им лидер од Муртино или, поверојатно, за сегашниот им наапан фејк-лидер, кој сиромашкиот, не знае каде му е главата и секој ден си ја траска по ѕидовите во Бихаќка, сфаќајќи на каква глупост се нафатил. Малку доцна…

Симптоматично, ама истава оваа екипа во пауза од лаење по прославата на независноста ќе ја видите како ги оправдува небулозните и садистички решенија за прекин на мега-аферите Мазут и Модуларната болница, та ќе ги чуете како оваа Власт била антиевропска и изолирана, па нема-нема ќе дадат некој инфантилен комплимент за Заев Трети викан Филипче, та ќе лажат дека водата била отровна, па ќе прогласат Апокалипса и дека комарците ќе не изедат живи, за да финишираат со пофални слова за вистинскиот гуру и водач, за оној недоквакан и самоцрпнат од нивата…

И додека, ние се лутиме зошто на неколкумина кои учествуваа во  кампањата на она на „С“ воопшто им беше дозволено да пеат и за Македонија, ТИЕ ќе не’ убедуваат дека половина од парите кои апашката ДУИ/СДС екипа ги стопи без трага од истата таа компанија, да ти биле премногу за недели и недели прослави по целата држава. Точно, парите секогаш можат да се вложат во нешто друго, но за разлика од нивните времиња, тоа сега паралелно и се прави. Дека може да биде подобро, може, но за разлика од тие „нивни“, црни и понижувачки времиња, нешто се прави на тоа поле, се исправа свитканиот р’бет, се брише резилот, се исправаат и „Дрините“ искривени од Заевци, абе дури и Фичо вика МАКЕДОНИЈА. „Јагшемаш“! би свикал Борат на оваа СДС принудна еволуција…

Веројатно, ги болат, ама многу, оние стотици илјади народ кои во различни градови се радуваа на чествувањето на независноста, постарите комуњари се сеќаваат дека гласаа ЗА независност само заради вториот дел од реферндумското прашање во ’91-та, нешто што никогаш не им се оствари, ги пече фактот што тоа е единственото јасно изјаснување на македонските граѓани во историјата и дека таму сме и секогаш ќе бидеме МАКЕДОНИЈА, ги жега тоа што никој не ги праша ништо околу организацијата на прославата, како и фактот дека е се поизвесно дека и за 40-годишнината, како што тргнале па и многу понатаму, никој повторно нема за ништо живо да ги прашува.

Оти, никој нормален не оди по депонии да прашува, а тие до тогаш ќе бидат уште побааги навлезени во ѓубриштето на историјата, кон кое „пичат“ со светлосна брзина водени од инфантилните наративи на автопилотот Венко и копилотот Шмрчко…

И така, свесни за очекуваната партијска имплозија која ги очекува, антимакедонските северџански хушкачи со тапија (од 2018-та, заверена во Нивици) ќе џавкаат, гризаат и гребат движејќи се кон сопственото зајдисонце, а македонскиот карван неумоливо ќе продолжи да се движи напред.

Од хигиенски причини, игнорирајте го нивното прпелкање во калта, тиња ли беше, во која колку повеќе прпелкаш, побргу тонеш кон дното…

Превземено од Курир

Најново од: На прво место

Европа без место на масата – поука од Букурешт 1913

Во 1913 година, во Букуреш, се одлучуваше за судбината на Македонија. Македонците немаа место на преговарачката маса, немаа сопствена меѓународно призната држава и немаа сила да ја спречат поделбата на својата татковина. Македонија се бореше за слобода и самостојност, но интересите на соседните држави и тогашните големи сили надвладеаја над стремежите на македонскиот народ. Сто […]

Филипче и СДС се обидуваат да креираат скандал таму каде што нема, постапката за Алта банка е јавна и транспарентна

СДС и Венко Филипче се обидуваат да креираат скандал таму каде што нема, во постапката за Алта банка, која е јавна и транспарентна. Тие продолжуваат со ширење неосновани обвинувања за Алта банка, обидувајќи се од редовна и транспарентна постапка за јавна аукција во јавноста да претстават непостоечки скандал. Фактите, се следни. Продажбата на над 95 […]

Една лага ќе им пропадне, а од СДС се тука експресно да смислат нова

Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка СДС продолжува со ширење лажни, паушални и неосновани обвинувања и манипулации во врска со Алта банка. Откако им пропаднаа сите досегашни и не им успеа обидот за креирање страв и општа паника со […]

СОБОР НА СВЕТИ АРХАНГЕЛ МИХАИЛ – АРАНЃЕЛОВДЕН

21 ноември / 8 ноември Овој празник во народниот живот на Македонците е познат како Аранѓеловден и претставува една од позначајните семејни слави во македонската православна традиција. Свети Архангел Михаил во христијанското предание Името Михаил потекнува од еврејското име Михаел, што се толкува како „Кој е како Бог?“. Во Светото писмо Архангел Михаил е претставен […]

ВОВЕДЕНИЕ НА ПРЕСВЕТА БОГОРОДИЦА (ПРЕЧИСТА)

Воведението на Пресвета Богородица во храмот, во македонската народна и православна традиција познато и како Пречиста, е еден од големите Богородични празници во православното христијанство. Се празнува на 21 ноември според јулијанскиот календар, односно на 4 декември според грегоријанскиот календар. Во македонската православна традиција празникот е познат под името Пречиста или Воведение на Пресвета Богородица. […]

Кога се сака, речиси сè се може: Комерцијална банка влегува во трката за Алта банка Битола

Опис за главната слика: Илустративен колаж на Алта банка Битола и Комерцијална банка, изработен со ChatGPT во формат 3:2. Одлуката на Комерцијална банка да учествува на берзанската аукција е конкретен чекор кон изнаоѓање нов сопственик за битолската банка. На 30 ноември на Македонската берза ќе бидат понудени 95,336 отсто од нејзините акции. Премиерот Христијан Мицкоски […]

Македонија ја потврди поддршката за праведен и траен мир во Украина

На состанокот на Коалицијата на волните во Берлин беше нагласена потребата од заедничко дејствување на европските партнери и САД за завршување на војната. Македонска делегација, во која учествуваше и министерот за надворешни работи и надворешна трговија Тимчо Муцунски, присуствуваше на состанокот на Коалицијата на волните во Берлин, посветен на актуелната состојба во Украина и на […]

Во Полице откриен првиот споменик во Полска посветен на децата бегалци од Егејска Македонија кои не се вратија дома

Споменикот е дело на Петро Алексовски и е подигнат со поддршка на Фондот на холокаустот на Евреите од Македонија. Во полскиот град Полице денеска, 19 ноември 2026 година, беше откриен првиот споменик во Полска посветен на децата бегалци од Егејска Македонија кои не се вратија во родните краишта, туку го поминаа животот во Полска и […]

To top