Коментари

Лидерот на СДСМ Заев, заборава и на државниот интерес само да се добере до фотеља


Свекрва

Ја знаете она народната „маж сакам- сега сакам“?

И се засакало на некоја бабичка и одлучила да бара маж ама веднаш- не можела да издржи.Така е и со нашава опозиција, заклучиле дека подобро е да бидат вклучени во власта- по секоја цена, па не можат повеќе да издржат во опозиција и сега- веднаш сакаат да се вратат назад, да има нови избори, или и тие да влезат во владата.

Лидерот на СДСМ, Зоран Заев, не отстапува од својата налудничава идеја по секоја цена да дојде на власт. Иако од 2006 до 2014 година најголемата опозиска партија ги губи изборите, тој е спремен дури и да предизвика внатрешен конфликт само за да дојде на власт. Како инаку треба да се протолкува неговата изјава дадена за телевизија Алсат М, во емисијата „Патот кон“ во која вели дека меѓуетничките односи во Македонија се лоши и дека ќе има жешка политичка есен во која ќе се интензивираат активностите за уривање на власта на Груевски, а ВМРО и премиерот ќе бидат принудени да седнат да разговараат за барањето на опозицијата.

Зоран Заев кој уште пред неколку години кажа дека е подготвен да ја свитка кичмата во спорот со името, потоа дека живи луѓе ќе јаде, како и пораката во пресрет на претседателските и предвремените парламетарни избори испратена на почетокот на годината до Мендух Тачи во која се вели дека: „Перспективите во регионот се воспоставување на соработка со тројката која ќе има големa поддршка во иднина, а тоа сте вие, Харадинај и Бериша, затоа ме подготвуваат и повисоките надвор од Македонија“, само покажува дека е спремен да ја наруши безбедноста на земјата само за да дојде на власт.

По толку изборни фијаска на парламентарните, локалните и претседателските избори, доаѓањето на власт на опозицијата, Заев како и неговиот предходник, го гледа единствено преку дестабилизација на земјата и формирање на техничка влада. Тој за ова објаснува дека СДСМ не остапува од барањето за техничка влада, не зашто таа сака да го дели премиерското столче со Груевски, туку затоа што гаранција за фер избори можело да биде само поделена одговорност меѓу власта и опозицијата за изборниот процес.

Заев најавува жешка политичка есен во која ќе интензивираат активностите за уривање на власта на Груевски, а како што тој смета, ВМРО и Премиерот ќе бидат принудени да седнат да разговараат за барањето на опозицијата, односно за да се формира техничка влада. Во тој контекст, Заев се обидува да ги подгрее страстите меѓу Албанците. Во интервјуто тој вели дека голем дел од Албанците не се согласуваат со политиките на Груевски, но немаат каде да се обратат, бидејќи и двете албански партии се поклопени!? Исто така, според лидерот на опозицијата Зоран Заев максимални казни против обвинетите демонстранти од протестите за случајот „Монструм“ била донесена под политички притисок.

Во време кога целиот свет е во војна со радикалниот ислам, кога Балканот се обединува за да се справат со заканите на исламските фундаменталисти, ваквите налудничави изјави на очајниот и забеган политичар, можат да бидат вистински предизвик за џихадистите, повратници од боиштата во Сирија и Ирак, и може да се одрази на безбедноста на земјата.

Секој и малку одговорен политичар не би ни помислил да потпалува ваков оган со радикалните исламисти, но за непромислени политичари изгледа тоа е само дел од политичка игра, во која за да се дојде на власт не се бираат средства. Како да не размислува дека се ставаат во залог Македонија и животите на луѓето, без разлика дали тој е Македонец, Албанец, Турчин, Србин, Ром, Влав, Евреин или припадник на било кој друг етникум. Изгледа се забораваат примерите дека и пироманите можат да настрадаат од своето дело.

Во својата изјава за телевизија Алсат М, Заев се осврнува и на реакцијата на македонските власти по повод изјавата на новиот амбасадор Џ.Л. Бејли во која се вели дека во Македонија живеат мнозинство Словени и малцинство етнички Албанци. За него таа е несмасна и дека требало да се побара објаснување, намесно протесна нота, бидејќи Америка е поддржувач на Македонија.

Точно е дека САД е стратешки партнер и поддржувач на Македонија, но тоа не значи дека е дрско или не смее меѓу две пријателски земји да се укаже дека Македонците не сакаат така да бидат именувани, исто како што сите американци не сакаат да бидат именувани Индијанци.

Но, затоа пак реакцијата на Зоран Заев индиректно укажува дека спротивно интересите на македонскиот народ, тој повторно би ја свиткал кичмата и би се сложил со секакво именување на својот народ, дури и да биде безимен како Словен од зад карпатите, само за да ги задоволи барањата на Грција и да влезе во владата.

Неговата изјава за истата телевизија, исто така укажува дека е во кординација со јужниот сосед. Како што вели, после изборите во Грција, може да дојде до уште еден силен обид да се реши спорот за името. Оттука, тој „нема намера уште долги месеци да го гледа ова што се случува во државата“. Иако не го прецизира периодот, Заев очекува предвремени парламентарни избори во 2015 година.

Меѓутоа, македонскиот народ одамна сфати кој се грижи за интересите на македонскиот народ и затоа, како и на претходните, така и на следните избори, па биле тие и во 2015, 16,17,… година ќе знае на кого да им го довери мандатот. Во тоа нема да ги спречат ниту заплашувањата на опозицијата со улична демократија, ниту заплашувањата со исламските радикали.

Македонските институции предводени од партијата на власт ВМРО-ДПМНЕ имаат доволен капацитет да се справат со сите ризици и опасности, со сите закани кои ги спрема опозицијата. Македонија ВЕЧНА!

Најново од: Коментари

Уште колку ЕУ ќе нè тапка по рамо?

Европската идеја има смисла ако ги зближува народите и го почитува нивното достоинство. Македонија заслужува јасен и праведен пат до членство, по кој ќе оди со реформи и со зачуван македонски идентитет. За идеите во минатото се гинело, а за нив се гине и денес. Тие ги движат луѓето, ги обединуваат народите и го менуваат […]

Филипче, рејтингот на СДС не се крева со сирена за тревога

Дали Филипче навистина мисли дека патот до повисок рејтинг води преку повисок притисок кај граѓаните? Дека секоја вознемирена фамилија е потенцијален глас, секој исплашен пензионер — политичка добивка, а секој загрижен штедач — публика за следниот настап? СДС на чело со Филипче остава впечаток дека отвори дежурна служба за најавување пропаст. Телефонот постојано ѕвони, сирената […]

За овој настан Македонија нема да бара од Бугарија заедничко историско чествување

На 11 септември 1995 година, на аеродромот кај Штрклево, близу Русе, се собрале околу 3.000 илјади луѓе за да пречекаат вонземјани.  Според архивскиот весникарски напис, околу 3.000 луѓе пристигнале од Варна, Разград, Русе и околните села. Поводот бил најавата дека точно во 11 часот ќе слетаат посетители од наводната планета Криси за да и помогнат […]

Да се препознаеме по човечноста

„Ако чувствуваш болка, жив си. Ако чувствуваш туѓа болка, тогаш си човек.“ – рекол Лав Толстој Сфаќањето и практиката на хуманоста во светот денес се наоѓаат на важна крстосница. Глобално гледано, на хуманоста се гледа низ призмата на зголемена емпатија и поврзаност, но и низ сериозни предизвици наметнати од модерното секојдневие, технологијата и кризите. Технологијата […]

Четири штетни одлуки – сметка што ќе ја плаќаат генерации

Приватизацијата од деведесеттите години, територијалната организација од 2004 година, промената на уставното име во 2019 година и Договорот со Бугарија од 2017 година се четирите најштетни политички одлуки на СДС за Македонија. Првата го засегна општествениот капитал, а другите државното уредување, уставното име и заштитата на македонските национални интереси. Последиците ги надминаа мандатите на властите […]

Бранислав Светозаревиќ-Покорни: За поимите „народ“ и „нација“

Бранислав Светозаревиќ Во интерес на читателот, сметаме дека е потребно да дадеме извесни објаснувања за термините за етничките заедници низ историските периоди на овие простори, со кои се среќававме во нашето истражување, како и за поимите „народ“ и „нација“ што ги подразбираме во оваа студија. Иако главниот акцент на оваа книга се однесува на идентитетското […]

Чудата на Свети Димитрија

Во редот на најзначајните хагиографски трудови од рановизантиската литература спаѓаат и „Чудата на Свети Димитрија” (Miracula Sancti Demetrii) се три збирки од која првата ги опфаќа „Чудата” што се однесуваат на периодот од крајот на VI до 20-тите години на VII век. Неа ја составил солунскиот архиепископ Јован, современик на овој период. Втората збирка ги опфаќа […]

Македонија, парче од рајот што треба сите да го почитуваме

Ми пукна филмот од Али Ахмети што ја отвора историјата само кога му треба аргумент за дневна политика. Али, кога зборуваш за тоа кој е староседелец во Македонија, што добиваат граѓаните од тоа твое тврдење, освен дека тоа е твоја провокација? И што, според тебе, добива оној што ќе го прогласиш за постар од соседот? […]

To top