Координативното тело против референдумот повикува на Семакедонска општонародна прослава на 30 септември од 19 часот пред Собранието на Република Македонија, за победа на демократијата и одбрана на името на државата и идентитетот на нацијата!
Македонците, по род и државјанство, во сите делови на Македонија, во татковината и во светот, повикуваат на Семакедонска општонародна прослава за одбрана на демократијата и одбрана на името на државата и идентитетот на нацијата на 30 септември на денот на гласањето, поради масовна неизлезеност и безусловен бојкот на референдумот!
Потсетуваме дека “Никој не може да биде повикан на одговорност за негласање на референдумот!“
Не заборавајте дека “Забрането е вршење и обид за вршење притисок и заплашување на гласачи или членови на нивните семејства или ним блиски лица!“
Координативното тело против референдумот НЕ ПОПРЕЧУВА, туку ПРЕПОРАЧУВА никој да не се појави на гласачките места на 30 септември на денот на гласањето! Да останат само избирачките одбори и празните гласачки кутии! Некои тие слики нека ги евидентираат и постојано нека ги објавуваат на социјалните мрежи и до медиумите!
Координативното тело против референдумот ПРЕПОРАЧУВА по затворањето на гласачките места и составувањето на записниците, да се следи превозот од гласачките места до општинските изборни комисии, поради страв попат да не бидат заменети со полни гласачки кутии и нови записници!
Координативното тело против референдумот предупредува на фалсификат на резултатите од гласањето, но и опоменува за одговорноста којашто, кога и да е, ќе следи против сите кои ќе учествуваат во велепредавството на нацијата и државата! Ниту една тајна никогаш не останала неоткриена! Честа и достоинството немаат цена!
ЕУ и НАТО не се достојни за промена на името на државата и идентитетот на нацијата!
Македонците, по род и државјанство, во сите делови на Македонија, во татковината и во светот, Одлуката за распишување на референдум, донесена од Собранието на 30 јуни 2018 година, ја сметаат за ништовна и за најтешко кривично дело велепредавство!
Координативното тело против референдумот повикува на Семакедонска општонародна прослава на 30 септември од 19 часот пред Собранието на Република Македонија, за победа на демократијата и одбрана на името на државата и идентитетот на нацијата!
Тие што не можат да дојдат пред Собранието на Македонија, прославата нека ја одбележат пред советите на општините каде што живеат и пред дипломатско-конзуларните претставништва или црковните општини и клубските простории!
Македонците, по род и државјанство, во сите делови на Македонија, во татковината и во светот, бараат Владата да си поднесе оставка, Собранието да се распушти и да се организираат вонредни парламентарни избори.
