МАКЕДОНСКА ЗАЕДНИЦА ВО КАНАДА
МАКЕДОНЦИТЕ ВО КАНАДА ЈА ОТФРЛААТ НЕЗАКОНСКАТА ПРОМЕНА НА ИМЕТО НА ДРЖАВАТА МАКЕДОНИЈА!
5 март 2019 година, Торонто, Канада
– Владеењето на правото, демократијата, човековите права и почитувањето на волјата на народот се вредности од кои се раководат западните земји. За жал, овие вредности брутално се прекршени во процесот наметнат на Република Македонија, а со цел промена на името, идентитетот и историјата на Македонија и на Македонците во светот. Истото се однесува и во деловите на Македонија поделени во 1913 година помеѓу Србија/Југославија (сега суверена држава Македонија), Бугарија, Грција и Албанија.
Македонците не го прифаќаат бришењето на еден цел народ заради реализација на желбите на нашите угнетувани и задоволување на целите на западниот империјализам. Тоа е неприфатливо за секој кој тврди дека ги почитува човековите права!
Врз основа на ова, Македонската зедница во Канада ја утврди следната декларација:
(1) Се осудува секоја употреба на незаконски наметнатото име “Северна Македонија“ и расистичкото именување “Северни Македонци“ наместо Република Македонија и Македонци;
(2) Се отфрла употребата на актуелното државно знаме со 8-зрачно сонце, донесено по барање на најголемиот угнетувач на Македонците – Грција. Ова знаме ќе биде отстрането од сите македонски цркви и објекти и од сите македонски настани во Канада;
(3) Се отфрла секој обид за промена на името на Македонската Православна Црква, вклучувајќи ја замената на името на МПЦ со “Охридска Архиепископија“;
(4) Сите претставници на нелегалниот режимот на Зоран Заев се прогласуваат за непожелни persona non grata во Македонската заедница во Канада;
(5) Од меѓународната заедница се бара итна одбрана на името на државата Македонија и идентитетот на Македонскиот народ;
(6) Од македонските политичари се бара веднаш да престанат со било какви отстапки пред нашите угнетувачи; и
(7) Од македонските политичари се бара да ја спречат промената на името Македонија.
Не прифаќаме ништо друго освен почитувањето на нашето вековно македонско име, идентитет, етничка припадност и историја, и нема да толерираме никаков обид за нивно поткопување.
Нашето Име е Македонија!
Потписници на оваа декларација во моментот на нејзината објава по азбучен ред се: Андон Лазов Јанев Ќосето; Здружението на македонските деца бегалци од Егејскиот дел на Македонија; Добротворното здружение Баница, основано во 1911 година во Торонто; Леринското околиско македонско културно здружение во Канада; Македонскиот академски совет; Македонскиот хуманитарен детски фонд; Македонското меѓународно движење за човекови права; СНС Македониум – Торонто; Македонската православна црква “Свети Климент Охридски” во Торонто; Македонската Православна Црква “Свети Димитрија Солунски” во Маркам; Македонскиот православен манастир “Свети Илија” во Торонто; Македонската Православна Црква “Свети Наум” во Хамилтон; Македонската православна црква “Света Недела” во Ајакс; Организацијата Обединети Македонци во Канада; и Светскиот Македонски Конгрес – Канада. Листата на потписниците на оваа декларација ќе се ажурира, имајќи предвид дека македонските организации во Канада секојдневно пристапуваат кон нејзино потпишување.
Македонците во Канада – обединети во одбрана на нашето име Македонија!
