Едмунд Темелко, првиот градоначалник на Општина Пустец во Мала Преспа по падот на комунистичкиот режим во Албанија, заедно со својата мајка запали свеќи во храмот „Св. Петар и Павле“ во селото Зрноско.
Во тишината на православниот храм тие се помолија за здравје, за благослов на семејството, за душите на предците и за зачувување на македонскиот дух во Мала Преспа.
„Се помоливме за здравје и благослов на нашето семејство, за покој на душите на нашите предци, за силата на православната вера и за вечниот македонски дух што со векови нè одржал“, порача Темелко.
Тој истакна дека токму во тишината на храмот човек најсилно чувствува дека верата го поврзува со неговите корени, со дедовците и прадедовците, но и со идните поколенија.
„Секоја запалена свеќа е молитва, надеж и љубов кон Бога, кон нашите предци и кон Македонија.
Додека има молитва, ќе има надеж.
Додека има вера, ќе има Македонија.
Бог да нè благослови!“, порача Едмунд Темелко
