На прво место

Дрвошанов: Владата обезбеди стабилно функционирање на енергетскиот систем

Со конкретни мерки, нови инфраструктурни проекти и модернизација на пазарот на електрична енергија, Владата предводена од ВМРО-ДПМНЕ ја зајакнува енергетската сигурност на Македонија, истакна пратеникот Жан Дрвошанов.

За само две години Владата успеа да ја зачува сигурноста во снабдувањето со енергенси, да обезбеди едни од најниските цени на горивата во регионот, да спроведе значајни инфраструктурни проекти и да го модернизира пазарот на електрична енергија, изјави на прес-конференција пратеникот на ВМРО-ДПМНЕ, Жан Дрвошанов.

Според него, иако Македонија поминала низ една од најтешките енергетски кризи во Европа, граѓаните во ниту еден момент не останале без гориво, ниту се соочиле со ценовен шок.

„Тоа е резултат на навремени одлуки, добра координација и конкретни мерки со кои се обезбеди стабилно функционирање на целиот енергетски систем“, истакна Дрвошанов.

Тој посочи дека биле воспоставени ефикасни механизми за управување со кризни состојби, обезбеден бил стабилен увоз на горива, како и доволни домашни резерви на енергенси. Благодарение на тоа, снабдувањето на пазарот се одвивало непречено во текот на целиот кризен период.

Како особено значаен проект го издвои повторното ставање во функција на продуктоводот Солун–Скопје по цели 13 години.

„Станува збор за инфраструктурен проект од исклучително значење за сигурното и континуирано снабдување со нафтени деривати, како и за зајакнување на енергетската безбедност на државата“, нагласи Дрвошанов.

Во тек е и изградбата на гасната интерконекција со Грција, а активно се работи и на реализацијата на интерконекцијата со Србија. Со овие проекти, како што рече, Македонија добива нови алтернативни правци за снабдување со природен гас, што ќе донесе поголема енергетска независност, конкуренција и сигурност.

Во насока на усогласување со европските стандарди, донесена е нова Уредба за квалитетот на течните горива, целосно усогласена со законодавството на Европската Унија. Изработена е и Национална проценка на ризикот во снабдувањето со гас, додека во завршна фаза се Превентивниот план и Планот за кризни состојби во гасниот сектор.

Зајакнати се и механизмите за стратешки резерви и за сигурност во снабдувањето со нафтени деривати.

Паралелно со обезбедувањето стабилно снабдување со енергенси, Владата работела и на модернизација на пазарот на електрична енергија. Од јануари годинава, аукциите за прекуграничните преносни капацитети со Србија и Бугарија успешно се реализираат преку европската платформа ЈАО.

Националниот оператор на пазарот на електрична енергија, МЕМО, во мај годинава го пушти во употреба Интрадеј-пазарот, кој овозможува купување и продажба на електрична енергија во реално време и создава транспарентни ценовни сигнали за компаниите.

Според Дрвошанов, ова претставува клучен предуслов за целосна интеграција на македонскиот со европскиот пазар на електрична енергија. Паралелно се работи и на усогласување со Агенцијата за соработка на енергетските регулатори на Европската Унија – ACER, преку интеграција во системот SDAC.

Посебно внимание било посветено на заштитата на ранливите категории граѓани. Донесена е првата Методологија за мерење на енергетската сиромаштија во државата, со што првпат се воспоставува системски пристап при креирањето политики за поддршка.

Доделени се повеќе од 4.000 ваучери за набавка на инвертер клима-уреди за ранливите домаќинства, а обезбедени се и 148,8 милиони денари директна финансиска поддршка за ранливите потрошувачи.

„Ова не е крај на реформите, туку цврста основа врз која ќе продолжиме да градиме уште посилен, посигурен и поконкурентен енергетски сектор. Владата останува посветена на политиките што носат стабилност, инвестиции, европска интеграција и повисок животен стандард за граѓаните“, порача Дрвошанов.

Тој нагласи дека Владата ќе продолжи со иста енергија, одговорност и посветеност, бидејќи постигнатите резултати покажуваат дека државата се движи по вистинскиот пат.

Најново од: На прво место

35 години од првиот Устав на независна Македонија

На 17 ноември 1991 година, Собранието го усвоил првиот Устав на независна Република Македонија со 92 гласа „за“ и 22 „против“. Со Уставот, донесен по референдумот за независност од 8 септември 1991 година, биле утврдени државното уредување, основните права и слободи на граѓаните и поделбата на власта на законодавна, извршна и судска. Референдумската одлука за […]

Амбасадорите на Вишеградската група со порака од Скопје: Македонија има сојузници на патот кон ЕУ

Во заедничкиот текст по повод 17 ноември, амбасадорите на Словачка, Чешка, Полска и Унгарија ја поврзуваат 35-годишнината од донесувањето на Уставот на независна Македонија со демократските промени во Централна Европа во 1989 година. Словачка, Чешка, Полска и Унгарија остануваат поддржувачи на европската интеграција на Македонија и застапници на нејзиното членство во Европската Унија. Ова е […]

ВМРО-ДПМНЕ бара одговори од Филипче и СДС за влезот на Алта банка

Филипче и СДС се во политички ќорсокак, фактите и документите за Алта Банка ги демаскираа лагите затоа сега се кријат и бегаат од одговори Кога фактите и документите за Алта банка излегоа на површина Филипче и СДС се кријат и бегаат од одговорност. Откако со месеци ја користеа Алта банка за ширење политичка паника, Филипче […]

Вајц ја гледа Македонија меѓу предводниците во преговорите со ЕУ

Во обраќањето пред Собранието, европратеникот ја нагласи важноста на доследната примена на законите за привлекување инвестиции и на изборот на стручни кадри за враќање на довербата во институциите. Томас Вајц, Македонија, Европска Унија, пристапни преговори, блокади од Бугарија, владеење на правото, парламентарен надзор, борба против корупцијата, избор на раководни кадри, доверба во институциите Македонија, со […]

Мицкоски од Брисел – проширувањето на ЕУ мора да се темели на заслуги, реформи и резултати

Премиерот Христијан Мицкоски денеска во Брисел порача дека проширувањето на Европската Унија треба да се темели на заслугите на земјите кандидати, на спроведените реформи и на конкретните резултати. Тој се обрати на Форумот за проширување на ЕУ („EU Enlargement Forum 2026“), во организација на Европската комисија. Мицкоски истакна дека Македонија е посветена на спроведувањето на […]

До кога ќе бидат исклучени микрофоните на Бихаќка?

На Бихаќка, по неколку месеци силен тон за Алта банка, микрофоните одеднаш стивнаа. Штета, токму кога публиката почна да поставува прашања. А првото беше сосема едноставно. Кој прв ја отворил вратата за Давор Мацура да купи акции во Македонија? Според Манасиевски од ВМРО-ДПМНЕ, одговорот води до времето кога СДС беше на власт. Ако е така, […]

Политичари пазарџии

Реформаторската иницијатива „12:05“ во СДС во денешното соопштение упати остра критика за измените на Кривичниот законик донесени во 2023 година, кога партијата беше на власт. Според иницијативата, со тие измени се отвори пат за побрзо застарување на предметите за политичка корупција. „Нема никаква дилема дека со скандалозните измени на Кривичниот законик од 2023-та дел од […]

Вистината е како шило – понекогаш доцни, но секогаш излегува на површина

Доказ за „демократијата“ во Бугарија, членка на ЕУ? Во аудиоснимките што ги објави бугарскиот новинар Станислав Цанов, Ива Михаилова зборува за притисок од бугарската служба ДАНС и за закани дека ќе ѝ биде ускратена рехабилитацијата. Случајот на Ива Михаилова, кој дел од бугарските политичари и медиуми го претставуваа како пример за дискриминација во Македонија, сега […]

To top