„Македонска нација“ е основана во 1971 година како печатено издание во Минхен, Германија, со главен уредник Драган Богдановски.
Од 2009 година „Македонска нација“ продолжува да живее како интернет-портал, со главен уредник Манојил – Мане Јаковлески.
Порталот „Македонска нација“ е посветен на Македонија, неговата историја, култура, јазик, традиција и национален идентитет. Нашата мисија е да ја истражуваме и објавуваме вистината за Македонија, да го чуваме историското паметење и да информираме за актуелните општествени случувања во татковината и во македонската дијаспора.
„Македонска нација“ е широка национална трибуна, отворена за секој Македонец и секоја Македонка што сакаат да придонесат за доброто и иднината на својата нација. На македонската национална кауза може да ѝ служи секој чесен човек, без разлика на неговите филозофски погледи, идеолошки убедувања или партиска припадност.
Нашиот завет
Годините се менуваат, но некои болки остануваат. И во современа, демократска Европа, Македонците се соочуваат со оспорувања на својот идентитет, со обиди за прекројување на историјата и со занемарување на фактите.
Ние знаеме кои сме. Македонци сме и имаме право слободно и достоинствено да зборуваме за себе, за своето минато и за својата иднина.
Затоа постои „Македонска нација“ – да отвора простор за македонскиот збор, да истражува неправди и премолчувани настани и да објавува сведоштва и документи што заслужуваат да стигнат до јавноста.
Нашиот портал е место каде што треба да се чуе гласот на Македонците во Република Македонија, во дијаспората, во Егејска и Пиринска Македонија, како и во Мала Преспа, Голо Брдо, Гора и насекаде каде што се чуваат македонското име, јазик и традиција.
Веруваме дека мислата мора да биде слободна, вистината достапна, а татковината сочувана за идните поколенија. Нашата обврска е да придонесуваме со збор, знаење и дело – за да опстоиме како народ и достоинствено да им ја предадеме Македонија на нашите деца и внуци.
Македонија вечна! Амин!
============================
Уредувачка политика
„Македонска нација“ се залага за зачувување и афирмација на македонската историја, култура, јазик и национален идентитет, за негување на врските со Македонците ширум светот и за отворање простор за информирање, истражување, аргументирана дебата и слободно изразување.
Авторските текстови, колумни и коментари ги изразуваат ставовите на нивните автори и не мора да се совпаѓаат со ставовите на редакцијата.
Повик за соработка
Упатуваме отворен повик до сите што сакаат да соработуваат со „Македонска нација“: испраќајте авторски текстови, досиеја, историски документи, сведоштва, размислувања и информации поврзани со Македонија и со животот на Македонците ширум светот.
Вашиот глас е важен. Заедно да создаваме силна и достоинствена национална трибуна.
Вашите прилози можете да ги испраќате на: makedonskanacija@gmail.com
Уредништво
Главен уредник:
Манојил – Мане Јаковлески
Технички уредник:
Дејан Донев
Дописници и соработници
- Ламбе Арнаудов
- Љилјана Мизрахи
- Александар Донски
- Гордана Димовска
- Александар Џеповски
- Славе Николовски-Катин
- Тихомир Каранфилов
- Едмонд Темелко
- Виктор Бивели
- Ристо Стефов
- Душан Ристевски
- Ацо Крстески
- Иван Трповски
- Марија Воденска
- Марија Кукубајска
- Рубинчо Видое Јованоски
- Саво Костадиновски
- Томе Велјановски
- Бурак Кечаи
- Трајче Т. Трајковски
- Весна Атанасовска
- Зоран Петров
- Фиданка Танаскова
Издавач и контакт
Издавач: СТАТЕР КОНСАЛТИНГ ДООЕЛ Скопје
Електронска пошта: makedonskanacija@gmail.com
Веб-страница: mn.mk
Авторски права
Содржините објавени на порталот „Македонска нација“ се заштитени со авторски права, освен кога е поинаку наведено.
Преземањето и повторното објавување содржини е дозволено во согласност со важечките прописи, со соодветно наведување на авторот и изворот: „Македонска нација“ – mn.mk.
