По повод јубилејната 35-годишнина од Денот на независноста на Македонија, потврдена со референдумот од 1991 година, најпознатиот симбол и препознатлива икона на Брисел – статуетката „Манекен Пис“ – на 8 Септември, за првпат во историјата, беше облечена во македонска народна носија. Станува збор за традиционална машка носија од селото Кучевиште, во Скопска Црна Гора.
И тоа не беше само облекување на една мала бронзена статуетка. Тоа беше потврда и промоција на една национална историја, на култура што преживеала векови, на јазик што не престанал да зборува, на име што не исчезнало и на народ што, колку и да било тешко, останувал свој.
Токму на денот кога се одбележуваше 8 Септември – Денот на македонската државност – во срцето на Брисел се случи настан можеби мал по своите димензии, но огромен по своето значење.
Светски познатата статуетка од Брисел, „Манекен Пис“, проговори на македонски јазик – и тоа без зборови
По повод јубилејната 35-годишнина од Денот на независноста на Македонија, потврдена со референдумот од 1991 година, најпознатиот симбол и препознатлива икона на Брисел – статуетката „Манекен Пис“ – на 8 Септември, за првпат во историјата, беше облечена во македонска народна носија. Станува збор за традиционална машка носија од селото Кучевиште, во Скопска Црна Гора.
И тоа не беше само облекување на една мала бронзена статуетка. Тоа беше потврда и промоција на една национална историја, на култура што преживеала векови, на јазик што не престанал да зборува, на име што не исчезнало и на народ што, колку и да било тешко, останувал свој.
Пред очите на Брисел и на цела Европа, македонската песна одекна преку звуците на македонската химна
Македонската носија помина низ улиците на европската престолнина во свечена процесија, меѓу луѓето и институциите, не како музејски експонат, туку како жива култура.
Токму затоа оваа слика ќе остане да живее многу подолго од еден ден. Зашто Македонија не бараше дозвола да биде Македонија. Не бараше ничие одобрение за својот јазик. Не се откажуваше од своето наследство. Не ги менуваше своите симболи за да биде прифатена. Не се откажуваше од себе за да влезе во Европа.
Само дојде. Со својата песна. Со својата носија. Со своето име. И застана исправена.
Од Македонија до Брисел
Македонија, на својот голем празник – Третиот Илинден – со љубов го освои срцето на Европа. Носија од едно мало македонско село стигна до еден од најпознатите европски симболи.
И повторно, на еден значаен датум и јубилеј – 8 Септември – Македонија доби можеби необично, но навистина моќно сведоштво за својата историја: малото бриселско бронзено момче облечено во македонска народна носија.
Мало по својата става, но големо по пораката.
Македонија постои! Македонија памети! Македонија слави! Македонија игра, пее и се радува! Македонија не се предава!
Извор: „Нова Македонија“ – Н.М.
Прочитајте го изворниот текст
