Само што се израдуваа на веста дека Вучич изгубил на изборите во Србија, шокантна вест за Филипче и СДС: Вашингтон размислува, Москва и Пекинг можеби би поддржале, Орбан сè уште одмерува — само уште да се провери дали Филипче ќе дозволи!
Според „Џерузалем пост“, кој се повикува на извори од три земји, администрацијата на американскиот претседател Доналд Трамп го охрабрила поранешниот унгарски премиер Виктор Орбан да влезе во трката за генерален секретар на Обединетите нации. Според истите наводи, Вашингтон проценува дека би можел да добие поддршка и од Русија и од Кина. Орбан покажал интерес, но сè уште не донел конечна одлука за кандидатура.
Тука почнува проблемот за Филипче и СДС: ако големите сили најдат заеднички јазик, ќе остане најтешката дипломатска пречка — согласноста од Филипче и СДС.
Замислете ја сцената: во Њујорк се пребројуваат гласовите, дипломатите преговараат, телефоните ѕвонат, а од Скопје пристигнува итна порака: „Почекајте со изборот, подготвуваме прес-конференција!“
Вашингтон би можел да ја објаснува својата стратегија, Москва своите интереси, Пекинг својата проценка. Партискиот штаб на СДС би имал пократко образложение: „Не може. Не ни се вклопува во соопштението.“
Ако прес-конференцијата не помогне, останува најсилното оружје: уште една прес-конференција. Овојпат со поголем наслов. А дотогаш, во Советот за безбедност на СДС, седницата може да почне.
Трамп може да предлага, Орбан може да размислува — Филипче барем има право да закаже прес-конференција.
