Ставот на Венко Филипче и СДС околу бугарските условувања сè повеќе отвора прашања во јавноста. Зошто македонска партија толку упорно инсистира на прифаќање на услови кои голем дел од граѓаните ги сметаат за спротивни на националните интереси на Македонија?
Она што јавноста го гледа е дека наместо да се застане зад државните позиции, Филипче и СДС практично ја повторуваат логиката на бугарската страна: Македонија да прифати, Македонија да попушти, Македонија да плати политичка цена.
Филипче е меѓу најгласните политичари во одбрана на бугарските позиции во Македонија. Неговите ставови околу уставните измени и прифаќањето на бугарските барања целосно се поклопуваат со позициите на официјална Софија и политиките што ги промовира бугарскиот претседател Румен Радев.
За СДС и Филипче очигледно не претставува проблем ниту терминологијата што ја наметнува Бугарија, ниту постојаните удари врз македонскиот идентитет, јазик и историски континуитет, само за повторно да се доближат до власт.
Дали станува збор за политичка пресметка со Владата, за обид СДС повторно да се претстави како „единствен европски фактор“, или за продолжување на истата политика на отстапки која со години ја туркаше Македонија во позиција на постојани уцени?
Македонскиот народ нема да прифати нови бланко договори, нови отстапки и ново разнебитување на националниот идентитет. Државните и националните интереси мора да бидат над политичките калкулации на СДС и нивното политичко наследство.
Прашањето е едноставно: ако некоја политика е спротивна на волјата на мнозинството граѓани и ја слабее позицијата на Македонија, тогаш во чиј интерес се води таквата политика?
Зошто Венко Филипче толку упорно ги брани и промовира бугарските позиции во Македонија и од каде доаѓа потребата постојано да се туркаат политики што јавноста ги доживува како штетни за македонските национални интереси?
Со што е толку уценет и исплашен Венко Филипче од бугарските политички центри, па толку упорно ги промовира нивните ставови во Македонија и зошто постојано инсистира на политики што голем дел од јавноста ги доживува како спротивни на македонските национални интереси?
И за крај, историјата не може да се избрише ниту сокрие. Порано или подоцна, вистината секогаш излегува на површина, без разлика колку некој се обидува да ја прикрие.
