Почина Мартин Треневски, истакнат македонски новинар, дипломат и политичар, кој остави значаен белег во јавниот и државниот живот на Македонија.
Во периодот на осамостојувањето на Македонија, Треневски станал член и активист на ВМРО-ДПМНЕ, а потоа беше министер за информации во првата македонска влада. Подоцна ја извршуваше и функцијата министер за иселеништво.
Како дипломат беше амбасадор на Македонија во Шведска, Норвешка, Финска, Естонија и при НАТО, а ја извршуваше и должноста генерален конзул во Торонто.
Својата професионална кариера ја започна како новинар и дописник на ТАНЈУГ од Австралија и Јужниот Пацифик, каде активно ја следеше македонската дијаспора. Беше автор и на повеќе публицистички дела и добитник на повеќе признанија за својот професионален ангажман.
Веста за неговата смрт ја соопшти неговото семејство.
Порталот „Македонска нација“ изразува искрено сочувство до семејството, пријателите и сите кои го познаваа и соработуваа со Мартин Треневски.
Нека почива во мир.
Погребот ќе биде утре-среда на градските гробишта во Бутел во 13.00 часот.
