Опозициските партии не се за реформи, туку за политичка блокада и создавање алиби поради страв од изборен пораз
СДС, Левица и ДУИ уште еднаш покажаа дека не сакаат нов Изборен законик, туку продолжување на политичките блокади.
Иако со месеци учествуваа во разговорите и во усогласувањето на текстот, во моментот кога требаше да се постигне конечен договор, тие се повлекоа и го урнаа целиот процес.
По четири месеци преговори во Собранието, претседателот на СДС, Венко Филипче, најде нов изговор и дури сега се сети дека му биле потребни дополнителни експерти.
Станува сè појасно дека блокадата на Изборниот законик е заеднички проект на СДС, Левица и ДУИ. Трите опозициски партии се обидуваат да си обезбедат политичко алиби поради падот на поддршката кај граѓаните и стравот од нов изборен пораз.
Наместо да поддржат реформи, подобрување на изборниот процес и олеснување на остварувањето на уставно загарантираното право на глас на македонската дијаспора, тие избираат блокади, одолговлекување и создавање конфузија во јавноста.
ВМРО-ДПМНЕ останува подготвена веднаш да прифати договор меѓу опозициските партии, доколку тоа овозможи конечно усвојување на измените и олеснување на гласањето на дијаспората.
Доколку Македонија продолжи да спроведува избори според стариот Изборен законик, целосната политичка одговорност ќе биде на СДС, Левица и ДУИ.
