Коментари

Треба да се спречи поткопувањето на темелите на македонската држава


Свекрва

Следејќи го делувањето на раководството на СДСМ од осамостојувањето до денес се стекнува впечаток дека оваа партија работи против интересите на македонскиот народ и македонската држава. Само да се потсетиме дека на самиот почеток од осамостојувањето на Македонија тогашната СКМ – ПДП (денешната СДСМ) условуваше дека нема да гласа за Декларацијата за сувереност на Македонија, најважниот документ пред прогласување на независност, доколку ВМРО ДПМНЕ не го прифати Киро Глигоров за претседател на Македонија!

Декларацијата за сувереност на Македонија беше двапати одбивана од социјалдемократите пред да се случи политички компромис и истата да биде едногласно прифатена на 25 јануари 1991 година, а на 27 јануари Глигоров беше избран за претседателот. Истите тие, кои тогаш отворено беа против сувереноста на Македонија, денес со своето однесување повторно работаат заедно со надворешен фактор на рушење на суверенитетот на земјата. Според договорот од Пржино без пардон се крши Уставот и Законите на земјата со што суверенитетот е доведен во прашање.

СДСМ сега директно се насочува против македонската дијаспора која има огромен придонес за осамостојувањето на земјата и е еден од виталните столбови на македонскиот суверенитет. Со остранување на правото на дијаспората да гласа, социјалдемократите и албанскиот политички фактор, ќе го исполнат договорот на своите налогодавачи. Тие ќе го скршат последниот отпор на македонскиот народ и ќе вметнат такви дефектни решенија, како што беа Рамковниот договор и територијалната поделба, што ќе доведат до федерализација и поделба на земјата. Односно решенија со кои Македонија во иднина може да исчезне од географската карта.

Неодамнешната изјава на сдсмовската перјаница Љубомир Фрчковски дека треба да имаме Албанец за премиер, преставува врв на лицемерието на СДСМ и говори до каде одат челниците на опозицијата заради личните интереси и во одработувањето на странските агенди. Речиси 25 години, СДСМ континуирано работи против интересите на македонскиот народ и држава и никогаш не застанал во нивна одбрана.

Политичката активност на СДСМ во последните години која доведе до политичка криза во Македонија и која резултира со договорот од Пржино, ќе ги наведе меѓудругото четирите најголеми партии повторно во присуство на странци да преговараат за правото на глас на македонските граѓани надвор од Републиката и бројот на пратеници во Собранието. Гласањето на дијаспората до последен момент остана најспорно прашање пред работната група.

Нелегитимниот и недемократски процес, длабоко ќе ја загрижат македонската дијаспора, која историски гледано, има значаен придонес за меѓународниот углед и економскиот развој на државата. Оттука, Македонците од дијаспората со право реагираат, укажувајќи дека секое игнорирање и занемарување на интересите на македонската дијаспора не е во интерес на македонската држава, туку дека се работи за теснопартиски интереси. Истовремено тие посочуваат дека таквите лидери немаат политичка иднина.

Според Обединетата македонска дијаспора, Македонија без Македонците од дијаспората нема да има темелен просперитет. Во тој контекст таа ги повика партиите и пратениците во Собранието да не биде занемарен и игнориран гласот на дијаспората, а за  таа цел да го разгледаат искуството на Холандија и Естонија. Како што велат „најавите за укинување на гласот на граѓаните кој живеат надвор од Републиката не се државнички интерес и одразува политичка незрелост“.

Но, да беа лидерите на СДСМ зрели и озбилни политичари, немаше ни да дојде до ова што денес се случува, ниту пак да размислува за суспендирање на гласот на дијаспората, само заради тоа што таа традиционално гласа за ВМРО ДПМНЕ.  

Иако СДСМ јавно и дава поддршка за дијаспората да гласа, јасно е дека опозицијата со поддршка на албанскиот блок, сака по секоја цена да се суспендира дијаспората. Меѓутоа ниту македонскиот народ во земјата, ниту македонската дијаспора која испраќа огромни средства во татковината не го заслужува ова.

Голема неправда би била направена ако им се одземе правото на гласање на македонската дијаспора и ако се дозволи на опозицијата заради лични теснопартиски и надворешни интереси да го наруши суверенитетот и да ги поткопа темелите на македонската државност.

Претставниците на ВМРО-ДПМНЕ треба да направат се за да се спречи ова лудило, оваа политичка агенда на опозицијата предводена од СДСМ и насочена против македонскиот народ и држава.

Најново од: Коментари

Што предвидела Баба Ванѓа за еконимски напредок на Македонија?

Баба Ванѓа (Ванѓелија Гуштерова), позната како „балканскиот Нострадамус“, е родена во Струмица во 1911 година, но поголемиот дел од својот живот го поминала во Петрич, каде што стекнала светска слава. Според едно раскажување што ѝ се припишува на Баба Ванѓа, Македонија ќе има финансиски тешкотии сè додека повторно не проработи рудникот „Алшар“ на планината Кожуф. […]

Непокорниот дух на Македонците – до кога ќе ги трпиме неправдите?

Македонија преживеала војни, поделби и туѓи владеења. Низ сите тие премрежија, Македонците го зачувале својот јазик и култура и изградиле своја држава. Секогаш кога ќе се спомене таа издржливост, се наметнува едно прашање. До кога од нас ќе се очекува да трпиме неправди и да правиме отстапки за прашања што го засегаат нашиот идентитет? Еден […]

Името Македонија од античките записи до уставните измени

Сребрена тетрадрахма од Амфипол со натпис „ΜΑΚΕΔΟΝΩΝ“ („на Македонците“), 158–150 година пред нашата ера. Музеј на уметност во Кливленд.   Името Македонија е запишано уште во V век пред нашата ера. Од Херодот и библискиот повик до апостол Павле, преку старите карти и делото на Мисирков, до Уставот од 17 ноември 1991 година. Меѓу најстарите […]

Пресказание на Голем Александр (Александар Македонски)

Во Венеција во 1845 година јеромонахот Атанас Македонец го објавил „Пресказание на Голем Александр“ (Александар Македонски), пренесувајќи старо претскажување што, според прологот на книгата, било пронајдено при ископување во Вавилон, во златна кутија, а потоа преведувано на повеќе јазици. Возбудливо видение што му се припишува на Александар Македонски. Текстот е подолг, но вреди да се […]

Уште колку ЕУ ќе нè тапка по рамо?

Европската идеја има смисла ако ги зближува народите и го почитува нивното достоинство. Македонија заслужува јасен и праведен пат до членство, по кој ќе оди со реформи и со зачуван македонски идентитет. За идеите во минатото се гинело, а за нив се гине и денес. Тие ги движат луѓето, ги обединуваат народите и го менуваат […]

Филипче, рејтингот на СДС не се крева со сирена за тревога

Дали Филипче навистина мисли дека патот до повисок рејтинг води преку повисок притисок кај граѓаните? Дека секоја вознемирена фамилија е потенцијален глас, секој исплашен пензионер — политичка добивка, а секој загрижен штедач — публика за следниот настап? СДС на чело со Филипче остава впечаток дека отвори дежурна служба за најавување пропаст. Телефонот постојано ѕвони, сирената […]

За овој настан Македонија нема да бара од Бугарија заедничко историско чествување

На 11 септември 1995 година, на аеродромот кај Штрклево, близу Русе, се собрале околу 3.000 илјади луѓе за да пречекаат вонземјани.  Според архивскиот весникарски напис, околу 3.000 луѓе пристигнале од Варна, Разград, Русе и околните села. Поводот бил најавата дека точно во 11 часот ќе слетаат посетители од наводната планета Криси за да и помогнат […]

Да се препознаеме по човечноста

„Ако чувствуваш болка, жив си. Ако чувствуваш туѓа болка, тогаш си човек.“ – рекол Лав Толстој Сфаќањето и практиката на хуманоста во светот денес се наоѓаат на важна крстосница. Глобално гледано, на хуманоста се гледа низ призмата на зголемена емпатија и поврзаност, но и низ сериозни предизвици наметнати од модерното секојдневие, технологијата и кризите. Технологијата […]

To top