Лазе Наумов
Здружението на воените инвалиди од 2001 подготвува одржување на панихида на загинатите бранители од конфликтот во 2001 во етно село Св ЈОАКИМ ОСОГОВСКИ во Крива Паланка на 25 февруари 2017 година,со почеток од 12.00 часот.
На панихидата ќе бидат поканети наши членови, високи претставници од идната влада на Република Македонија, од кабинетот на Претседателот на Република Македонија, од дипломатија,претседателите од сите политички партии на Република Македонија,свештенството на МПЦ ОА,Здруженија.
На панихидата секој граѓанин кој што сака да запали свеќа за погинатите јунаци од 2001 година и секако новинарите се добродојдени.
Ве очекуваме во што поголем број…едноставно “Некои дадоа по нешто…А НЕКОИ ДАДОА СЕ“…ДА ЖИВЕЕ РЕПУБЛИКА Македонија…
Причината зошто сега па одговорот е јасен, на денот прочка за прв пат е почнат воениот пир, терористички групи од Косово го запоседнаа Танушевци, брест и малино маало, тука се наоѓа најважната точка од воен аспект за одбрана на главниот град Скопје а тоа е Кодра фура.
На 5 март 2001 загинаа тројца припадници на безбедносните сили на Република Македонија од АРМ, од таа прва пролеана крв се знаеше почетокот на пеколот, до потпишувањето на рамковниот договор кој беше под закана однадвор да биде потпишан на зелена маса иако на бојно поле никаде не загубивме.
Се случи да згаснат многу млади животи од Полицијата и Армијата на нашата земја и заради нив, мора да дадеме иницијатива кога ќе има ден кога ќе се одбележи нивното погибие и да им дадеме почит која би прераснала под покровителство на претседателот на Република Македонија во содејство со сите нас бранителите и воените инвалиди од 2001 кои сеуште ги трпат последиците од злото кое не снајде во таа кобна 2001 година…
Панихидата е за нив за нашите соборци кои лично ги познававме и не можеме да ги заборавиме…
Едноставно кажано идните генерации да имаат патоказ како да си ја сакаат својата земја и зошто треба да имаат морал и високи стремежи кон сочувување на слободата на својата земја…
СЕ ЗА МАКЕДОНИЈА. АМИН!
