Настанот започна со рецитација на поемата Проштевање од Кочо Рацин а во изведба на Дона Д. Кантаровска. Осврт за значењето на поезијата даде Гордана Димовска а потоа следуваше читање од страна на другите членови на друштвото: Стеван Ацески, Верка Горгиевска, Дона Димовска Кантаровска која за првпат се претстави со своја авторска поема, Љупчо Столески (поезија по избор), Весна Дамчевска избор поезија од Славко Крстевски и други наши македонски автори. Се отстапи простор и за промовирање на книгите на Лидија Дочовска Павловска: Солзите на Преспана, Така љубеше Косара и Крикот на пеликанот чиј промотор беше Сашка Ставрески а дел од нејзината поезија читаше Гордана Димовска и Дона Д. Кантаровска.
Друштвото ќе продолжи ативно да работи на полето на литературата и афирмирањето на македонскиот пишан збор во Австралија.
“Поезијата е најстара уметничка форма и е дел од секое поголемо уметничко движење, а некои велат дека ја зафаќа емоцијата подобро од која било друга форма. Читањето на поезија е неопходно за да се добие целосно разбирање за светот и има многу дополнителни бенефиции. Поезијата ги нуди овие придобивки на мошне влијателен начин. Поезијата ги поттикнува спомените и емоциите кај своите читатели, може слободно да навлезе во делови од историјата и да го долови во најубаво светло во денешно време.”
Македонска нација
