Знам за кој човек станува збор и до ден-денес немам лошо мислење за него. Во тогашните околности морал нешто да каже, бидејќи во спротивно можела да му биде одземена патната исправа.
СЛУЖБЕНА БЕЛЕШКА
I – Разговорот со [ПРЕЦРТАНО] е обавен на 18:05.1978 год. во СМ „Ѓорче Петров“.
II – Целта на разговорот беше да се добијат сознанија за Гојко и Мане Јаковлески од Берлин, како и други сознанија во склоп на [ПРЕЦРТАНО].
III – Добиени сознанија: По занимање сум столар. Во 1972 година преку Заводот за вработување заминав на привремена работа во СР Германија. Во почетокот работев по струката во градот Порт Марингберг. По истекот на договорот отидов да работам во Западен Берлин, каде што беше мојот хххх ххххххх ххххххх. Пред да отидам во Берлин, брат ми работеше како келнер кај Гојко Јаковлевски. Но по некое недоразбирање со Гојко беше истеран и сега работи во друга фирма за одржување на ленти за снимање и ленти за машини за пишување. Јас работам како столар во фирмата „Ладенбау-Куплинг“ на изработка на излози за златарски работи.
Во Берлин се запознав со повеќе наши кои се на времена работа. Се знам и со Гојко и Мане Јаковлески. Посебно со Мане сум во добри пријателски односи и почесто се видуваме. Се познавам и со скоро сите фудбалери кои што играат за фудбалскиот клуб „Линден“ и тоа: Санде од Струмичко, Лојче, Живко-Жабата од Скопје, „Личното“ од Охридско, а повремено играат Гојко и Мане. Моментално не се сеќавам за имињата на останатите фудбалери но по моето враќање во Берлин ќе ви испратам список на сите со генералии.
Пред извесно време Гојко набавил дресови на кои имаше амблеми со карта на Македонија со трите дела Вардар, Егеј и Пирин. Но им забранија да настапуваат со нив.
Што се однесува до Гојко и Мане знаев дека имаат некои причини што неможеле да се вратат во СФРЈ но што и какви незнаев. Ги знам како големи патриоти и се мислев дека преку тој патриотизам и блискост со луѓето настојуваат да си створат услови за враќање во земјата. Јас по се изгледа ќе бидам отпуштен од работа бидејќи каснам и највероватно ќе одам да работам кај Гојко во кафеаната „Ново Скопје“ или на Мане во „Македонија“.
IV – [ПРЕЦРТАНО] сам се пријави за разговор од причина што имал намера да бара некаква помош поради што му е срушена куќа во изградба на новоселски пат во Ѓорче. Куќата ја почнал да ја гради без градежна дозвола а и купил земјиште кое е урбанизирано. Во разговор беше советуван од наша страна да покрене постапка против лицето од кое што го купил земјиштето, и да си поднесе молба за добивање на локација и градежна дозвола во СО Карпош во Скопје.
[ПРЕЦРТАНО] што се однесува за времето поминато во Берлин и неговите запазувања и контакти беше опширен во искажувањето. Му беше објаснета платформата на ДООМ – како и активноста на Гојко и Мане. По ова [ПРЕЦРТАНО] сам се понуди да ни презентира сознанија за Гојко и Мане како и други лица од нивна средина.
Поради неговата реална можност за презентирања на сознанија а која му се пружа со евентуалното вработување кај Гојко и Мане а посебно блискоста со Мане [ПРЕЦРТАНО] а ангажиран за соработка со СДБ при тоа му се дадени и одредени задачи. Контактите ќе бидат одржувани преку преписка а за поитни случаеви се јавува телефонски.
ДОСТАВЕНО ДО:
– Началник на УСДБ
– Началник на II сектор
– Началник на IV сектор
ИНСПЕКТОР,
[ПРЕЦРТАНО]
