СВЕТСКИ МАКЕДОНСКИ КОНГРЕС
БАРАЊЕ ДО ПРЕТСЕДАТЕЛОТ НА РЕПУБЛИКАТА ЗА БЕЗУСЛОВЕН КРАЈ НА РАЗГОВОРИТЕ ЗА РАЗЛИКАТА ЗА ИМЕТО МАКЕДОНИЈА СО ВЛАДАТА ВО АТИНА!
– Светскиот Македонски Конгрес (СМК) барањата на Европската Комисија за формирање на Влада со закани за санкции, ги смета за грубо мешање во внатрешните работи на Македонија спротивно на меѓународното право за еднаква сувереност што подразбира немешање во внатрешните работи на суверените држави во светот и почитување на нивниот територијален интегритет. Македонија не е ниту меѓународен протекторат, ниту територија на Брисел и Стразбур!
СМК од претседателот на Република Македонија бара веднаш и безусловно да го извести генералниот секретар на Обединетите Нации дека Македонија се заблагодарува на асистенцијата на специјалниот пратеник Метју Нимиц за разговорите за разликата за името со Владата во Атина и нив ги смета за завршени!
Истовремено, имајќи предвид дека секој обид за дестабилизација и контролирана нестабилност на Македонија започнува и завршува со рекомпонирање на власта и редефинирање на државноста заради промена на името на државата и идентитетот на нацијата, СМК бара претседателот на Република Македонија да поднесе предлог Резолуција до есенското заседание на Генералното Собрание, дека Македонија го продолжува членството во Обединетите Нации и во сите меѓународни организации под нејзиното единствено име Македонија, со можност за употреба на уставната додавка Република како јасна разлика од истоимената северна провинција на Грција и југо-западна провинција на Бугарија, без латинична транскрипција на Македонскиот јазик туку на Англиски јазик “Republic of Macedonia” со меѓународниот код МК односно МКД и нотификација на Македонскиот народ и Македонскиот јазик, независно од историските хипотеки – окупацијата врз Македонија од Балканските војни 1912-1913 и геноцидот врз Македонскиот народ кој се’ уште трае.
Македонците во светот го отфрлаат пристапувањето на државата Македонија во сојуз со Европската Унија и НАТО поради антимакедонизмот на Бугарија и Грција, бугарскиот и грчкиот геноцид врз Македонскиот народ и наци-фашистичките барања на Грција за промена на името на државата Македонија и на Бугарија за промена на историјата на Македонскиот народ, како вредност за солидарност на Брисел и Стразбур со Софија и Атина.
Европската Унија и НАТО не се достојни за промена на името на државата и идентитетот на нацијата!
СМК смета дека Македонија треба да гради политики на неутрална држава надвор од воени сојузи и на активен мултилатерализам – од пријатели никогаш доста, што подазбира, Македонија нема вечни пријатели, Македонија нема вечни непријатели, Македонија има вечни интереси: името на државата, идентитетот на нацијата, богата, силна и безбедна држава, и здрави, богати, среќни и достојни Македонци!
