СВЕТСКИ МАКЕДОНСКИ КОНГРЕС
МАКЕДОНЦИТЕ ОТФРЛААТ ЗАКОН ЗА ДВОЈАЗИЧНОСТ!
15 ноември 2017 година, Скопје, Македонија
– Македонците со индигнација го отфрлаат гласањето на пратениците “за“ предлогот за донесување на Законот за употреба на јазиците со Предлог на Закон.
СМК бара институциите на власта да го испочитуваат амандманот V на членот 7 од Уставот, дека “на целата територија во Република Македонија и во нејзините меѓународни односи службен јазик е македонскиот јазик и неговото кирилско писмо!“
СМК и натаму бара Владата да го повлече предлог-Законот за употреба на јазиците од собраниска процедура поради претходна стручна и научна дебата, и решение во согласност со Уставот.
СМК смета дека предлог-Законот за употреба на јазиците е неуставен бидејќи врши флагрантно кршење на јазичните права утврдени во членот 7 од Уставот и е во спротивност со Охридскиот рамковен договор.
СМК укажува дека предлог-Законот за употреба на јазиците не е европски, ги руши унитарноста и територијалниот интегритет на државата, ја гетоизира албанската заедница, ги дискриминира помалите етнички заедници, ја дестабилизира земјата, и врши мајоризација на малцинството врз мнозинството!
СМК потсетува дека предлог-Законот за употреба на јазиците е во спротивност со доверениот маднат за состав на Влада и изјавата на мандатарот сега премиер дадена пред претседателот на Републиката на 16 мај 2017 година!
СМК го повикува претседателот на Републиката да не го потпише указот за прогласување на Законот за употребата на јазиците доколку биде донесен!
СМК повторува дека Претседателот на Републиката има апсолутно суспензивно право на сите закони што ќе ги донесе Собранието по предлог на Владата во спротивност со изјавата на мандатарот сега премиер дадена пред претседателот на Републиката на 16 мај 2017 година!
Ниту една власт не е достојна за дезинтеграција на државата и суспензија на суверенитетот!
