На 21 јануар-недела во 11 часот во с. Велмевци-Кичевско, ќе се одржи панихида за Тодор Радевски познат како Тоде или Тодорче, македонски патриот, член на ДООМ, ВМРО/ДПМНЕ и член на комитетот Методија Андонов Чентово во Гетеборг Шведска.
Тодор Радевски е роден во Кичевското село Велмевци, во семејството на Борис и Менка Радевски. Неговата мајка е внука на легендарниот војвода од Илинденското востание Јордан Пиперката.
Тодорче Радевски во 1970 година заминува на работа во Шведска, каде останува до крајот на својот живот. Целиот свој живот го посветува на македонската кауза.
Кај Тодорче Радевски почнаа да доаѓаат лидерите и раководствата на Македонското движење во иселеништво како Драган Богдановски, Михаил Шариновски, Ристе Ристески и други.
Поради ова, во просториите на друштвото Гоце Делчев, во 1977 година дојде до употреба на огнено оружје. Радевски Тоде испука неколку куршуми со пиштол на игранката и за среќа никој не настрада. За стореното дело Радевски Тоде одлежа неколку месеци во затвор.
На 23-3-1991година од 18 до 23 часот во просториите на куќата форум, во населбата Кортедала ,во присуство на преполна сала со гости и, Драган Богдановски, Борис Змејковски, Мане Јаковлески и други се основа Задграничен Комитет на ВМРО- ДПМНЕ во Гетеборг. Се избра управно тело од осум членови меѓу кои беше и Тодорче Радевски.
Пред неговата смрт Тодорче (Тоде) почна да осеќа болки во нозете и колената. Повеќе лекарски прегледи беа направени но причината за болките не се откри. Тодорче планираше да се врати во својата Македонија, во Битола.
Неговата замисла не се исполни. Болеста повеќе и повеќе напредуваше и здравјето му го одземаше. Тодорче почуствува дека му се ближи крајот и напиша тестамент кој му го предал на Владо Арсов од Велес.
Во тестаментот тој ќе ја напише последната желба дека кога ќе умре сака телото да му биде пренесено во Македонија, во родното село Велмевци, каде во летниот период јадел топол селски леб со биено сирење и пиел планинска студена вода.
Тодорче Радевски почина на 23 март 2016 година.
Меѓутоа поради административни пропусти, последната негова желба ќе биде исполнета неколку месеци подоцна. Со помош на Патриотското Здружение Тодор Александров и другите пријатели телото на Радевски беше донесено во Велмевци-Македонија и на 22.11.2016 година во присуство на свештеник беше погребан, во прадедовските фамилијарни гробишта со сите македонски религиозни обичаи.
Вечна му слава на Тодорче (Тоде) Македонецот, АМИН!
