МИА ја тресе огромен скандал: Под притисок на Атина Заев си ги цензурира изјавите за МИА
Првата изјава на Заев
Во интервју за МИА во Вашингтон, Заев изјавил: „Северниот дел од Грција е Грција, западниот дел од Бугарија е Бугарија. Ова е наша Македонија и нема да има ниедна друга во светот“. МИА веднаш го пренесе интервјуто, но подоцна комплетно ги промени изјавите на Заев.
Цензурираната изјава на Заев
Променетото интервју изгледало вака: „Сите знаеме денес дека дел од геополитичкиот регион од Македонија е во Грција, дел во Бугарија и северниот е во нашиот дел. Придавката “северна” прави разлика и ние потврдуваме дека постојат региони во Бугарија и во Грција кои се нарекуваат Македонија“, пишува во текстот на “Екатимерини”.
МИА се самопоништи на дваесеттиот роденден
Текстот на грчкиот весник „Катимерини“ е потврда дека државната новинска агенција МИА ја тресе голем скандал. Во деновите кога МИА прославува 20 години од основањето, нејзиниот кредибилитет како агенција е сериозно доведен во прашање. Новинска агенција која се финансира од Буџетот на граѓаните да ги менува изјавите по потреба на премиерот и соседните држави.
Автоцензурата на Заев најверојатно се одвивала по следниов редослед.
Заев кажал: „Северниот дел од Грција е Грција, западниот дел од Бугарија е Бугарија. Ова е наша Македонија и нема да има ниедна друга во светот“, МИА пренела, грчкото МНР реагирало директно кај Заев или во Владата, а оттаму или тој лично, реагирале МИА да ја смени изјавата на премиерот во: „Сите знаеме денес дека дел од геополитичкиот регион од Македонија е во Грција, дел во Бугарија и северниот е во нашиот дел. Придавката „северна“ прави разлика и ние потврдуваме дека постојат региони во Бугарија и во Грција кои се нарекуваат Македонија“. Дали е ова точно или не може да покаже видеоснимката од интервјуто, која МИА се уште не ја објавува.
Ја повикуваме МИА да ја објави видеоснимката за да види и да слушне македонската јавност што и како рекол премиерот, а одговорните во Агенцијата на чело со директорот Драган Антоновски, да понесат одговорност.
Невиден скандал е национална новинска агенција која се финансира од Буџетот да ги менува изјавите по потреба на премиерот и соседните држави. Тоа сероиозно го доведува во прашање нејзиниот кредибилитет.
Кој лаже, Катимерини, Заев или МИА, најубаво ќе дознаеме од видеоснимката што треба да ја објави МИА.
