Иванов со Папата, прогонетите патриоти со глувците, бубашвабите и ножот под грло
Заев ќе продолжи со политичкиот прогон против неистомислениците. Ќе суди и осудува, ќе затвора и апси бивши министри, директори, а по потреба и пратеници. Ќе спроведува селективна правда, лажно ќе се прикажува дека се бори со криминалот и корупцијата додека се трупа во богаство и ќе глуми добар и правичен човек.
Иванов со манир на човек кој како нешто да ја оплескал па потоа се спогодил за себе, по се изгледа ќе молчи и ќе чека да му поминат 5 те преостанати дена од мандатот, со надеж дека брзо ќе се заборави дека оставил на цедило голем број патриоти и невини луѓе, или со десеткратно преувеличено вина, а наспроти тоа и казна.
Тој велат се плашел од Заев. А не се плашел од семејствата на овие обесправени луѓе и од самите нив кога еден ден ќе излезат. Не се плаши од времето кога Заев ќе биде сменет и ќе дојде нова власт. Не се плаши од сопствената грижа на совест и од погледот полн со презир од секој слободоумен граѓанин Македонец кој во иднина ќе го среќава на улица или било каде.
Таму во дупките во Шутка, нема насмевки и среќа како на лицата на Заев и Иванов и нивните сопруги. Таму неважи муабетот за мирот, правичноста, помирувањето, позитивната мисла, љубовта, помагањето. Таму царува неправдата и мирисот на смртта. Нема чуство на правда ни кај оние кои неправедно се во домашни притвори кои прашање на време е кога Заев ќе ги прати или во дупките во Шутка или во Идризово, заради политичка омрза и добивање гласови кај исфрустрираните хејтери на СДСМ. Таму де, каде еден ден и тој може да се најде кога ќе се променат политичките прилики.
А и оние кои не се во притвор но се по судови, прогони, исчекувања, не се далеку од таму, иако речиси никој од овие луѓе нема вина и нормално ниту вистински докази. Тие се таму заради политиката на Заев да владее со политички прогони и политиката на Иванов во последната фаза од неговиот мандат да се претвори во преплашен поданик на Заев и бесчувствителен кон неправедно прогонетите.
А тие таму се борат секој ден да го преживеат во мизерни услови, во нечистотијата, глувци, бубашваби, смрдеа, во зима во студ, во лето во гасна комора во која нема воздух. И со ризик во секој момент дека некој од оние од Диво Насеље или слични на нив може да им го зарие ножот под гркланот!
