На прво место

Претседателот на ВМРО-ДПМНЕ, проф. д-р Христијан Мицкоски од денес е во дводневна посета на Берлин

3 минути за читање

д-р Христијан Мицкоски од денес е во дводневна посета на Берлин, Сојузна Република Германија

Претседателот на ВМРО-ДПМНЕ, проф. д-р Христијан Мицкоски и членот на Извршниот Комитет на ВМРО-ДПМНЕ, проф. д-р Трајко Славески од денес се во дводневна посета на Берлин, Сојузна Република Германија.

Делегацијата ќе земе учество во програмата која е дел од високиот дијалог на фондацијата Конрад Аденауер Штифтунг и десничарската германска сестринска партија ЦДУ на Ангела Меркел, каде централна тема ќе биде гео-eкономската конкуренција и Западниот Балкан: како да се надминат предизвиците и креираат нови можности.

Во рамките на оваа програма ќе се разговара и за економските можности, развивање на шансите за напредок, како и европското интегрирање на регионот на Балканот.

Свое учество на дводневниот настан ќе имаат и Манфред Вебер шеф на парламентарната група на Европската Народна Партија во Европскиот Парламент, д-р. Волфганг Шојбле претседател на Германскиот Бундестаг и поранешен министер за финансии на Германија, проф. д-р Роланд Коч министер претседател на германската покраина Хесе, Јенс Спан германски федерален министер за здравство, пратеникот Христиан Лиднер, Астрид Хамкер претседател на Економскиот совет на ЦДУ, Гутхер Отингер Европски комесар за буџет и човечки ресурси, Питер Алтмаер федерален министер за економија и буџет.

Во текот на денешниот ден Мицкоски и Славески ќе учествуваат на панелот насловен Берлинскиот процес: Германската обврзаност за Европската перспектива за Западниот Балкан, кој ќе биде отворен од д-р Јоаким Бертеле советник за надворешни, безбедносни и развојни политики на Германската Канцеларка Ангела Меркел. Свое учество ќе има и Франк Прис, Заменикшеф за европска и меѓународна соработка на Конрад Аданауер Штифтунг.

Подоцна во текот на денот ќе има панел дискусија за Западниот Балкан, влијанијата врз развојот и Европската Унија, каде ќе дискутираат меѓу другото и пратеници од Европскиот Парламент на владејачката партија на Ангела Меркел ЦДУ, Петер Бејер координатор на комитетот за трансатланска соработка, проф. д-р Патрик Сенсбурк, Мариан Венд.

Вториот ден ќе биде посветен на анализите за економската динамика за развој на Западниот Балкан и целиот регион.

Претседателот на ВМРО-ДПМНЕ, Мицкоски ќе го искористи престојот за афирмирање на стратешката цел членство во Европската Унија, динамизирање на процесите кои треба да бидат довршени за постигнување на високите стандарди, како и билатерални средби каде ќе се дискутира за прашања важни за нашата земја. Мицкоски ќе ги запознае своите соговорници и за лошата економска состојба, потребата за реформи и забрзување на процесот на интегрирање на Македонија во европското семејство.

ВМРО-ДПМНЕ

Најново од: На прво место

„Македонецот“ и „Мајко мила“ пред прогонетите деца од Егејска Македонија

На 23 септември, во Меморијалниот центар на Холокаустот на Евреите од Македонија во Скопје, се одржа второто претставување на документарниот филм „Македонецот“ и изложбата „Мајко мила“, проект на Петро Алексовски. На настанот присуствуваа многубројни посетители, меѓу кои најголемиот дел беа луѓе прогонети како деца од своите домови во Егејска Македонија. За многумина во салата, прикажаното […]

Пред преполна сала во ФХЕМ промовирани филмот „Македонецот“ и изложбата „Мајко мила“

Пред преполна сала, на 22 септември во Меморијалниот центар на Холокаустот на Евреите од Македонија се одржа првата промоција на документарниот филм „Македонецот“ и изложбата „Мајко мила“, проект на Петро Алексовски, Македонец кој живее во Полска. На настанот присуствуваа амбасадорот на Република Полска во Скопје, Петро Алексовски, членови на дипломатскиот кор, министри, пратеници, градоначалници и […]

Археологијата поврзана со Александар Македонски открива нови наоди

18 септември 2026 година Новите ископувања во Кралската гимназија во античка Миеза во северна Грција откриваат повеќе за образованието во Македонија во текот на 4 век п.н.е. Локалитетот во близина на модерна Науса научниците го поврзуваат со местото каде што Аристотел го учел младиот Александар и другите македонски кралски наследници. Археолошката гимназија поврзана со Александар […]

Митрополит Григориј: Лажна, заблудувачка и заведувачка презентација на Љубомир Фрчкоски

Пишува: Митрополит Кумановско-осоговски г. Григориј Фрчкоски произнесе колосална манипулација, креирајќи јавно мислење дека „Македонската православна црква – Охридска архиепископија (МПЦ – ОА) не е автокефална Помесна православна црква (ППЦ)“. Тој емитуваше оркестрирана кампања – Lügenfabrik („фабрика за лаги“) – против автокефалноста на МПЦ – ОА, и тоа преку: Погрешни информации (misinformation) – лажни информации создадени […]

Мицкоски со американската воена индустрија – а замислете на масата да седнеше некој од „стратезите“ на СДС

Премиерот на владата на Република Македонија одржа средба со бизнис-претставници од воената индустрија на САД, како и со официјални претставници од американската администрација задолжени за оваа област. Разговарано е за потенцијални инвестиции, проширување на инвестициските планови и ставање на располагање на расположливите ресурси. Нашата цел е преку сериозни и долгорочни партнерства да отвораме нови можности […]

Петрушевски: Со измените во Законот за пратениците се забранува двојно државјанство – лагите на СДС се демантираат

Пратеникот на ВМРО-ДПМНЕ, Бране Петрушевски, во интервју за емисијата „Траги“ на Алсат-М се осврна на поднесените измени на Законот за пратениците, со кои се предлага пратениците да не можат да имаат двојно државјанство. Според него, со ова законско решение ВМРО-ДПМНЕ сака да ги демантира тврдењата на СДС дека пратеници од партијата поседуваат бугарски пасоши. Петрушевски […]

Мицкоски имаше разговорот со Марко Рубио: Македонско-американското стратешко партнерство продолжува да се зајакнува

Разговорот меѓу Мицкоски и Рубио се одржа во Њујорк, а премиерот посочи дека ваквите контакти на високо политичко ниво имаат особено значење за односите меѓу Македонија и Соединетите Американски Држави. Според Мицкоски, директната комуникација со американските партнери претставува можност за размена на ставови за прашања од заеднички интерес, продлабочување на билатералните односи и натамошно зајакнување […]

Струшки книжевни средби – 2026“: Празник на македонскиот пишан збор и книжевноста

На 20 септември се одржаа традиционалните „Струшки книжевни средби – 2026“, меѓународна книжевна манифестација што секоја година ги собира авторите и љубителите на литературата во Струга и Вевчани. Во градот на поезијата, каде што македонскиот пишан збор има длабоки корени и богата традиција, „Струшките книжевни средби“ и годинава живееја во ритамот на литературата, создавајќи простор […]
Сите вести од На прво место

Најнови вести

To top