Пена му фати устата на лидерот на СДС, Венко Филипче, во бранењето на бугарските позиции, тврдејќи дека Бугарија не го негира македонскиот идентитет и дека тоа било „лага на ВМРО-ДПМНЕ“.
Сепак, брзо пристигна демант токму од новата влада на Румен Радев, односно од бугарската министерка за надворешни работи, која Македонците ги нарече „северномакедонци“.
Во меѓувреме, од македонската опозиција предводена од Филипче — молк.
Според ВМРО-ДПМНЕ, Филипче, кој континуирано ги брани позициите на официјална Софија, молчи и кога се навредува македонскиот народ и се негира македонскиот идентитет. Од партијата оценуваат дека тоа е продолжение на, како што велат, „мекотелната политика“ на СДС, Зоран Заев и Филипче.
Од ВМРО-ДПМНЕ обвинуваат дека доколку СДС повторно дојде на власт, ќе продолжи со политиките кои, според нив, се на штета на македонскиот идентитет, јазик, историја и култура.
Во соопштението се наведува дека со ваквиот пристап СДС нема проблем со бугарските позиции околу историските личности и настани, како Гоце Делчев, Илинденско востание и Крсте Петков Мисирков.
Од владејачката партија оценуваат дека политиките на „коленичење и виткање кичма“ пред оние кои го негираат македонскиот народ довеле СДС до сериозен пад на политичкиот рејтинг.
