Македонска Нација
Илинденците и асномците се бореа со оружје во рацете, свесни дека слободата можат да ја платат со сопствените животи. Благодарение на нивната храброст и саможртва, денес, иако само на еден дел од Македонија, имаме сопствена држава, свој македонски јазик и можност слободно да го славиме македонското име.
Нивниот аманет не е само да се поклонуваме пред минатото, туку храбро да ја градиме иднината. Денешната борба не се води во планините и рововите, туку со знаење, чесност, работа и одговорност. Тоа е борба за економски силна Македонија, за достоинствен живот и за иднина на младите во сопствената татковина.
Илинден нè учи дека Македонија е поголема од секоја партија, функција и лична суета. Политичките разлики се природни, но навредите, омразата и поделбите не создаваат иднина. Македонија се сака со дела – со почитување на туѓиот труд, со создавање нови можности и со заштита на националните интереси.
Токму таква одговорност денес носи претседателот на Владата на Република Македонија, проф. д-р Христијан Мицкоски. Соочен со наследени проблеми, напади и омаловажувања, тој ја избра потешката страна на политиката – да работи, да истрае и да одговара за сработеното.
Толеранцијата не е слабост. Потребна е голема внатрешна сила на навредите да се одговори со работа, а на нападите со резултати. Борбата за посилна економија, повисок животен стандард и зачувано национално достоинство е современата илинденска борба.
Ако Гоце Делчев го разбирал светот како поле за културен натпревар меѓу народите, денес Македонија треба да ја разбереме како поле за натпревар во работа, знаење и економски напредок. Партиите нека се натпреваруваат која ќе создаде повеќе за народот, а не која ќе посее повеќе омраза.
Пред Илинден треба да се запрашаме: дали сме достојни за жртвата на нашите предци? Дали нивниот аманет го продолжуваме со единство и работа или го трошиме во кавги и поделби?
Илинденците и асномците ја водеа својата борба со оружје. Нашето оружје денес се знаењето, трудот, чесноста и љубовта кон татковината.
Токму таква борба предводи премиерот Христијан Мицкоски – борба за економски силна Македонија, со крената глава, исправена кичма и сигурна иднина за поколенијата што доаѓаат.
Нека е среќен Илинден!
Вечно нека се памети саможртвата на илинденците и асномците, благодарение на кои денес живееме и го славиме празникот во слободниот дел на Македонија.
Да ни е вечна Македонија!
